Read Northwest Gbaya GIMA 88 Bible Online

GIMA 88 - Northwest Gbaya bible

GIMA 88

¹Gima ko o bem ko Kore ha̧ wan-duk-zu-gima; gima’ɛ ha̧ Heman be-nù‘i.

²GASA WAN, Sɔ̧ wan-kpas'am, mi sa'nɛ́ nɛ̀ wese, ɓɛɛ mɛ zɛ mi gɔfa mɔ ti'nɛ́.

³Aia-nú kɔ‘m a̧ daŋ hɔ tɛ‘nɛ́, ɛ̀nɛ̀ yéŋ zer'nɛ́ tɛ hi̧a̧ kɔ̧a̧ kɔ‘m,

⁴wen bɔnɛ tika zu'm, mi hɛɗa fio kaɗi;

⁵wa tɔra'm mgbara o fio kaɗi, mi bó nɛ́ bíí ɓɔna.

⁶Wa pi̧a'm mgbara o fio hee o wɔr bíí nɛ̀ ɔ kɔ̧́ kɔ̧̀'ɛ ga; tɛ‘nɛ́ bìí ɗoŋ wa wen wa bo kɔ̧ er'nɛ́ ɓɔna.

⁷Ɛ́nɛ́ pi̧a'm kɔ̧ ɗuka kɔ̧ ti tum ndaa di̧i̧ mɛ;

⁸nyimsea k’ɛ́nɛ́ dita zu'm ɓɛɛ kpe zu'm hee pɛŋa-yì ga.

⁹Ɛnɛ dee ha̧‘m mɛ kifi duk nɛ́ mɔɔ-nyɛr ti o gbama-yari kɔ‘m, ɓɛɛ nɛ́ mɔ'ɔ nɛ̀ wa pɛsa e'm duk; wa kpee am ɓɛɛ fara ha̧‘m mɛ gbo bó géé boa-a na.

¹⁰Yí‘m ɗuka ba gba̧a̧. Wese lɛŋ mi sa nɛ́ ɛnɛ, GASA WAN; mi nyɛi̧ nɛ er-am sitɛ‘nɛ́.

¹¹Gasamɔ k’ɛ́nɛ́, ɛ́nɛ́ de ha̧ o wi nɛ fea; nɛ́ o wɔr a̧ tɛ kur mɛ gasi'nɛ́ nde?

¹²Wa tɛ̀ɛ́ tɔ̧ so nyɛrɛ kɔ̧ɔ̧mɔ k’ɛ́nɛ́ sɛn kɔ̧ pɛsi-fio mɛ kà bó nɛ̀ tɔ̧ɔ̧ nyɛrɛ kpasawen k’ɛ́nɛ́ fara tum mɛ?

¹³Bíí iŋa so kɔ‘i gasamɔ k’ɛ́nɛ́‘i fara tum'i kà bó nɛ̀ deemɔ nɛ yuwar-a k’ɛ́nɛ́ ye ko o fio mɛ‘i?

¹⁴Ɓɛɛ kɔ‘m, mi sa nɛ mɔ sitɛ‘nɛ́, GASA WAN, mi kɔfi'nɛ́ nɛ̀ tuyɛ ɓɔnsɛnɛ;

¹⁵wen ge s’ɛnɛ ndak am ge? Ɛ́nɛ́ hu̧si bɔɔ sɔnti'nɛ́ nɛ̀‘m wen ge?

¹⁶Bɔnɛ in fio duk ɗoŋ-am dɔ̧ɔ̧ nɛ̀ bem mɛ tɛnɛ; mi nyɔŋa nin ɗɔɔ mɔɔ-kíì k’ɛ́nɛ́ hegɔɔ takaɗi, ɓɛɛ kinii mɔ‘i gbɔsa ba'm.

¹⁷Nyimsea k’ɛ́nɛ́ gana zu'm; o ŋgayamɔ k’ɛ́nɛ́ dee ha̧‘m mɛ tik ɓɔn mbulɛɛ.

¹⁸Mɔɔ nɔ‘i zika'm nyɛŋtɛŋ hee yì ga, ɓɛɛ wa kpe zu'm liŋgɔm.

¹⁹Ɛ́nɛ́ dee ha̧ o sɛm kɔ‘m in o nya'm mɛ pɛsi e'm duk; ɓaa gbama-yari kɔ‘m nɛ́ tum ɓɛɛ.