Read Northwest Gbaya TƆRA-BÍÍ 7 Bible Online

TƆRA-BÍÍ 7 - Northwest Gbaya bible

TƆRA-BÍÍ 7

¹Wese nɛ Moisɛ kaɗa nɛ baa Tua-kpa-ŋmaa e ŋgɔn, a̧ aa nɔ̧́ sɛnɛ e nɛ tua'i nɛtɛ ha̧ Sɔ̧, in o nyɛk-a lɛŋ, ká bá nɛ̀ fara-ɗafi-sɔ̧, in o nyɛk-a mbɛt.

²O gasawi Israɛl kaia ha̧a̧mɔ kɔ-wa tɛnɛ. Duka nɛ́ o gasawi nutua nɛ yaa zu tɔra-bíí a̧ kaia mɔɔ nɔ‘i tɛnɛ.

³Wa kaia o ha̧a̧mɔ kɔ-wa tɛnɛ ti GASA WAN: o keekee-nyaŋa mɔɔrɔ-ɗoŋ-kpɔk nɛ wa kpee zu wa kpee in o ndai ɓu-zua-yiitoo. Keekee-nyaŋa kpɔk duka wen gasawi yiitoo, ɓɛɛ kìí ndai kpɔk wen gasawi kpɔk kpɔk. Wa foo mɔɔ nɔ‘i lɛŋ si fara-duk ko Sɔ̧.

⁴GASA WAN tɔ̧ɔ̧ ha̧ Moisɛ:

⁵«Mɛ̀ kpɛ́k o ha̧a̧mɔ nɔ‘i nɛ wa ha̧ ha̧ mɛ‘i, wen dee tom Tua-kpa-ŋmaa. Mɛ tɛ ha̧ wa ha̧ o be Levii nyɛm nɛ ɗoŋ tom kɔ-wa kpɔk kpɔk.»

⁶Moisɛ kaia o keekee-nyaŋa in o ndai, ɓɛɛ ha̧ ha̧ o be Levii.

⁷A̧ ha̧a̧ keekee-nyaŋa yiitoo in ndai naar ha̧ o bem ko Gɛrsɔŋ nyɛm nɛ ɗoŋ tom kɔ-wa.

⁸A̧ ha̧a̧ keekee-nyaŋa naar in ndai mɔɔrɔ-ɗoŋ-taar ha̧ o bem ko Mɛrari nyɛm nɛ ɗoŋ tom kɔ-wa; Itamar bem ko wi-ɗafi-sɔ̧ Arɔŋ duka nɛ gasawi zu wa.

⁹War ko o bem ko Kehat, a̧ ha̧ ŋma mɔ na, wen kɔ-wa, wa pɛm nɛ o sa̧a̧ tui nɛ wa tɛ tui nɛ kóŋgó-ɓaa.

¹⁰O gasawi kaia o ha̧a̧mɔ kɔ-wa tɛnɛ wen gbaŋa fara-ɗafi-sɔ̧, wese nɛ wa tɛna nɛ nɔ̧́ a zu a̧‘i; wa kaia o ha̧a̧mɔ kɔ-wa tɛnɛ a ti fara-ɗafi-sɔ̧.

¹¹GASA WAN tɔ̧ɔ̧ ha̧ Moisɛ: «O gasawi a̧ kai o ha̧a̧mɔ kɔ-wa tɛnɛ wen gbaŋa fara-ɗafi-sɔ̧, kóó o ndé tɛ wese kɔ‘i.»

¹²Kuti wese, wi nɛ baa ha̧a̧mɔ kɔ‘i tɛnɛ, nɛ́ Nasɔŋ bem ko Aminadab, be Juda.

¹³Mɔ n'aa ha̧a̧ nɛ mɔ'ɔ: pɛsa-tasi nɛ‘i dee nɛ bu-mbɔi nɛ dita-a hɛɗa kilo kpɔk nɛ reeta, gasa gba-yee nɛ‘i dee nɛ bu-mbɔi nɛ dita-a hɛɗa kilo kpɔk, nyɛm nɛ ɗoŋ kilo bu-mbɔi sa̧a̧-fara. O tasi nɔ‘i yiitoo'i lɛŋ duna nɛ fuu nɛ‘i vata nɛ nɔ̧́ wen ha̧a̧mɔ nɛ̀ nyɔnɔ.

