Read Northwest Gbaya ESAII 39 Bible Online

ESAII 39 - Northwest Gbaya bible

ESAII 39

¹Ŋgimbi'i, Mɛrodak-Baladaŋ bem ko Baladaŋ wannu Babilɔŋ toma o kalata in o ha̧a̧mɔ ha̧ Ezɛkias, wen a̧ zia so nyɛrɛ zɛɛ n'aa ɔɔ so in haya-tɛ n'aa kpaa mbɛt.

²Ezɛkias kpaa desee nyɛmna, ɓɛɛ usi mbɔi kɔ‘i lɛŋ ha̧ o betom: bu-mbɔi, lɔr, o de pɛr fuu-nyama in o nɔ-a̧, o tua-e-mɔɔ-wan ká bá nɛ̀ o mɔɔ-biro kɔ̧-a̧ lɛŋ. Ŋma mɔ kpɔk nɛ Ezɛkias usi sɛn kɔ̧ tua in tɛ nu kɔ‘i ha̧ wa na, bo na.

³Nɛ mɔ'ɔ nɛ Esaii wi-tɔ̧-wen oi nú Sɔ̧ nɛɛ kpa wannu Ezɛkias, ɓɛɛ ak a̧: «O wi nɔ'ɔ tɛɛ nɛ dee? Ge mɔ ge a̧ wa tɔ̧ɔ̧ ge?» Ɓɛɛ Ezɛkias kifi nú: «Wa tɛɛ nɛ nyɛi̧a-a, nɛ nu Babilɔŋ mɛ.»

⁴Ɓɛɛ Esaii tɔ̧ ha̧ a̧ woyo: «Ge mɔ ge a̧ wa zɔka tɛ mɔɔ-wan kɔ-mɛ ge?» Ezɛkias kifa nú: «Wa zɔka o mɔɔ-wan kɔ‘m lɛŋ; ŋma mɔ mɛ kɔ̧ tua-e-mɔ kɔ‘m n'am usi ha̧ wa na bo na.»

⁵Ɓɛɛ Esaii tɔ̧ ha̧ Ezɛkias: «Mɛ̀ zíí tɔ̧ɔ̧ wen ko GASA WAN Sɔ̧ nɛ a̧a̧ nɛ ŋgayamɔ lɛŋ:

⁶‹Ŋgimbi tɛ hɔ nɛ wa tɛ kai o mɔ nɛ a̧a̧ kɔ̧ kira-wan kɔ-mɛ lɛŋ yaknɛ, gu nɛ o mɔ nɛ o zɔmdáa kɔ-mɛ mɔi̧a e hɔ wese sɔsɔɔ‘i, wa tɛ kai wa yaknɛ er-mɛ lɛŋ si Babilɔŋ mɛ. Ŋma oi mɔ nɛ tɛ duk er-mɛ bo na; mɔ nɛ GASA WAN tɔ̧ɔ̧ nɛ mɔ‘i.

⁷Wa tɛ kai o mgbák bezaŋ-mɛ nɛ dɔka-a, ɓɛɛ wa dee wa nɛ o kpàná-pɛm-kira-wan ko wannu Babilɔŋ.› »

⁸Ɓɛɛ Ezɛkias tɔ̧ ha̧ Esaii: «Wen nɛ GASA WAN tɔ̧ɔ̧ ha̧ mɛ mɛ tɔ̧‘i dee nyɛmna.» Ezɛkias ta kɔ‘i'e, Sɔ̧ ee nɛ ga̧a̧mɔ, yor nɛnɛ ɗoŋ wi zu ŋgimbi duka-a kɔ‘i zu nu’ɛ.