Read Northwest Gbaya GIMA 83 Bible Online

GIMA 83 - Northwest Gbaya bible

GIMA 83

¹Gima ko Asaf.

²Sɔ̧, k’ɛ́nɛ́ duk nɛ̀ oi nú‘nɛ́ na! Ɛ̀nɛ̀ kur, k’ɛ́nɛ́ duk sɛ́ɛ́m ɓɔna!

³Ɛ̀nɛ̀ zɔ́k o wi-sɛn'nɛ́ nɛ̀ dika gɛrɛm tuɓi nɛ̀ da̧ a zu'nɛ́'ɛ!

⁴Wa ee nú mɛ de ŋgamɔ in dukbíí k’ɛ́nɛ́, wa ba nɛ ɗaŋ ŋga keta zu o bíí n’ɛ̀nɛ̀ pɛm;

⁵gba̧a̧ keta nɛ̀ wa ba'i nɛ́ mɔ'ɔ: «Ɛ̀nɛ̀ tɛ́ ɛ̀ɛ̀ kúm wa yinɛ mgbara o tugun bíí; ká‘i zii géé zia nin Israɛl ɓɔna!»

⁶Wa mɔi̧a ŋmaa gbol-gbol mboɗi zu wen-aa kpɔk, mɛ̀ nɛ́ wen dee ɗaŋmɔ in'nɛ̀ɛ́.

⁷O wi-ba-ɗaŋ-keta nɔ‘i nɛ mɔ'ɔ: o be Edɔm, o be Ismaɛl, o be Mɔab in o be Hagri,

⁸nú Gebal, Amɔŋ, Amalɛk, in o be Filistii, ká bá nɛ̀ o be Tir,

⁹ɓɛɛ kinii o be Asirii mbɛt mɔi̧a ŋmaa a zu wa mɛ gbak o bezaŋ Lot.

¹⁰Ɛ̀nɛ̀ dé kale kpɔk mɔ n’ɛnɛ baa de so in Madiaŋ in Sisɛra ká bá nɛ̀ Yabin, nú yì ko Kisɔŋ in wa;

¹¹wen ɛ́nɛ́ baa kum so wa sɛn Ɛn-Dɔr, ɓɛɛ ká wɔr-wa mbɔr ɓuk ɓɔn mbɔɗɔnu sɔɔ géè.

¹²Ɛ̀nɛ̀ dé kale kpɔk mɔ n’ɛnɛ dee so in Hɔrɛb ká bá nɛ̀ Zɛb in o gasawi kɔ-wa, ɓɛɛ nɛ́ kale kpɔk mɔ n’ɛnɛ dee so in Zɛba in Salmuna'i ɛ̀nɛ̀ tɛ de kànà in o be-wan kɔ-wa mbɛt,

¹³wen wa tɔ̧ɔ̧ so'e nde: «Fara-duk ko Sɔ̧‘i, ɛ̀ɛ̀ bá yinɛ er wa, ɛ̀ɛ̀ ɔ wan sɛnɛ!»

¹⁴Sɔ̧ kɔ‘m, ɛ̀nɛ̀ dé ha̧ wa mɛ ya hee kora wa̧a̧ in yɔsɛ nɛ búk kai pɛsi yaknɛ'ɛ ga;

¹⁵nyimsea k’ɛ́nɛ́'ɛ tík zu wa hee wee-gba-zɔ̧ ga, ɛ̀nɛ̀ dé mɔ in wa hee wee zɔ̧ nɛ̀ daŋ kaya leɓaa’ɛ ga.

¹⁶Zɔm nyimsea k’ɛ́nɛ́'ɛ ndák wa pɛsi sót-sót, ɛ̀nɛ̀ dé ha̧ zɔm ndiɓa búk mɛ pi̧ bele tɛ-wa!

¹⁷GASA WAN, ɛ̀nɛ̀ pí̧ foe zu wa wen ha̧ wa mɛ kii'nɛ́!

¹⁸Foe a̧ tík zu wa, bele'e zár wa ɓɔnsɛnɛ! Búù a̧ bá wa, fio'o zɔk ɗoŋ wa

¹⁹ha̧ wa mɛ iŋ ndé, GASA WAN nɛ́ ɛ́nɛ́ kpɔk ɓɛɛ. GASA WAN nɛ̀ duk ŋgɔn mɛ, nɛ́ ɛnɛ'ɛ ɔ wan zu nù lɛŋ.