¹⁴A̧ baa mɔɔ-nɔ-mɔ nɛ‘i dee nɛ lɔr nɛ duna nɛ fuu-nyama tɛnɛ. Dita mɔɔ-nɔ-mɔ duka hee kilo kɔya-sede ɓu ga.

¹⁵A̧ baa wiwii ndai, vala sami in be-sami nɛ a̧a̧ nɛ pɛ kpɔk tɛnɛ wen dɔa-a nɛ kpoo-sɔ̧,

¹⁶ɓɛɛ a̧ ba vala gbadua tɛnɛ mɛ ɗafi nɛ sɔ̧ wen kpaa ea-ɗaŋmɔ mbɛt.

¹⁷Zu-a'i, a̧ kaia ndai yiitoo, vala sami mɔɔrɔ, vala gbadua mɔɔrɔ in be-sami mɔɔrɔ nɛ a̧a̧ nɛ pɛ kpɔk, wen ɗafa-sɔ̧-gaŋmɔ. Ha̧a̧mɔ ko Nasɔŋ, bem ko Amnidab nɛ mɔ‘i.

¹⁸Tɛ yiitoo zɛ, nɛ́ Netanɛl gasawi ko o bezaŋ Isakar bem ko Suar a̧ baa ha̧a̧mɔ kɔ‘i tɛnɛ.

¹⁹Ha̧a̧mɔ n'aa baa tɛnɛ‘i nɛ mɔ'ɔ: pɛsa-tasi nɛ‘i dee nɛ bu-mbɔi nɛ dita-a hɛɗa kilo kpɔk nɛ reeta, gasa gba-yee nɛ‘i dee nɛ bu-mbɔi nɛ dita-a hɛɗa kilo kpɔk, nyɛm nɛ ɗoŋ kilo bu-mbɔi sa̧a̧-fara; tasi nɔ‘i yiitoo'i lɛŋ duna nɛ fuu nɛ‘i vata nɛ nɔ̧́ wen ha̧a̧mɔ nɛ nyɔnɔ.

²⁰A̧ baa ndai, vala sami in be-sami nɛ a̧a̧ nɛ pɛ kpɔk tɛnɛ, wen dɔa-a nɛ kpoo-sɔ̧,

²¹ɓɛɛ a̧ ba vala gbadua tɛnɛ mɛ ɗafi nɛ sɔ̧ wen kpaa ea-ɗaŋmɔ.

²²Zu-a'i, a̧ kaia ndai yiitoo, vala sami mɔɔrɔ, vala gbadua mɔɔrɔ in o be-sami mɔɔrɔ nɛ a̧a̧ nɛ pɛ kpɔk, wen ɗafa-sɔ̧-gaŋmɔ.

²³Ha̧a̧mɔ ko Natanɛl bem ko Suar nɛ mɔ‘i.

²⁴Tɛ taar wese, nɛ́ Eliab gasawi ko o bezaŋ Zabulɔŋ bem ko Elɔŋ a̧ baa ha̧a̧mɔ kɔ‘i tɛnɛ.

²⁵Ha̧a̧mɔ n'aa baa tɛnɛ‘i nɛ mɔ'ɔ: pɛsa-tasi nɛ‘i dee nɛ bu-mbɔi nɛ dita-a hɛɗa kilo kpɔk nɛ reeta, gasa gba-yee nɛ‘i dee nɛ bu-mbɔi nɛ dita-a hɛɗa kilo kpɔk, nyɛm nɛ ɗoŋ kilo bu-mbɔi sa̧a̧-fara; tasi nɔ‘i yiitoo'i lɛŋ duna nɛ fuu nɛ‘i vata nɛ nɔ̧́ wen ha̧a̧mɔ nɛ̀ nyɔnɔ.

²⁶A̧ baa mɔɔ-nɔ-mɔ nɛ‘i dee nɛ lɔr nɛ duna nɛ fuu tɛnɛ. Dita mɔɔ-nɔ-mɔ‘i duka hee kilo kɔya-sede ɓu ga.

²⁷A̧ baa ndai, vala sami in be-sami nɛ a̧a̧ nɛ pɛ kpɔk tɛnɛ, wen dɔa-a nɛ kpoo-sɔ̧,

²⁸ɓɛɛ a̧ ba vala gbadua tɛnɛ mɛ ɗafi nɛ sɔ̧ wen kpaa ea ɗaŋmɔ.

