Read Northwest Gbaya GIMA 8 Bible Online

GIMA 8 - Northwest Gbaya bible

GIMA 8

¹Gima ko David ha̧ wan-duk-zu-gima; ger gima'i ndak nɛ ɗoŋ tiger gima ko Gat.

²GASA WAN, Sɔ̧ k’ɛɛ, nin'nɛ́ ɔ hura zu nù'ɛ lɛŋ! O be geɗek bem in o zɔɗi-bem

³bíí nɛ gima zɔn nɛ̀ gasamɔ k’ɛ́nɛ́ nɛ̀ a̧a̧ nɛ̀ ɗoŋ yiwese ŋgɔn mɛ. Ɛ́nɛ́ mboo ŋga fara k’ɛ́nɛ́ gɔn nɛ ti o wi-kur-zu'nɛ́ h’ɛ́nɛ́ mɛ gan o wisɛn in o wi-de-ŋgazu.

⁴Kà‘m ba yí‘m si yiwese, kà‘m zɔk tom k’ɛ́nɛ́ n’ɛnɛ dea, kà‘m zɔk o sɔra in nyaŋa-zɛ n’ɛnɛ aa nɛ war-a, ɓɛɛ mi taa mɔ:

⁵Bíí nɛ́ ge s’ɛnɛ ta mɔ wen-aa’ɛ ge? Bem ko Adam so nɛ́ o s’ɛnɛ yɔ ŋgimbi k’ɛ́nɛ́ wen-aa ge?

⁶Ɛnɛ dee bíí, ɓɛɛ a̧ tɛ̀ɛ́ nyɛm ŋmaa in'nɛ̀ɛ́ ɓɔn,[1] wen ɛnɛ zika a̧ nɛ̀ zɔnamɔ in gasamɔ k’ɛ́nɛ́.

⁷Ɛnɛ ea a̧ mɛ ɔ wan zu mɔ n’ɛnɛ dee nɛ er'nɛ́; ɛnɛ ee o mɔ lɛŋ ɗɔɔ ŋgai[2] kɔ̧-a̧.

⁸O sami in o ndai lɛŋ, ká bá nɛ̀ o saɗi-zaŋbɛɛ,

⁹o nɔ̧́í̧ mɛ yiwese gu nɛ o zoro nɛ̀ yar nɛ ɗɔɔ gba-tɔp, ɛnɛ aa wa lɛŋ ɗɔɔ naŋ-a.

¹⁰GASA WAN, Sɔ̧ k’ɛɛ, nin'nɛ́ ɔ gasa zu nù'ɛ lɛŋ!