Read Northwest Gbaya GIMA 82 Bible Online

GIMA 82 - Northwest Gbaya bible

GIMA 82

¹Gima ko Asaf. Sɔ̧ duk kɔ‘i tɛ baa-keta yiwese mɛ gɔn nɛ̀ kita zu o sɔ̧ hee mɔ'ɔ ga:

²«Ɛ́nɛ́ tɛ kaɗi bɔɔ ɗaŋ gɔna-kita k’ɛ́nɛ́ mɛ gese ge? Ɛ́nɛ́ tɛ kaɗi yee ɗoŋ o wi-ɗaŋ mɛ gese ge?

³Ɛ̀nɛ̀ gɔ́n kita nɛ tana-a zu o wi nɛ̀ bó nɛ̀ ŋgai na in o be-oi, ɛ̀nɛ̀ dé mɔ nɛ yuwar-a in o wisan ká bá nɛ̀ o wi-kɔsa.

⁴Ɛ̀nɛ̀ gbó o wisan in o wi-kɔsa tɛ bɔnɛ, ɓɛɛ ɛ̀nɛ̀ gbó wa er o wi-ɗaŋ yinɛ mbɛt.

⁵«Wa iŋ mɔ na, wa zii mɔ na mbɛt; wa nɛ nɔ tɛ tum, ɓɛɛ nɛ́ mɔ'ɔ nɛ̀ nù naka dam fara lɛŋ.

⁶«Mi baa tɔ̧ so kɔ‘m'e ɛ́nɛ́ nɛ́ o sɔ̧;[20] ɛ́nɛ́ lɛŋ nɛ́ o bem ko GASA WAN nɛ duk ŋgɔn mɛ,

⁷ɓɛɛ ɛ́nɛ́ tɛ fe lɛŋ wen ŋma ɓɔn-zan-bíí ko fio bo na; ɛ́nɛ́ tɛ tik hee mɔ'ɔ nɛ o be-wan tik nɛnɛ'ɛ ga mbɛt.»

⁸Sɔ̧, ɛ̀nɛ̀ kúr! Ɛ̀nɛ̀ gɔ́n kita zu nù'ɛ wen nɛ́ ɛ́nɛ́'ɛ ɔ wan zu o tugun bíí zu nù lɛŋ.