²⁹Zu-a'i, a̧ kaia ndai yiitoo, vala sami mɔɔrɔ, vala gbadua mɔɔrɔ in o be-sami mɔɔrɔ nɛ a̧a̧ nɛ pɛ kpɔk, wen ɗafa-sɔ̧-gaŋmɔ. Ha̧a̧mɔ ko Eliab bem ko Elɔŋ nɛ mɔ‘i.

³⁰Tɛ naar wese, nɛ́ Elisur gasawi ko o bezaŋ Rubɛn, bem ko Sedeur a̧ baa ha̧a̧mɔ kɔ‘i tɛnɛ.

³¹Ha̧a̧mɔ‘i n'aa baa tɛnɛ‘i nɛ mɔ'ɔ: pɛsa-tasi nɛ‘i dee nɛ bu-mbɔi nɛ dita-a hɛɗa kilo kpɔk nɛ reeta, gasa gba-yee nɛ‘i dee nɛ bu-mbɔi nɛ dita hɛɗa kilo kpɔk, nyɛm nɛ ɗoŋ kilo bu-mbɔi sa̧a̧-fara; tasi nɔ‘i yiitoo'i lɛŋ duna nɛ fuu nɛ‘i vata nɛ nɔ̧́ wen ha̧a̧mɔ nɛ̀ nyɔnɔ.

³²A̧ baa mɔɔ-nɔ-mɔ nɛ‘i dee nɛ lɔr nɛ duna nɛ fuu tɛnɛ. Dita mɔɔ-nɔ-mɔ‘i duka hee kilo kɔya-sede bu-mbɔi sa̧a̧-fara ga.

³³A̧ baa ndai, vala sami in be-sami nɛ a̧a̧ nɛ pɛ kpɔk tɛnɛ, wen dɔa-a nɛ kpoo-sɔ̧,

³⁴ɓɛɛ a̧ ba vala gbadua tɛnɛ mɛ ɗafi nɛ sɔ̧ wen kpaa ea-ɗaŋmɔ.

³⁵Zu-a'i, a̧ kaia ndai yiitoo, vala sami mɔɔrɔ, vala gbadua mɔɔrɔ in o be-sami mɔɔrɔ nɛ a̧a̧ nɛ pɛ kpɔk, wen ɗafa-sɔ̧-gaŋmɔ. Ha̧a̧mɔ ko Elisur bem ko Sedeur nɛ mɔ‘i.

³⁶Tɛ mɔɔrɔ wese, nɛ́ Selumiɛl gasawi ko o bezaŋ Simɛɔŋ bem ko Surisadai a̧ baa ha̧a̧mɔ kɔ‘i tɛnɛ.

³⁷Ha̧a̧mɔ n'aa baa tɛnɛ‘i nɛ mɔ'ɔ: pɛsa-tasi nɛ‘i dee nɛ bu-mbɔi nɛ dita-a hɛɗa kilo kpɔk nɛ reeta, gasa gba-yee nɛ‘i dee nɛ bu-mbɔi nɛ dita-a hɛɗa kilo kpɔk, nyɛm nɛ ɗoŋ kilo bu-mbɔi sa̧a̧-fara; tasi nɔ‘i yiitoo'i lɛŋ duna nɛ fuu nɛ‘i vata nɛ nɔ̧́ wen ha̧a̧mɔ nɛ̀ nyɔnɔ.

³⁸A̧ baa mɔɔ-nɔ-mɔ nɛ‘i dee nɛ lɔr nɛ duna nɛ fuu tɛnɛ. Dita mɔɔ-nɔ-mɔ‘i duka hee kilo kɔya-sede ɓu ga.

³⁹A̧ baa ndai, vala sami in be-sami nɛ a̧a̧ nɛ pɛ kpɔk tɛnɛ wen dɔa-a nɛ kpoo-sɔ̧,

⁴⁰ɓɛɛ a̧ ba vala gbadua tɛnɛ mɛ ɗafi nɛ sɔ̧ wen kpaa ea-ɗaŋmɔ.

⁴¹Zu-a'i, a̧ kaia ndai yiitoo, vala sami mɔɔrɔ, vala gbadua mɔɔrɔ in o be-sami mɔɔrɔ nɛ a̧a̧ nɛ pɛ kpɔk wen ɗafa-sɔ̧-gaŋmɔ. Ha̧a̧mɔ ko Selumiɛl bem ko Surisadai nɛ mɔ‘i.

