Read Northwest Gbaya OSEE 3 Bible Online

OSEE 3 - Northwest Gbaya bible

OSEE 3

¹GASA WAN tɔ̧ɔ̧ ha̧‘m: «Mɛ̀ bá kóò kɔ-mɛ nɛ yaka so mɛ e duk nɛ́ ɗoŋ dàlà kɔ‘i’ɛ, mɛ̀ kɔ̧́ a̧ woyo hee mɔ'ɔ nɛ o be Israɛl ee so nɛ‘m duk nɛ́ nɛ̀ ɗoŋ o géé-sɔ̧, ɗafi nɛ wa, nyɔŋ nɛ makala kora waya-nyak-dɔ̧ɔ̧, ɓɛɛ ká‘m kɔ̧ wa woyo’ɛ ga.»

²Mi ha̧a̧ bu-mbɔi ɓu-zua-mɔɔrɔ, in gba mgbɛɗɛ be-fon[6] kpɔk nɛ reeta zu a̧, ɓɛɛ mi tɔ̧ ha̧ a̧:

³«Kinii, mɛ̀ dúk nɛ̀ mboozu ɗoŋ-aa nyɛi̧ kɔ̧ tua-wíì kɔ-mɛ. Ká mɛ́ dúk in wiwii na; mi mbɛt, mi tɛ de kpɔk mɔ‘i, wen zu mɛ.»

⁴Hegɔ o be Israɛl beka bó nɛ̀ wannu, kóó gasawi, kóó ɗafa-sɔ̧, kóó ta-zu-nu, kóó o mɔɔ-tan-mɔ[7] na ɗoŋ-aa nyɛi̧.

⁵Ɓɛɛ ɗoŋ mɔ‘i, o be Israɛl tɛ pii ɗoŋ mɛ kii GASA WAN, Sɔ̧ kɔ-wa, in David wannu kɔ-wa mbɛt. Tɛ ŋgimbi'i, wa tɛ zik tɛ-wa nɛ naka-tɛ sitɛ GASA WAN mɛ kpa o demɔ kɔ̧-a̧.