Read Northwest Gbaya TƆRA-BÍÍ 2 Bible Online

TƆRA-BÍÍ 2 - Northwest Gbaya bible

TƆRA-BÍÍ 2

¹GASA WAN tɔ̧ɔ̧ ha̧ Moisɛ in Arɔŋ:

²«O be Israɛl tɛ ɔ, kóó o ndé mgbara o wi-biro kɔ‘i ká̧ tutuwal ko zuduk kɔ‘i. Wa tɛ ɔ nyɛi̧ benaŋ nɛ Tua-kpa-ŋmaa zik kpa lɛŋ.

³«O wi-biro ko o be Juda tɛ ɔ kɔ-wa nɛ war daŋa-wese. Nasɔŋ, bem ko Aminadab tɛ duk nɛ gasawi ko o be Juda.

⁴O wi-biro kɔ̧-a̧ lɛŋ nɛ bíí 74.600.

⁵Duk ko Isakar in ko Zabulɔŋ tɛ ɔ ye in wa. Natanɛl bem ko Suar tɛ duk nɛ gasawi ko o bem ko Isakar.

⁶O wi-biro kɔ̧-a̧ lɛŋ nɛ bíí 54.400.

⁷Nɛ́ Eliaf, bem ko Helɔŋ a̧ tɛ duk nɛ gasawi ko o bem ko Zabulɔŋ.

⁸O wi-biro kɔ̧-a̧ lɛŋ nɛ bíí 57.400.

⁹O wi-biro ko Juda in Isakar ká bá nɛ̀ Zabulɔŋ lɛŋ nɛ bíí 186.400; nɛ́ o wi nɔ‘i a̧ tɛ yak ti.

¹⁰«O wi-biro ko Rubɛn tɛ ɔ kɔ-wa nɛ ká̧-zan-mɛ́-ɗɔɔ, ɓɛɛ Elisur bem ko Sedeur tɛ duk nɛ gasawi kɔ-wa.

¹¹O wi-biro kɔ̧-a̧ lɛŋ nɛ bíí 46.500.

¹²Duk ko Simɛɔŋ in Gad tɛ ɔ ye in wa, ɓɛɛ Selumiɛl, bem ko Surisadai a̧ tɛ duk nɛ gasawi ko o bezaŋ Simɛɔŋ.

¹³O wi-biro kɔ̧-a̧ nɛ bíí 59.300.

¹⁴Nutua ko Gad, nɛ́ Eliasaf, bem ko Reuɛl a̧ tɛ duk nɛ gasawi kɔ-wa.

¹⁵O wi-biro kɔ̧-a̧ lɛŋ nɛ bíí 45.650.

¹⁶O wi-biro ko Rubɛn in Simɛɔŋ ká bá nɛ̀ Gad lɛŋ nɛ 151.450. Nɛ́ wa a̧ tɛ yak ɗoŋ o kuti-wi.

¹⁷«Ɓɛɛ nutua ko Levii in Tua-kpa-ŋmaa ya see-a. O bíí yaka nɛ yuwar-a, hee mɔ'ɔ nɛ wa ɔɔ so nɛnɛ ga, kóó o ndé ɗoŋ tutuwal ko zuduk kɔ‘i.

¹⁸«Nɛ war daŋa-wese nɛ́ tutuwal ko o be nutua ko Efraim in o wi-biro kɔ‘i. Gasawi ko o bezaŋ Efraim nɛ Elisama, bem ko Amihud.

¹⁹O wi-biro kɔ̧-a̧ lɛŋ nɛ bíí 40.500.

²⁰Duk ko Manase in ko Bɛnjamin tɛ ɔ ye in wa. Nɛ́ Gamaliɛl, bem ko Pedasur a̧ tɛ duk nɛ gasawi ko o bezaŋ Manase.

²¹O wi-biro kɔ̧-a̧ lɛŋ nɛ bíí 32.200.

²²Tɛ nutua ko Bɛnjamin, nɛ́ Abidaŋ, bem ko Gideoni a̧ tɛ duk nɛ gasawi.

²³O wi-biro kɔ̧-a̧ lɛŋ nɛ bíí 35.400.

²⁴O wi-biro ko Efraim in Manase ká bá nɛ̀ Bɛnjamin lɛŋ nɛ bíí 108.100. O taar duk wi-biro nɛ tɛ kur mɛ yak nɛ́ wa.

²⁵«Nɛ̀ war ká̧-zan-mɛ́-ŋgɔn nɛ́ tutuwal ko o be nutua ko Dan in o wi-biro kɔ‘i. Ahiezɛr, bem ko Amisadai tɛ duk nɛ gasawi kɔ-wa.

²⁶O wi-biro kɔ̧-a̧ lɛŋ nɛ bíí 62.700.

²⁷Duk ko Asɛr in ko Nɛftalii tɛ ɔ ye in wa. Pagiɛl, bem ko Okraŋ tɛ duk nɛ gasawi ko o be nutua ko Asɛr.

²⁸O wi-biro kɔ̧-a̧ lɛŋ nɛ bíí 41.500.

²⁹Tɛ nutua ko Nɛftalii, nɛ́ Ahira, bem ko Enaŋ a̧ tɛ duk nɛ gasawi.

³⁰O wi-biro kɔ̧-a̧ lɛŋ nɛ bíí 53.400.

³¹O wi-biro ko Dan in Asɛr ká bá nɛ̀ Nɛftalii lɛŋ nɛ bíí 157.600. Nɛ́ wa a̧ tɛ kur nɛ ɗoŋ, gbar nɛnɛ ɗoŋ ŋmaa.»

³²O be Israɛl nɛ wa tɔra nɛ̀ zuduk dam tɛ o wi-biro lɛŋ nɛ bíí 603.550.

³³Mɔ kpɔk, wa tɔr duk ko Levii mgbara o be Israɛl na, wen nɛ́ GASA WAN a̧ baa tɔ̧ so hegɔ.

³⁴Nɛ mɔ'ɔ nɛ o be Israɛl dee mɔ hee mɔ'ɔ nɛ GASA WAN baa tɔ̧ so ha̧ Moisɛ ga. Kànà nɛ́ hegɔ a̧ wa ɔɔ nɛnɛ in nɛ́ hegɔ a̧ wa gbina nɛnɛ yak, kóó o ndé ɗɔɔ tutuwal kɔ‘i, kóó o ndé bee-gara kɔ‘i, kóó o ndé nutua ko dáà kɔ‘i.