⁴²Tɛ mɔɔrɔ-ɗoŋ-kpɔk wese, nɛ́ Eliasaf gasawi ko o bezaŋ Gad bem ko Deuɛl a̧ baa ha̧a̧mɔ kɔ‘i tɛnɛ.

⁴³Ha̧a̧mɔ n'aa baa tɛnɛ‘i nɛ mɔ'ɔ: pɛsa-tasi nɛ‘i dee nɛ bu-mbɔi nɛ dita-a hɛɗa kilo kpɔk nɛ reeta, gasa gba-yee nɛ‘i dee nɛ bu-mbɔi nɛ dita-a hɛɗa kilo kpɔk, nyɛm nɛ ɗoŋ kilo bu-mbɔi sa̧a̧-fara; tasi nɔ‘i yiitoo'i lɛŋ duna nɛ fuu nɛ‘i vata nɛ nɔ̧́ wen ha̧a̧mɔ nɛ̀ nyɔnɔ.

⁴⁴A̧ baa mɔɔ-nɔ-mɔ nɛ‘i dee nɛ lɔr nɛ duna nɛ fuu tɛnɛ. Dita mɔɔ-nɔ-mɔ‘i duka hee kilo kɔya-sede ɓu ga.

⁴⁵A̧ baa ndai, vala sami in be-sami nɛ a̧a̧ nɛ pɛ kpɔk tɛnɛ wen dɔa-a nɛ kpoo-sɔ̧,

⁴⁶ɓɛɛ a̧ ba vala gbadua tɛnɛ mɛ ɗafi nɛ sɔ̧ wen kpaa ea-ɗaŋmɔ.

⁴⁷Zu-a'i, a̧ kaia ndai yiitoo, vala sami mɔɔrɔ, vala gbadua mɔɔrɔ in o be-sami mɔɔrɔ nɛ a̧a̧ nɛ pɛ kpɔk, wen ɗafa-sɔ̧-gaŋmɔ. Ha̧a̧mɔ ko Eliasaf, bem ko Deuɛl nɛ mɔ‘i.

⁴⁸Tɛ mɔɔrɔ-ɗoŋ-yiitoo wese, nɛ́ Elisama gasawi ko o bezaŋ Efraim bem ko Amihud a̧ baa ha̧a̧mɔ kɔ‘i tɛnɛ.

⁴⁹Ha̧a̧mɔ n'aa baa tɛnɛ‘i nɛ mɔ'ɔ: pɛsa-tasi nɛ‘i dee nɛ bu-mbɔi nɛ dita-a hɛɗa kilo kpɔk nɛ reeta, gasa gba-yee nɛ‘i dee nɛ bu-mbɔi nɛ dita-a hɛɗa kilo kpɔk, nyɛm nɛ ɗoŋ kilo bu-mbɔi sa̧a̧-fara; tasi nɔ‘i yiitoo'i lɛŋ duna nɛ fuu nɛ‘i vata nɛ nɔ̧́ wen ha̧a̧mɔ nɛ̀ nyɔnɔ.

⁵⁰A̧ baa mɔɔ-nɔ-mɔ nɛ‘i dee nɛ lɔr nɛ duna nɛ fuu tɛnɛ. Dita mɔɔ-nɔ-mɔ‘i duka hee kilo kɔya-sede ɓu ga.

⁵¹A̧ baa ndai, vala sami in be-sami nɛ a̧a̧ nɛ pɛ kpɔk tɛnɛ wen dɔa-a nɛ kpoo-sɔ̧,

⁵²ɓɛɛ a̧ ba vala gbadua tɛnɛ mɛ ɗafi nɛ sɔ̧ wen kpaa ea-ɗaŋmɔ.

⁵³Zu-a'i, a̧ kaia ndai yiitoo, vala sami mɔɔrɔ, vala gbadua mɔɔrɔ in o be-sami mɔɔrɔ nɛ a̧a̧ nɛ pɛ kpɔk, wen ɗafa-sɔ̧-gaŋmɔ. Ha̧a̧mɔ ko Elisama bem ko Hamihud nɛ mɔ‘i.

⁵⁴Tɛ mɔɔrɔ-ɗoŋ-taar wese, nɛ́ Gamaliɛl gasawi ko o bezaŋ Manase bem ko Pedasur a̧ baa ha̧a̧mɔ kɔ‘i tɛnɛ.

