Read Northwest Gbaya GIMA KO SALOMƆŊ 3 Bible Online

GIMA KO SALOMƆŊ 3 - Northwest Gbaya bible

GIMA KO SALOMƆŊ 3

¹Mɛ zaŋzɛ gɔn gado kɔ‘m, mi kii nɛ wi nɛ see-am baa. Mi kii a̧ takaɗi, mi kpa a̧ na.

²Mi tɛ kur ha̧‘m mɛ yar nɛ yuwar in nɛ bee-gara dam saaye lɛŋ, kii nɛ wi nɛ see-am baa'i; mi kii a̧ takaɗi, mi kpa a̧ na.

³O wi-pɛm-mɔ nɛ yar nɛ saaye zɔk nɛ mɔ nɛnɛ kpaa'm, ɓɛɛ mi ak wa: «Ɛnɛ zɔk yaa-dua-see-am na nde?»

⁴Mi ɓira wa yak hegɔ, ɓɛɛ mi kpa yaa-dua-see-am'i; nɛ mɔ'ɔ n'am tika tɛ-a, ɓɛɛ mi ba a̧. Mi beka ɗai er tɛ-a ɓɔna, hɔ ŋgimbi n'am tɛ mgbɔ a̧ nɛnɛ ye nɛ tua ko naa kɔ‘m, si kɔ̧ gɔna-bɛr-tua, fara nɛ naa kɔ‘m baa so zaŋ-am sɛnɛ.

⁵«O boko-be Jerusalɛm, mi kana mɔ nɛ nin kalamba in zambɛrɛ h’ɛ́nɛ́, k’ɛ́nɛ́ aŋ wee kɔ̧ɔ̧mɔ mgbara yɛ a ŋgɔn na, hɔ ŋgimbi nɛ ŋgimbi-a tɛ nyɛm sɛnɛ sɛ.»

⁶Nɛ́ ge a̧ kur nɛ ŋga-gbárà daŋnɛ, hee zi-wee ga, koo hee pɛr de nɔ̧́-nyama in fuu-nyama ko o wi-de-gɛnɛ a̧ wa dɔ, ɓɛɛ sa de pɛr-aa kur tɛnɛ ga’ɛ ge?

⁷Mɛ̀ nɛ tipoe ko Salomɔŋ, nɛ̀ o yaa-ŋgo-biro ɓu-mɔɔrɔ-ɗoŋ-kpɔk ya zik; o wi nɔ‘i nɛ́ o yaa-ŋgo-biro Israɛl.

⁸Gba-paa a̧a̧ sɛn er-wa, wa lɛŋ yamba dee biro; kóó o nde a̧a̧ nɛ gba-paa kɔ‘i ká̧ tir, wen pɛma tɛ-wi tɛ o ŋga mɔɔ-zɛ.

⁹Wannu Salomɔŋ dee tipoe kɔ‘i nɛ te Libaŋ.

¹⁰A̧ dee o mɔɔ-tɔn-tua-a nɛ bu-mbɔi, a lɔr tɛ mɔɔ-duk-nɛnɛ, ɗafi kɔ̧ a̧ nɛ gbɛ̧ laa, ɓɛɛ o be-zɔŋa Jerusalɛm ɗafi kɔ̧ tipoe'i nɛ kɔ̧ɔ̧mɔ.

¹¹«Ɛ̀nɛ̀ tɛ́, ɛnɛ o boko-be Siɔŋ, ɛ̀nɛ̀ zɔ́k wannu Salomɔŋ nɛ oi laasɔ̧i̧-wan nɛ naa kɔ̧-a̧ guu zu-a, wese baa kóò kɔ̧-a̧; wese'i duka nɛ wese-tortɛ kɔ̧-a̧.»