Read Northwest Gbaya GIMA 95 Bible Online

GIMA 95 - Northwest Gbaya bible

GIMA 95

¹Ɛ̀nɛ̀ tɛ, ɛ̀ɛ̀ híɗí mɔ sitɛ GASA WAN nɛ desee! Ɛ̀ɛ̀ zɔ́n kam-ta-kpasi-ɛɛ!

²Ɛ̀ɛ̀ nɛ́ sitɛ a̧ nɛ̀ dee osoko! Ɛ̀ɛ̀ zɔ́n nin-a nɛ̀ mɔɔ-mbɛr k’ɛɛ!

³GASA WAN nɛ́ Sɔ̧ nɛ̀ ɔ gasa nyɛmna; a̧ nɛ́ wannu nɛ̀ gana o ŋma sɔ̧ lɛŋ.

⁴O ɗuka-fara zaŋnu’ɛ in o kusa kaya lɛŋ ya kɔ̧ er-a;

⁵gba-tɔp nɛ́ kɔ̧-a̧ wen nɛ́ à̧ á̧ dee a̧. Kora-nù'ɛ nɛ́ à̧ á̧ dee nɛ̀ er-a mbɛt.

⁶Ɛ̀nɛ̀ yé mɔ, ɛ̀nɛ̀ gú nù, ɛ̀nɛ̀ gbɛ́ zugur'nɛ́ ti GASA WAN wen nɛ́ à̧ á̧ dee yɛ,

⁷wen a̧ nɛ́ Sɔ̧ k’ɛɛ. Ɛ́ɛ́ nɛ o bíí kɔ̧-a̧ nɛ̀ duk nɛ́ mɔ-dai nɛ̀ ya kɔ̧ er-a. Ɛ̀nɛ̀ zíí mbɔrɔ kɔ̧-a̧ sɔsɔɔ.

⁸Gba̧a̧ mbɔrɔ‘i a̧a̧: «K’ɛ́nɛ́ ŋgai see'nɛ́ hee mɔ'ɔ n’ɛ̀nɛ́ dee so sɛn Mɛriba ga na, hee mɔ'ɔ n’ɛ̀nɛ́ dee so sɛn Masa ŋga-gbárà mɛ‘i’ɛ ga na mbɛt.

⁹O zɔmdáa k’ɛ́nɛ́ wee so'm, ɓɛɛ wa zɔk tom n'am dee so kànà‘i mbɛt.

¹⁰«Tɛ pɛ ɓu-naar deemɔ kɔ-wa dee ha̧ wɔ-tɛ-wa mɛ bus'am, nɛ́ hegɔ sa'm tɔ̧‘e, wa nɛ́ o wi nɛ̀ see a̧ra̧, wa iŋ yuwar kɔ‘m ɓɔna,

¹¹ɓɛɛ mi kan mɔ nɛ̀ ɗaŋsee ti wa ndé, wa beka ye fara-ɔm-tɛ kɔ‘m na ndó-ndó-ndó.»