Read Northwest Gbaya JƆƐL 3 Bible Online

JƆƐL 3 - Northwest Gbaya bible

JƆƐL 3

¹Ɓɛɛ GASA WAN tɔ̧ siti: «Mi tɛ ha̧ Ɔmi kɔ‘m ha̧ o bíí lɛŋ; o bem k’ɛ́nɛ́ mɛ́ be-wiwii-a in o be-okoo-a tɛ tɔ̧ wen oi nú Sɔ̧; o gbɛ́rɛ́ k’ɛ́nɛ́ tɛ ɔ zu, ɓɛɛ mi tɛ hɔ zu ha̧ o be-ŋgaiwi k’ɛ́nɛ́.

²Tɛ ŋgimbi'i, kóó nɛ wi-de-tom, kóó nɛ kó-de-tom, mi tɛ ha̧ Ɔmi kɔ‘m ha̧ a̧.

³«Mi tɛ de mɔɔ-gɔn-ɗɛɗɛ sɛn yiwese in sɛn zu nu; bíí tɛ zɔk tɔk in wee ká bá nɛ̀ tura zi-wee.

⁴Wese tɛ ba tum, ɓɛɛ nyaŋa-zɛ tɛ gbɛ̧ zóŋ-zóŋ hee tɔk ga nɛti sɛka wese ko GASA WAN hɔa. Wese'i tɛ duk nɛ gasa wese in wese-ŋgamɔ.»

⁵Hegɔ ɓɛɛ kóó o nde nɛ tɛ sa nin GASA WAN tɛ kpasi; o bíí nɛ GASA WAN tɛ hok tɛ kpasi tɛ ŋgamɔ‘i sɛn zu kaya Siɔŋ Jerusalɛm mɛ hee mɔ'ɔ n'aa tɔ̧ɔ̧ so ga.