⁵⁵Ha̧a̧mɔ n'aa baa tɛnɛ‘i nɛ mɔ'ɔ: pɛsa-tasi nɛ‘i dee nɛ bu-mbɔi nɛ dita-a hɛɗa kilo kpɔk nɛ reeta, gasa gba-yee nɛ‘i dee nɛ bu-mbɔi nɛ dita-a hɛɗa kilo kpɔk, nyɛm nɛ ɗoŋ kilo bu-mbɔi sa̧a̧-fara; tasi nɔ‘i yiitoo'i lɛŋ duna nɛ fuu nɛ‘i vata nɛ nɔ̧́ wen ha̧a̧mɔ nɛ̀ nyɔnɔ.

⁵⁶A̧ baa mɔɔ-nɔ-mɔ nɛ‘i dee nɛ lɔr nɛ duna nɛ fuu tɛnɛ. Dita mɔɔ-nɔ-mɔ‘i duka hee kilo kɔya-sede ɓu ga.

⁵⁷A̧ baa ndai, vala sami in be-sami nɛ a̧a̧ nɛ pɛ kpɔk tɛnɛ wen dɔa-a nɛ kpoo-sɔ̧,

⁵⁸ɓɛɛ a̧ ba vala gbadua tɛnɛ mɛ ɗafi nɛ sɔ̧ wen kpaa ea-ɗaŋmɔ.

⁵⁹Zu-a'i, a̧ kaia ndai yiitoo, vala sami mɔɔrɔ, vala gbadua mɔɔrɔ in o be-sami mɔɔrɔ nɛ a̧a̧ nɛ pɛ kpɔk, wen ɗafa-sɔ̧-gaŋmɔ.

⁶⁰Tɛ mɔɔrɔ-ɗoŋ-naar wese, nɛ́ Abidaŋ gasawi ko o bezaŋ Bɛnjamin bem ko Gedeɔŋ a̧ baa ha̧a̧mɔ kɔ‘i tɛnɛ.

⁶¹Ha̧a̧mɔ n'aa baa tɛnɛ‘i nɛ mɔ'ɔ: pɛsa tasi nɛ‘i dee nɛ bu-mbɔi nɛ dita-a hɛɗa kilo kpɔk nɛ reeta, gasa gba-yee nɛ‘i dee nɛ bu-mbɔi nɛ dita-a hɛɗa kilo kpɔk, nyɛm nɛ ɗoŋ kilo bu-mbɔi sa̧a̧-fara; tasi nɔ‘i yiitoo'i lɛŋ duna nɛ fuu nɛ‘i vata nɛ nɔ̧́ wen ha̧a̧mɔ nɛ̀ nyɔnɔ.

⁶²A̧ baa mɔɔ-nɔ-mɔ nɛ‘i dee nɛ lɔr nɛ duna nɛ fuu tɛnɛ. Dita mɔɔ-nɔ-mɔ‘i duka hee kilo kɔya-sede ɓu ga.

⁶³A̧ baa ndai, vala sami in be-sami nɛ a̧a̧ nɛ pɛ kpɔk tɛnɛ wen dɔa-a nɛ kpoo-sɔ̧,

⁶⁴ɓɛɛ a̧ ba vala gbadua tɛnɛ mɛ ɗafi nɛ sɔ̧ wen kpaa ea-ɗaŋmɔ.

⁶⁵Zu-a'i, a̧ kaia ndai yiitoo, vala sami mɔɔrɔ, vala gbadua mɔɔrɔ in o be-sami mɔɔrɔ nɛ a̧a̧ nɛ pɛ kpɔk wen ɗafa-sɔ̧-gaŋmɔ. Ha̧a̧mɔ ko Abidaŋ bem ko Gedeɔŋ nɛ mɔ‘i.

⁶⁶Tɛ ɓu wese, nɛ Ahiezɛr gasawi ko o bezaŋ Dan bem ko Amisadai a̧ baa ha̧a̧mɔ kɔ‘i tɛnɛ.

⁶⁷Ha̧a̧mɔ n'aa baa tɛnɛ‘i nɛ mɔ'ɔ: pɛsa-tasi nɛ‘i dee nɛ bu-mbɔi nɛ dita-a hɛɗa kilo kpɔk nɛ reeta, gasa gba-yee nɛ‘i dee nɛ bu-mbɔi nɛ dita-a hɛɗa kilo kpɔk, nyɛm nɛ ɗoŋ kilo bu-mbɔi sa̧a̧-fara; tasi nɔ‘i yiitoo'i lɛŋ duna nɛ fuu nɛ‘i vata nɛ nɔ̧́ wen ha̧a̧mɔ nɛ̀ nyɔnɔ.

