Read Northwest Gbaya JOSUE 15 Bible Online

JOSUE 15 - Northwest Gbaya bible

JOSUE 15

¹Nù ko zuduk Juda nɛ kpaa nyɛm nɛ́ ɗoŋ o nú-gara kɔ-wa nɛ̀ mɔ'ɔ: ku̧u̧naŋ-a nɛ gbìsí Edɔm sɛn ŋga-gbárà Sin sɛn Nɛgɛb si war ká̧-zan-mɛ́-ɗɔɔ.

²Gbìsí-nù kɔ-wa mɛ ká̧-zan-mɛ́-ɗɔɔ ku̧u̧naŋ-a nɛ ndɔŋ nú Gba-tɔp Tɔŋ nɛ gbaa er si war ká̧-zan-mɛ́-ŋgɔn e Nɛgɛb nɛ ɗɔɔ,

³ɓir si ká̧-zan-mɛ́-ɗɔɔ nɛ war ká̧ kaya Akrabim, gɔm nɛ Sin, ɓɛɛ daŋ si Kadɛs-Barnɛa, yak nɛ Hɛsbɔŋ daŋ nɛnɛ si Adar, ɓɛɛ zik hi̧i̧ si Karka,

⁴ɓir nɛ Asmɔŋ kpa nɛ be-zer Egiptɛ tik nɛnɛ ɗɔɔ Gba-tɔp. Gbìsí-nù kɔ-wa nɛ ká̧-zan-mɛ́-ɗɔɔ duka hee mɔ‘i ga.

⁵Nɛ war daŋa-wese, gbìsí duka nɛ́ tɔp Tɔŋ hɔ nɛnɛ zu Jurdɛn. Gbìsì nɛ war ká̧-zan-mɛ́-ŋgɔn ku̧u̧naŋ-a nɛ ɗɔŋgɔ-yì fara nɛ Jurdɛn aa ɗɔɔ Gba-tɔp sɛnɛ.

⁶Gbìsì daŋa hɔ Bɛt-Hogla ɓir nɛ Bɛt-Araba nɛ war ká̧-zan-mɛ́-ŋgɔn nɛ nɛnɛ hɔ tɛ Ta ko Bohan bem ko Rubɛn.

⁷Gbìsì daŋa si Debir, nɛ war ɗɔŋgɔ Akɔr zik nɛnɛ nɛ war ká̧-zan-mɛ́-ŋgɔn si war Gilgal nɛ duk ti kaya Adumim nɛ ɗɔɔ ha̧ be-zer. Gbìsì ɓira nɛ ká̧ yí Ɛn-Sɛmɛs hɔ sɛn Ɛn-Rogɛl.

⁸Gbìsì baa gboŋgo Bɛn-Hinɔm daŋnɛ, e Jerusalɛm, ye ko o be Jebus nɛ war ŋgɔn, yak nɛnɛ si zu kaya nɛ duk ti gboŋgo Hinɔm nɛ war yee-wese; fara'i nɛ́ ndɔŋ nú ɗɔŋgɔ ko o be Refaim nɛ war ká̧-zan-mɛ́-ŋgɔn.

⁹Nɛ war zu kaya, gbìsì zira si o zu-zer-yì ko Nɛftoa ɓir nɛnɛ sitɛ o ye zu kaya Efrɔŋ zir si war Bala nɛ‘i sa'e Kiriat-Yearim.

¹⁰Gbìsì zika nɛ Bala, ɓɛɛ wɛr si ká̧ naŋ kaya Sɛir nɛ war yee-wese ba nɛ ká̧ naŋ kaya Yarim nɛ‘i sa'e Kɛsalɔŋ nɛ war ká̧-zan-mɛ́-ŋgɔn, zir si Bɛt-Sɛmɛs, ɓir nɛnɛ si Timna,

¹¹hɔ nɛnɛ ká̧ Ekrɔŋ nɛ war ká̧-zan-mɛ́-ŋgɔn, ɓɛɛ zik si Sikarɔŋ ɓir nɛ zu kaya Bala si Yabnɛl, ɓɛɛ nɛɛ kaɗi ká̧ Gba-tɔp.

