Read Northwest Gbaya GIMA 6 Bible Online

GIMA 6 - Northwest Gbaya bible

GIMA 6

¹Gima ko David ha̧ wan-duk-zu-gima; gima nɛ mɔɔ-mbɛr nɛ nyak-aa a̧a̧ sɛnɛ.

²GASA WAN, kà see'nɛ́ á̧ nyima in am, ɓɛɛ k’ɛ́nɛ́ usi bɔnɛ ha̧‘m na; k’ɛ́nɛ́ de wen in am ŋgimbi nɛ see'nɛ́ biti ɗaŋ in am na mbɛt.

³Ɛ̀nɛ̀ dé ko ha̧‘m, GASA WAN; ŋgai bo tɛ‘m ɓɔna; gba̧a̧-tɛ‘m mɔka lɛŋ, ɛ̀nɛ̀ kpás'am.

⁴Gba-gbana baa'm; ɛnɛ tɛ tɛ bɔɔ mɛ kpas'am mɛ gese ge?

⁵GASA WAN, ɛ̀nɛ̀ píí ɗoŋ! Ɛ̀nɛ̀ gbó‘m tɛ bɔnɛ na nde? Ɛ̀nɛ̀ kpás'am wen kɔ̧ɔ̧mɔ k’ɛ́nɛ́ na nde?

⁶Wen kà bíí nɛ́ fee kaɗi, a̧ iŋa so oi'nɛ́ ɓɔ? Nɛ́ o'o tɛ gasi'nɛ́ fara ko o fio mɛ o?

⁷Mi gɔfa mɔ ɗoŋ-aa nyɛi̧, mi mbɔia wan kaɗi na nde? Mɛ zɛ ɓɔnsɛnɛ gado nɛ̀ oi mɔɔ-ɔ-nɛnɛ kɔ‘m ɓɔɔ zɔɓɔk nɛ mi̧i̧kɔ̧a̧ kɔ‘m.

⁸Yí‘m fɛŋa tɛ bɔnɛ kɔ̧a̧; yí‘m too ɓurɛ ɓɛɛ o wi-kur-zu'm kɛr kànà nɛ‘m.

⁹Ɛ̀nɛ̀ yú siɓi katɛ‘m, ɛnɛ o wi-de-mɔ de na, wen GASA WAN zia taŋa kɔ̧a̧ kɔ‘m.

¹⁰A̧ zia aia-nú kɔ‘m, ɓɛɛ a̧ kpɛk kɔfa-sɔ̧ kɔ‘m.

¹¹Zu o wisɛn kɔ‘m lɛŋ a̧ zik! Mɔ kɔ-wa a̧ ɗaŋ nɛ oi! Wa a̧ pɛsi a taŋ sót-sót!