⁶⁸A̧ baa mɔɔ-nɔ-mɔ nɛ‘i dee nɛ lɔr nɛ duna nɛ fuu tɛnɛ. Dita mɔɔ-nɔ-mɔ‘i duka hee kilo kɔya-sede ɓu ga.

⁶⁹A̧ baa ndai, vala sami in be-sami nɛ a̧a̧ nɛ pɛ kpɔk tɛnɛ, wen dɔa-a nɛ kpoo-sɔ̧,

⁷⁰ɓɛɛ a̧ ba vala gbadua tɛnɛ mɛ ɗafi nɛ sɔ̧ wen kpaa ea-ɗaŋmɔ.

⁷¹Zu-a'i, a̧ kaia ndai yiitoo, vala sami mɔɔrɔ, vala gbadua mɔɔrɔ in o be-sami mɔɔrɔ nɛ a̧a̧ nɛ pɛ kpɔk wen ɗafa-sɔ̧-gaŋmɔ. Ha̧a̧mɔ ko bem ko Ahiezɛr bem ko Amisadai nɛ mɔ‘i.

⁷²Tɛ ɓu-zua-kpɔk ɔɔ-zɛ, nɛ Pagiɛl gasawi ko o bezaŋ Asɛr bem ko Okraŋ a̧ baa ha̧a̧mɔ kɔ‘i tɛnɛ.

⁷³Ha̧a̧mɔ n'aa baa tɛnɛ‘i nɛ mɔ'ɔ: pɛsa-tasi nɛ‘i dee nɛ bu-mbɔi nɛ dita-a hɛɗa kilo kpɔk nɛ reeta, gasa gba-yee nɛ‘i dee nɛ bu-mbɔi nɛ dita-a hɛɗa kilo kpɔk, nyɛm nɛ kilo bu-mbɔi sa̧a̧-fara; tasi nɔ‘i yiitoo'i lɛŋ duna nɛ fuu nɛ‘i vata nɛ nɔ̧́ wen ha̧a̧mɔ nɛ nyɔnɔ.

⁷⁴A̧ baa mɔɔ-nɔ-mɔ nɛ‘i dee nɛ lɔr nɛ duna nɛ fuu tɛnɛ. Dita mɔɔ-nɔ-mɔ‘i duka hee kilo kɔya-sede ɓu ga.

⁷⁵A̧ baa ndai, vala sami in be-sami nɛ a̧a̧ nɛ pɛ kpɔk tɛnɛ, wen dɔa-a nɛ kpoo-sɔ̧,

⁷⁶ɓɛɛ a̧ ba vala gbadua tɛnɛ mɛ ɗafi nɛ sɔ̧ wen kpaa ea-ɗaŋmɔ.

⁷⁷Zu-a'i, a̧ kaia ndai yiitoo, vala sami mɔɔrɔ, vala gbadua mɔɔrɔ in o be-sami mɔɔrɔ nɛ a̧a̧ nɛ pɛ kpɔk wen ɗafa-sɔ̧-gaŋmɔ. Ha̧a̧mɔ ko Pagiɛl bem ko Okraŋ nɛ mɔ‘i.

⁷⁸Tɛ ɓu-zua-yiitoo wese, nɛ́ Ahira gasawi ko o bezaŋ Nɛftalii bem ko Enaŋ a̧ baa ha̧a̧mɔ kɔ‘i tɛnɛ.

⁷⁹Ha̧a̧mɔ n'aa baa tɛnɛ‘i nɛ mɔ'ɔ: pɛsa-tasi nɛ‘i dee nɛ bu-mbɔi nɛ dita-a hɛɗa kilo kpɔk nɛ reeta, gasa gba-yee nɛ‘i dee nɛ bu-mbɔi nɛ dita-a hɛɗa kilo kpɔk, nyɛm nɛ ɗoŋ kilo bu-mbɔi sa̧a̧-fara; tasi nɔ‘i yiitoo'i lɛŋ duna nɛ fuu nɛ‘i vata nɛ nɔ̧́ wen ha̧a̧mɔ nɛ nyɔnɔ.

