Read Northwest Gbaya GIMA 96 Bible Online

GIMA 96 - Northwest Gbaya bible

GIMA 96

¹Ɛ̀nɛ̀ bíí mbe gima ha̧ GASA WAN! Ɛ̀nɛ̀ bíí gima zɔn nɛ̀ GASA WAN, ɛ́nɛ́ o bíí zaŋnu lɛŋ!

²Ɛ̀nɛ̀ bíí gima zɔn nɛ̀ GASA WAN, ɛ̀nɛ̀ zɔ́n nin-a! Ɛ̀nɛ̀ wé ɗoŋ mɔ n'aa dee kpasi nɛ̀ ɛ́nɛ́ wese lɛŋ!

³Ɛ̀nɛ̀ wé ɗoŋ gasamɔ kɔ̧-a̧ ha̧ o wi nɛ̀ iŋ a̧ na. Ɛ̀nɛ̀ wé ɗoŋ mɔɔ-gɔn-ɗɛɗɛ n'aa dea mgbara o dukbíí lɛŋ!

⁴GASA WAN nɛ́ zɔm mɔ, wi zɔ́n a̧ nɛ̀ kpasa zɔnamɔ. A̧ nɛ́ mɔɔ-gɔn-hiɗi-wi wen a̧ gana o sɔ̧ lɛŋ.

⁵O sɔ̧ ko o dukbíí lɛŋ nɛ́ geemɔ. Nɛ́ GASA WAN á̧ dee yiwese;

⁶sa̧a̧mɔ in gasamɔ a̧a̧ ti a̧, ŋgai in demɔ a̧a̧ kɔ̧ sa̧a̧ fara kɔ̧-a̧ mɛ.

⁷Ɛ́nɛ́ o pɛ́r-nam ko o dukbíí, ɛ̀nɛ̀ há̧ mɔ ha̧ GASA WAN, ɛ̀nɛ̀ há̧ ŋgai k’ɛ́nɛ́, in ɛ̀nɛ̀ zɔ́n GASA WAN.

⁸Ɛ̀nɛ̀ zɔ́n nin GASA WAN; ɛ̀nɛ̀ bá ha̧a̧mɔ k’ɛ́nɛ́ tɛnɛ e ti a̧.

⁹Ɛ̀nɛ̀ gásí GASA WAN kɔ̧ sa̧a̧ bee-gara kɔ̧-a̧; nù lɛŋ a̧ dúk nɛ̀ naka-tɛ ti a̧.

¹⁰Ɛ̀nɛ̀ tɔ̧́ dam mgbara o tugun bíí nɛnɛ‘e: «GASA WAN nɛ́ wannu; nɛ́ à̧ á̧ ɗafa nù mɛ duk nɛ̀ nɔa-a, nɛ̀ fo mɔ na, nɛ́ à̧ á̧ tɛ gɔn kita zu o bíí nɛ̀ tana-a.»

¹¹Yiwese a̧ dúk nɛ̀ desee! Nù a̧ dé nyɛŋɛ! Gba-tɔp in o mɔ nɛ a̧a̧ ɗɔɔ-aa lɛŋ a̧ dik,

¹²o mɔɔ-zaŋbɛɛ lɛŋ a̧ dé tortɛ, o te-kombo lɛŋ a̧ gáí mɔ nɛ̀ desee!

¹³Wa a̧ yá nɛ̀ desee ti GASA WAN, wen a̧ a̧ tɛ‘i, a̧ tɛ gɔn kita zu nù, a̧ tɛ ɔ wan nɛ̀ yuwar-a. A̧ tɛ gɔn kita zu o dukbíí nɛ̀ tana-a.