Read Northwest Gbaya GIMA 61 Bible Online

GIMA 61 - Northwest Gbaya bible

GIMA 61

¹Gima ko David ha̧ wan-duk-zu-gima, nɛ̀ kunde pɛ́r-a nɛtɛ nɛtɛ.

²Sɔ̧, ɛ̀nɛ̀ zíí aia-nú kɔ‘m na nde? Ɛ̀nɛ̀ yéŋ zer'nɛ́ tɛ kɔfa'nɛ́ n'am kɔfi'i.

³Mi duk nduti-nù mɛ sa nɛ̀ mɔ sitɛ‘nɛ́ wen tɛ‘m lɔmgba lɛŋ. Ɛ̀nɛ̀ bá‘m e zu kam-ta nɛ̀ kusa gan am'i,

⁴wen ɛ́nɛ́ nɛ́ fara-hu̧si kɔ‘m; ɛ́nɛ́ nɛ́ ŋga tua nɛ̀ gɔna ti o wisɛn.

⁵Mi kɔ̧ɔ̧ mɛ duk kɔ̧ tua k’ɛ́nɛ́ ɓɔnsɛnɛ, ɓɛɛ ɛ̀nɛ̀ dé ha̧ gi̧ɔ̧-tɛ‘nɛ́ mɛ kpe zu'm

⁶wen ɛ́nɛ́ kɔ̧ ɗɔɔ ha̧a̧nú kɔ‘m kɔ̧ɔ̧, ɓɛɛ mɔɔ-oi n’ɛnɛ ha̧ ha̧ o wi nɛ̀ yu'nɛ́, nɛ́ kpɔk yí mɔ‘i ɛ̀nɛ̀ ha̧a̧ ha̧‘m mbɛt.

⁷Sɔ̧, ɛ̀nɛ̀ dé ha̧ pɛ wannu mɛ dɔk siti, ɛ̀nɛ̀ dé ha̧ a̧ mɛ́ duk siti ɗoŋ-aa nyɛi̧;

⁸Ɛ̀nɛ̀ é ha̧ a̧ mɛ́ ɔ wan ti'nɛ́ ɓɔnsɛnɛ, ɛ̀nɛ̀ é ha̧ dee demɔ k’ɛ́nɛ́ in kpasawen k’ɛ́nɛ́ mɛ pɛm a̧.

⁹Ɓɛɛ hegɔ mi tɛ bìì gima gasi nɛ̀ nin'nɛ́ ɓɔnsɛnɛ; mɔ n'am ha̧a̧ nú sɛnɛ h’ɛ́nɛ́ kaɗi, mi tɛ de kànà mɔ‘i dam ɗoŋ wese lɛŋ.