⁸⁰A̧ baa mɔɔ-nɔ-mɔ nɛ‘i dee nɛ lɔr nɛ duna nɛ fuu tɛnɛ. Dita mɔɔ-nɔ-mɔ‘i duka hee kilo kɔya-sede ɓu ga.

⁸¹A̧ baa ndai, vala sami in be-sami nɛ a̧a̧ nɛ pɛ kpɔk tɛnɛ, wen dɔa-a nɛ kpoo-sɔ̧,

⁸²ɓɛɛ a̧ ba vala gbadua tɛnɛ mɛ ɗafi nɛ sɔ̧ wen kpaa ea-ɗaŋmɔ.

⁸³Zu-a'i, a̧ kaia ndai yiitoo, vala sami mɔɔrɔ, vala gbadua mɔɔrɔ in o be-sami mɔɔrɔ nɛ a̧a̧ nɛ pɛ kpɔk, wen ɗafa-sɔ̧-gaŋmɔ. Ha̧a̧mɔ ko Ahira bem ko Enaŋ nɛ mɔ‘i.

⁸⁴O mɔ nɛ̀ o gasawi Israɛl ha̧a̧ wen gbaŋa fara-ɗafi-sɔ̧ wese nɛ wa tɛna nɛ nɔ̧́ a sɛnɛ nɛ mɔ‘i: pɛsa-tasi nɛ‘i dee nɛ bu-mbɔi ɓu-zua-yiitoo, gasa gba-yee nɛ‘i dee nɛ bu-mbɔi ɓu-zua-yiitoo in o mɔɔ-nɔ-mɔ nɛ‘i dee nɛ lɔr ɓu-zua-yiitoo.

⁸⁵O pɛsa-tasi nɛ‘i dee nɛ bu-mbɔi, dita-wa kpɔk kpɔk hɛɗa kilo kpɔk nɛ reeta, ɓɛɛ dita o gba-yee kpɔk kpɔk hɛɗa kilo kpɔk. O tasi nɔ‘i lɛŋ, dita-wa nɛ kilo ɓu-yiitoo-zua-naar, nyɛm nɛ ɗoŋ kɔya-sede sa̧a̧-fara.

⁸⁶Wa ha̧a̧ o mɔɔ-nɔ-mɔ ɓu-zua-yiitoo nɛ‘i dee nɛ lɔr nɛ duna nɛ fuu-nyama; dita wa kpɔk kpɔk duka hee kilo kɔya-sede ɓu ga, nyɛm nɛ ɗoŋ kɔya-sede sa̧a̧-fara. Dita-wa lɛŋ nɛ kilo kpɔk nɛ ŋma mɔ zu a̧.

⁸⁷O saɗi wen dɔa-a lɛŋ nɛ wiwii ndai ɓu-zua-yiitoo, vala sami ɓu-zua-yiitoo, o be-sami ɓu-zua-yiitoo wen ɗafa sɔ̧ wen kpaa ea-ɗaŋmɔ.

⁸⁸O saɗi lɛŋ nɛ wa ha̧a̧ wen ɗafa-sɔ̧-gaŋmɔ nɛ ndai ɓu-yiitoo-zua-naar, o vala sami ɓu-mɔɔrɔ-ɗoŋ-kpɔk, o vala gbadua ɓu-mɔɔrɔ-ɗoŋ-kpɔk, ká bá nɛ̀ o be-sami ɓu-mɔɔrɔ-ɗoŋ-kpɔk nɛ a̧a̧ nɛ pɛ kpɔk. Mɔ nɛ bíí ha̧a̧ lɛŋ wen gbaŋa fara-ɗafi-sɔ̧ ɗoŋ nɛ wa tɛna nɛ nɔ̧́ a zu-a kaɗi nɛ mɔ‘i.

⁸⁹Ŋgimbi nɛ Moisɛ yee kɔ̧ Tua-kpa-ŋmaa mɛ tɔ̧ wen in GASA WAN, a̧ zia ŋma tiger nɛ tɔ̧ɔ̧ wen ha̧ a̧ nɛ zu mɔɔ-kpe-nú Kuɓa nɔɔ-tɔk. Tiger'i gboo nɛ mgbara o keribim yiitoo, ɓɛɛ Moisɛ duk hi̧i̧ tɔ̧ nɛ wen in GASA WAN.