Read Northwest Gbaya ESAII 15 Bible Online

ESAII 15 - Northwest Gbaya bible

ESAII 15

¹Wen nɛ tɔ̧a̧ zu Mɔab nɛ mɔ'ɔ. Saaye Ar-Mɔab kifa geemɔ, mɛ zaŋzɛ nɛ wa bìí nɛ a̧. Kir-Mɔab kifa geemɔ mbɛt, zaŋzɛ nɛ wa bìí nɛ a̧.

²Wa daŋa si kɔ̧ tua ko Dibɔŋ zu kusa-fara mɛ wen hi̧a̧ kɔ̧a̧, zu Nɛbo in Mɛdɛba, wen Mɔab kifa geemɔ kaɗi; wa kpuia zu o bíí in zera kɔ-wa lɛŋ yinɛ.

³O bíí lɛŋ a nɛ laa bufu tɛ ya nɛnɛ ká̧ yuwar; o ŋma ya zu tua hiɗi nɛ mɔ dam fara lɛŋ, ai nɛ nu hi̧i̧ nɛ kɔ̧a̧.

⁴Hɛsbɔŋ in Eleale hiɗi nɛ mɔ, ɓɛɛ wi zii ger-wa hɔ Yahas mɛ. Mɛ nɛ hegɔ sa o wi-biro ko Mɔab hiɗi mɔ mbɛt, wen nɔɔ-ŋgiɗi bo tɛ-wa ɓɔna.

⁵See-am ɔ dita zu Mɔab, wen o bíí kɔ̧-a̧ yuu mɔ yak si Sɔr, Eglat in Sɛlisiyal. Wa ba nɛ ká̧ ŋgere Luh hi̧i̧ nɛ kɔ̧a̧, hiɗi nɛ mɔ beel-beel nɛ yuwar Horonaim yaknɛ.

⁶Yi-Nimim ɔ̧sa̧ kor lɛŋ, o zɔ̧ kora, ɓɛɛ hɔ ɓɔna, gee wa̧a̧-te bo ɓɔna mbɛt.

⁷Mɛ nɛ wen hegɔ sa wa kai o demɔ in o mɔ kɔ-wa si kur be-zer ko o gasa te mɛ.

⁸Hiɗimɔ‘i zik nɛ nu Mɔab, ɓɛɛ wi zii hiɗimɔ kɔ-wa'i hɔ sɛn Eglayim, in Bɛr-Elim mɛ.

⁹O yi Dibɔŋ lɛŋ duna nɛ tɔk. «Mi tɛ pi̧ ŋma ŋgamɔ woyo zu Dibɔŋ, ɓɛɛ mi tɛ tom dila si zu o be Mɔab nɛ mɔ hɔɔ yɔɔ zu wa, in o oi bíí nɛ ɓɔna tɛ nu'i.»