Read Northwest Gbaya GIMA 99 Bible Online

GIMA 99 - Northwest Gbaya bible

GIMA 99

¹GASA WAN ɔɔ wan ɓɛɛ o bíí ya nɛ̀ naka-tɛ; a̧ daŋa duk zu o keribim ɓɛɛ nù mgbimgbi!

²GASA WAN ɔ gasa sɛn Siɔŋ mɛ; nɛ́ a̧ a̧ ɔ wan zu dukbíí lɛŋ.

³O bíí a̧ zɔ́n nin'nɛ́ nɛ̀ ɔ gasa in nɛ̀ duk nɛ́ mɔɔ-gɔn-hiɗi-wi wen ɛ́nɛ́ nɛ́ zɔm mɔ nɛ̀ ɔ sa̧a̧.

⁴A'i zɔ́n ŋgai k’ɛ́nɛ́! Wannu nɛ̀ kɔ̧ɔ̧ gɔna kita nɛ̀ yuwar-a nɛ́ ɛ́nɛ́ ɓɛɛ; nɛ́ ɛnɛ'ɛ de mɔ nɛ yuwar-a gɔn nɛ̀ kita, nɛ́ ɛnɛ'ɛ de tom tɛ Jakob.

⁵Ɛ̀nɛ̀ gásí GASA WAN, Sɔ̧ k’ɛɛ, ɛ̀nɛ̀ gú nù ti mɔɔ-e-ɗɔɔ naŋ-a wen a̧ ɔ sa̧a̧!

⁶Moisɛ in Arɔŋ yaa so mgbara o wi-ɗafi-sɔ̧ kɔ̧-a̧, ká bá nɛ̀ Samuɛl nɛ̀ saa so nin-a'i; wa lɛŋ saa so mɔ sitɛ a̧, ɓɛɛ a̧ kifi nú ha̧ wa.

⁷A̧ tɔ̧ɔ̧ wen ha̧ wa tɛ bu-zan, ɓɛɛ wa kasi o yuwar-duka-a in heembea n'aa ha̧a̧ so ha̧ wa.

⁸GASA WAN, Sɔ̧ k’ɛɛ, ɛ́nɛ́ kifa nú ha̧ wa, ɛ́nɛ́ so nɛ́ Sɔ̧-e-ɗaŋmɔ ha̧ wa, ɓɛɛ kà wa dé ɗaŋmɔ, ɓɛɛ ɛnɛ gaia wa mbɛt.

⁹Ɛ̀nɛ̀ súmbúrí GASA WAN, Sɔ̧ k’ɛɛ! Ɛ̀nɛ̀ gú nù ti sa̧a̧ kaya kɔ̧-a̧, wen GASA WAN, Sɔ̧ k’ɛɛ, ɔ sa̧a̧!