Read Northwest Gbaya GIMA 67 Bible Online

GIMA 67 - Northwest Gbaya bible

GIMA 67

¹Gima ha̧ wan-duk-zu-gima nɛ̀ o kunde pɛ́r-a nɛtɛ nɛtɛ.

²Sɔ̧, ɛ̀nɛ̀ dé ko h’ɛ́ɛ́, ɛ̀nɛ̀ tók de yoŋgo zu yɛ, ɛ̀nɛ̀ dé ha̧ sɔnti'nɛ́ mɛ tok zu yɛ

³wen ha̧ o bíí zu nù lɛŋ mɛ iŋ yuwar k’ɛ́nɛ́, ha̧ o tugun bíí mɛ iŋ ndé, ɛ́nɛ́ a̧a̧ nɛ̀ ŋgai mɛ kpasi bíí.

⁴O dukbíí a̧ zɔ́n nin'nɛ́, Sɔ̧! O dukbíí nù lɛŋ a̧ zɔ́n nin'nɛ́!

⁵O tugun bíí lɛŋ a̧ dé nyɛŋɛ, wa a̧ bíí gima, wen ɛ́nɛ́ gɔn kita zu nù nɛ yuwar-a, ɛ́nɛ́ gɔn kita zu o bíí nɛ̀ de-a, nɛ́ ɛnɛ'ɛ ɔ wan zu o tugun bíí.

⁶O dukbíí a̧ zɔ́n nin'nɛ́, Sɔ̧! O dukbíí nù lɛŋ a̧ zɔ́n nin'nɛ́!

⁷Nù'ɛ dɛma nyɔnɔ nyɛmna; Sɔ̧ k’ɛɛ toka de yoŋgo h’ɛ́ɛ́.

⁸Sɔ̧'ɔ̧ tók de yoŋgo h’ɛ́ɛ́ siti, ɓɛɛ o bíí zaŋnu dam fara lɛŋ a̧ yu kíí a̧!