Read Northwest Gbaya TƆRA-BÍÍ 33 Bible Online

TƆRA-BÍÍ 33 - Northwest Gbaya bible

TƆRA-BÍÍ 33

¹Nɔ̀ nɛ o be Israɛl nɛɛ so ŋgimbi nɛ Moisɛ in Arɔŋ kaia nɛ wa gbonɛ nɛ Egiptɛ nɛ mɔ'ɔ.

²Moisɛ yɔra nin o fara nɛtɛ nɛtɛ nɛ wa dee gbagari sɛnɛ hee mɔ'ɔ nɛ GASA WAN tɔ̧ɔ̧ ha̧ wa ga zaŋ kalata. O fara nɔ‘i nɛ mɔɔ nɔ'ɔ.

³Wa kura Ramsɛs tɛ kuti fio-zɛ, tɛ ɓu-zua-mɔɔrɔ ɔɔ-zɛ, zɛ kpɔk ɗoŋ gbaŋa Paska. Wa gboo nɛ Egiptɛ nɛ yí o bíí lɛŋ hee o bara nɛ kpaa zu ga,

⁴ká ŋgimbi'i o be Egiptɛ gun so nɛ o kaya-bem kɔ‘i nɛ GASA WAN kuma so. GASA WAN kuma so wa mɛ usi gɔna kita kɔ‘i zu o sɔ̧ kɔ-wa.

⁵O be Israɛl kura sɛn Ramsɛs nɛ́ɛ̀ ɔ sɛn Sukot.

⁶Wa kura Sukot ɔ sɛn Etam, nú ŋga-gbárà mɛ.

⁷Wa kura Etam pii ɗoŋ pii sɛn Pi-Harirot nɛ duk tan nɛ Bal-Sɛfɔŋ, ɓɛɛ wa ɔ sɛn Migdɔl.

⁸Nɛ mɔ'ɔ nɛ wa kura sɛn Pi-Harirot daŋ hɔ ŋga-gbárà; wa kuu gba-tɔp, wa nɛɛ nɔ̀ zɛ taar sɛn ŋga-gbárà Etam, ɓɛɛ wa ɔ sɛn Mara.

⁹Wa kura Mara nɛ si sɛn Elim. Wa kpaa zu-zer ɓu-zua-yiitoo in gun ndɛŋgɛ ɓu-mɔɔrɔ-ɗoŋ-yiitoo, ɓɛɛ wa ɔ sɛn hi̧i̧.

¹⁰Wa kura hi̧i̧, wa nɛɛ ɔ ká̧ Gbɛ̧ gba-tɔp.

¹¹Wa kura ká̧ Gbɛ̧ gba-tɔp nɛ́ɛ̀ ɔ ŋga-gbárà Sin.

¹²Wa kura ŋga-gbárà Sin nɛ́ɛ̀ ɔ sɛn Dɔfka.

¹³Wa kura Dɔfka nɛ́ɛ̀ ɔ sɛn Alus.

¹⁴Wa kura sɛn Alus nɛ́ɛ̀ ɔ sɛn Rifidim, ɓɛɛ bíí kɔ-wa kpa yì mɛ nɔ hi̧i̧ na.

¹⁵Wa kura Rifidim nɛ́ɛ̀ ɔ sɛn ŋga-gbárà Sinai.

¹⁶Wa kura ŋga-gbárà Sinai nɛ́ɛ̀ ɔ sɛn Kibrot-Taawa.

¹⁷Wa kura Kibrot-Taawa nɛ́ɛ̀ ɔ sɛn Hasɛrot.

¹⁸Wa kura Hasɛrot nɛ́ɛ̀ ɔ sɛn Ritma.

¹⁹Wa kura Ritma nɛ́ɛ̀ ɔ sɛn Rɛmɔnfɛrɛs.

²⁰Wa kura Rɛmɔnfɛrɛs nɛ́ɛ̀ ɔ sɛn Libna.

²¹Wa kura Libna nɛ́ɛ̀ ɔ sɛn Risa.

²²Wa kura Risa nɛ́ɛ̀ ɔ sɛn Kɛhɛlata.

²³Wa kura Kɛhɛlata nɛ́ɛ̀ ɔ ká̧ naŋ kaya Sefɛr.

²⁴Wa kura ká̧ naŋ kaya Sefɛr nɛ́ɛ̀ ɔ sɛn Harada.

²⁵Wa kura Harada nɛ́ɛ̀ ɔ sɛn Makehelot.

²⁶Wa kura Makehelot nɛ́ɛ̀ ɔ sɛn Tahat.

²⁷Wa kura Tahat nɛ́ɛ̀ ɔ sɛn Tera.

²⁸Wa kura Tera nɛ́ɛ̀ ɔ sɛn Mitka.

²⁹Wa kura Mitka nɛ́ɛ̀ ɔ sɛn Hasmɔna.

³⁰Wa kura Hasmɔna nɛ́ɛ̀ ɔ sɛn Mɔsɛrot.

³¹Wa kura Mɔsɛrot nɛ́ɛ̀ ɔ sɛn Beneyakaŋ.

³²Wa kura Beneyakaŋ nɛ́ɛ̀ ɔ sɛn Horgidgad.

³³Wa kura Hɔrgidgad nɛ́ɛ̀ ɔ sɛn Yotbata.

³⁴Wa kura Yotbata nɛ́ɛ̀ ɔ sɛn Abrona.