¹²Gbìsì nɛ war yee-wese duka nɛ ká̧ zaŋ Gba-tɔp. Gbìsí-nù ko nú-gara Juda nyɛm nɛ ɗoŋ zuduk kɔ-wa lɛŋ nɛ́ mɔ‘i.

¹³Wa ha̧a̧ war nù ko Kalɛb bem ko Yefunɛ ha̧ a̧ mgbara zuduk ko Juda nyɛm nɛ ɗoŋ tɔ̧ɔ̧-wen ko GASA WAN ha̧ Josue. Nù kɔ̧-a̧ nɛ́ Kiriat-Arba nɛ‘i sa'e Hebrɔŋ. Arba duka so nɛ dáà ko Anak.

¹⁴Kalɛb ndaka nú-gara ko Anak taar yinɛ sɛn hi̧i̧: mɛ̀ nɛ́ nú-gara ko Sesai, ko Ahinam in ko Talmai.

¹⁵Ɓɛɛ sɛn hi̧i̧ a̧ baa zu duk nɛ̀ o be Debir. Nin Debir nɛti duka so nɛ Kiriat-Sefɛr.

¹⁶Kalɛb tɔ̧a̧: «Wi nɛ tɛ bi Kiriat-Sefɛr, ɓɛɛ baa a̧, mi tɛ ha̧ boko-bem kɔ‘m Aksa ha̧ a̧ nɛ kóò.»

¹⁷Wi nɛ baa ye'i duka nɛ Otniɛl bezaŋ Kɛnaz nya Kalɛb. Nɛ mɔ'ɔ nɛ Kalɛb ha̧a̧ boko-bem kɔ‘i Aksa ha̧ a̧ nɛ kóò.

¹⁸Wese n'aa hɔɔ kɔ̧ tua-wíì kaɗi, wíì kɔ̧-a̧[3] aa wen ha̧ a̧ mɛ nɛɛ ak fɔ er dáà kɔ̧-a̧. Aksa zira zu tuifuu kɔ‘i, ɓɛɛ dáà kɔ̧-a̧ Kalɛb ak a̧: «Nɛ́ ge a̧ mɛ kɔ̧a̧ ge?»

¹⁹Aksa kifa nú: «Ɛ̀nɛ̀ dé ŋma be demɔ ha̧‘m. Hee ɛnɛ ha̧a̧ gbárá Nɛgɛb ha̧‘m ga, ɛ̀nɛ̀ há̧ o gɔna-yì ha̧‘m mbɛt.» Ɓɛɛ Kalɛb ha̧ o gɔna-yì mɛ ŋgɔn in mɛ ɗɔɔ ha̧ a̧.

²⁰Mɔɔ-oi ko zuduk ko Juda nyɛm nɛ ɗoŋ o nú-gara kɔ-wa nɛ́ mɔ'ɔ.

²¹O ye nɛ ya ndɔŋ nù ko zuduk ko Juda si war gbìsì nú Edɔm sɛn Nɛgɛb duka nɛ́ Kabsɛl, Edɛr in Yagur;

²²Kina, Dimɔna in Adeada;

²³Kɛdɛs, Asɔr in Yitnaŋ;

²⁴Zif, Tɛlɛm in Bealot;

²⁵Asɔr-Adata in Keriot-Ɛsrɔŋ nɛ wa sa'e Asɔr;

²⁶Amam, Sema in Mɔlada;

²⁷Hasargada, Hɛsemɔŋ in Bɛt-Pɛlɛt;

²⁸Hasar-Sual, Bɛrseba in Biziotia,

²⁹Bala, Iyim in Esɛm;

³⁰Ɛltolad, Kezil in Ɔrma;

³¹Siklag, Madmana in Sansana;

³²Lebaot, Silɛhim, Ain in Rimɔŋ; wa lɛŋ nɛ́ ye ɓu-yiitoo-zua-mɔɔrɔ-ɗoŋ-naar in o ye nɛ zii nɛ̀ wa.