³⁵Wa kura Abrona nɛ́ɛ̀ ɔ sɛn Isiɔŋ-Gebɛr.

³⁶Wa kura Isiɔŋ-Gebɛr nɛ́ɛ̀ ɔ sɛn Kadɛs sɛn ŋga-gbárà Sin.

³⁷Wa kura Kadɛs nɛ́ɛ̀ ɔ sɛn ká̧ naŋ kaya Ɔrka nu Edɔm mɛ.

³⁸Nɛ mɔ'ɔ nɛ̀ Arɔŋ daŋa zu kaya Ɔr nyɛm nɛ ɗoŋ tɔ̧ɔ̧-wen ko GASA WAN, ɓɛɛ a̧ fe hi̧i̧ sɛn tɛ kuti wese, tɛ mɔɔrɔ fio-zɛ, tɛ ɓu-naar pɛ ɗoŋ gboa-a kɔ o be Israɛl nɛ Egiptɛ.

³⁹Arɔŋ fea zu kaya Ɔr ká a̧ a̧a̧ nɛ pɛ gɔmŋmaa-nɛ-ɓu-yiitoo-zua-taar.

⁴⁰O be Kanaŋ, nɛ wannu kɔ-wa nɛ́ Arad nɛ̀ ɔ sɛn Nɛgɛb zia'e o be Israɛl a̧ tɛ‘i.

⁴¹O be Israɛl kura sɛn ká̧ kaya Ɔr nɛ́ɛ̀ ɔ sɛn Salmɔna,

⁴²wa kura Salmɔna nɛ́ɛ̀ ɔ sɛn Punɔŋ.

⁴³Wa kura Punɔŋ nɛ́ɛ̀ ɔ sɛn Obot.

⁴⁴Wa kura Obot nɛ́ɛ̀ ɔ sɛn Iye-Abarim nú gbìsì ko o be Mɔab.

⁴⁵Wa kura Iye-Abarim nɛ́ɛ̀ ɔ sɛn Dibɔŋ-Gad.

⁴⁶Wa kura Dibɔŋ-Gad nɛ́ɛ̀ ɔ sɛn Almɔŋ-Diblataima.

⁴⁷Wa kura sɛn Almɔŋ-Diblataima nɛ́ɛ̀ ɔ mgbara kaya Abarim nɛ zɔk ŋmaa in Nɛbo.

⁴⁸Wa kura Abarim nɛ́ɛ̀ ɔ sɛn bɔkɔ-nú Mɔab, ká̧ nú Jurdɛn nyɛm nɛ Jeriko.

⁴⁹Wa ɔɔ ká̧ Jurdɛn ku̧u̧naŋ-a sɛn Bɛt-Ha-Yesimɔt hɔ nɛnɛ Abɛl-Sitim bɔkɔ-nú Mɔab mɛ.

⁵⁰GASA WAN tɔ̧ɔ̧ ha̧ Moisɛ sɛn bɔkɔ-nú Mɔab ká̧ Jurdɛn nyɛm nɛ Jeriko mɛ ndé:

⁵¹«Mɛ̀ tɔ̧́ ha̧ o be Israɛl‘e, ŋgimbi n’ɛnɛ tɛ ku nɛ Jurdɛn mɛ nɛ si nú Kanaŋ,

⁵²ɛnɛ tɛ ndak o be nù‘i lɛŋ yinɛ ti'nɛ́, ɛnɛ tɛ ɗaŋ o géé-sɔ̧ kɔ-wa nɛ wa sɛka nɛ ta in o wan nɛ wa nɔi̧a boi dui nɛnɛ yinɛ, ɓɛɛ ɛnɛ gbina o fara-ɗafi-sɔ̧ kɔ-wa mbɛt.

⁵³Ɛnɛ tɛ ba nù‘i nɛ k’ɛ́nɛ́, ɓɛɛ ɛnɛ tɛ ɔ sɛnɛ, wen mi ha̧a̧ fara'i h’ɛ́nɛ́ nɛ k’ɛ́nɛ́.

⁵⁴Ɛnɛ tɛ pi̧ nɛ tani kɛ̧ nɛ nù‘i nɛ er ŋmaa. Ɛnɛ tɛ kɛ̧ nù nɛ pɛsa-a ha̧ o nú-gara nɛ o bíí ɔ dɔka sɛnɛ, ɓɛɛ o wan nɛ bíí dɔk sɛnɛ na, ɛ̀nɛ̀ há̧ kɔ-wa tikiɗi. Bíí lɛŋ tɛ kpa fara kɔ‘i nyɛm nɛ ɗoŋ mɔ nɛ tani tɛ usi: ɛ̀nɛ̀ kɛ̧́ nù nyɛm nɛ ɗoŋ zuduk k’ɛ́nɛ́.

⁵⁵Ɓɛɛ k’ɛ̀nɛ̀ nɛ́ ndaka o be nù‘i lɛŋ yinɛ na, o wan nɛ tɛ ɓɔn hi̧i̧ in'nɛ̀ɛ́ tɛ ya nɛ o tɛn nɛ tɛ tok yí‘nɛ́ in nɛ tɛ gak ɔm'nɛ́. Wa tɛ nasi'nɛ́ zu nù n’ɛnɛ tɛ ya sɛnɛ‘i,

⁵⁶ɓɛɛ mɔ n'am taa so mɛ de in wa'i, mi tɛ de dea-a in'nɛ̀ɛ́.»