³³O ye mɛ hira-nù, nɛ́ Ɛstaɔl, Sorea in Asna;

³⁴Zanɔa, Ɛn-Ganim, Tapua in Ɛinam;

³⁵Yarmut, Adulam, Soko in Asɛka;

³⁶Saraim, Aditaim, Gedera in Gederotayim: o gasa ye ɓu-zua-naar in o geɗek-a.

³⁷Sɛka Senaŋ, Hadasa in Migdalgad;

³⁸Dilean, Mispɛ in Yokteɛl;

³⁹Lakis, Boskat in Eglɔŋ;

⁴⁰Kabɔŋ, Lamas, in Kitlis;

⁴¹Gederot, Bɛt-Dagɔŋ, Nama ká bá nɛ̀ Makeda; wa lɛŋ nɛ́ o gasa ye ɓu-zua-mɔɔrɔ-ɗoŋ-kpɔk in o geɗek-a.

⁴²O ŋma nɛ́ Libna, Etɛr in Asaŋ;

⁴³Yifta, Asna in Nɛsib;

⁴⁴Kɛila, Akzib in Marɛsa: o gasa ye mɔɔrɔ-ɗoŋ-naar in o geɗek-a.

⁴⁵Sɛka Ekrɔŋ in o be ye nɛ zii nɛ̀ a̧,

⁴⁶in o ye lɛŋ nɛ duk ká̧ Asdod gu nɛ o geɗek-a mbɛt, ku̧u̧naŋ-a nɛ Ekrɔŋ hegɔɔ hɔ nɛnɛ tɛ Gba-tɔp nɛ war yee-wese;

⁴⁷ká bá nɛ̀ Asdod in Gaza in o ye lɛŋ nɛ zii nɛ̀ wa zir nɛnɛ nɛ ká̧ zaŋ Gba-tɔp hɔ nɛnɛ be-zer Egiptɛ.

⁴⁸Sɛn mgbara kaya, mɛ̀ nɛ́ Samir, Yatir in Soko;

⁴⁹Dana in Kiriat-Sana nɛ‘i sa'e Debir;

⁵⁰Anab, Ɛstɛmɔ in Anim;

⁵¹Gɔsɛn, Hɔlɔŋ in Gilo; o gasa ye ɓu-zua-kpɔk in o geɗek-a.

⁵²Sɛka Ara, Duma, in Eseaŋ;

⁵³Yanum, Bɛt-Tapua in Afɛka;

⁵⁴Humɛta, Kiriat-Arba, wen nɛ tɔ̧ Hebrɔŋ in Siɔr: gasa ye mɔɔrɔ-ɗoŋ-naar in o geɗek-a.

⁵⁵Ŋma nɛ́ Maɔŋ, Karmɛl, Zif in Yut;

⁵⁶Yizreɛl, Yokdeam in Zanɔa;

⁵⁷Kayin, Gibea in Timna: o gasa ye ɓu in o geɗek-a.

⁵⁸Sɛka Halul, Bɛt-Sur in Gedɔr;

⁵⁹Marat, Bɛt-Anɔt in Ɛltekɔŋ: o gasa ye mɔɔrɔ-ɗoŋ-kpɔk in o geɗek-a.

⁶⁰Ŋma nɛ́ Kiriat-Bal nɛ‘i sa'e Kiriat-Yearim, in Raba: gasa ye yiitoo in o geɗek-a.

⁶¹Sɛn ŋga-gbárà nɛ́ Bɛt-Araba, Midin in Sekaka;

⁶²Nibsaŋ, Ye Tɔŋ in Ɛn-Gedi: o gasa ye mɔɔrɔ-ɗoŋ-kpɔk in o geɗek-a.

⁶³Ɓɛɛ o bezaŋ Juda nyɛm so mɛ ndak o be Jebus nɛ ɔ Jerusalɛm na. Mɛ̀ nɛ́ hegɔ a̧ o be Jebus ɔ nɛnɛ Jerusalɛm mgbara o bezaŋ Juda hɔ sɔsɔɔ.