Read Northwest Gbaya JOSUE 19 Bible Online

JOSUE 19 - Northwest Gbaya bible

JOSUE 19

¹Yiitoo nù nɛ tani baa duka nɛ ko Simɛɔŋ, ko zuduk ko o bezaŋ Simɛɔŋ, nyɛm nɛ ɗoŋ nú-gara kɔ-wa. Mɔɔ-oi kɔ-wa duka mgbara nù ko o bezaŋ Juda.

²Mɔ nɛ wa kpaa nɛ̀ mɔɔ-oi nɛ́ Bɛrseba, Seba, Mɔlada,

³Hasar-Sual, Bala, Esɛm,

⁴Ɛltolad, Betul, Ɔrma,

⁵Siklag, Bɛt-Markabot, Hasar-Susa,

⁶Bɛt-Lebaot in Saruhɛn: nɛ́ gasa ye ɓu-zua-taar in o geɗek-a.

⁷Sɛka Ain, Rimɔŋ, Etɛr in Asaŋ: nɛ́ gasa ye naar in o geɗek-a.

⁸Zu mɔɔ nɔ‘i lɛŋ, wi tɛ kai o be geɗek ye nɛ ya ká̧ o gasa-a nɔ‘i hɔ sɛn Balat-Bɛr nɛ‘i sa'e Ramat nɛ war ká̧-zan-mɛ́-ɗɔɔ a zu-a. Mɔɔ-oi ko o bezaŋ Simɛɔŋ nyɛm nɛ ɗoŋ nú-gara kɔ-wa nɛ́ mɔ‘i.

⁹Wa baa mɔɔ-oi ko o bezaŋ Simɛɔŋ tɛ ko o bezaŋ Juda wen nɛ̀ war ko o bezaŋ Juda duka nɛ gasa-a nyɛmna wen wa. Ɓɛɛ nɛ́ hegɔ a̧ o bem ko Simɛɔŋ kpaa nɛ war mɔɔ-oi kɔ‘i tɛ nù ko o bem ko Juda.

¹⁰Tani baa taar nù ha̧ o bezaŋ Zabulɔŋ nyɛm nɛ ɗoŋ o nú-gara kɔ-wa. Gbìsì kɔ-wa hɔɔ si Sarid.

¹¹Gbìsì kɔ-wa daŋa si yee-wese si war Marala tan nɛ̀ Pabɛsɛt in be-zer nɛ duk mgbák ti Yoknɛam.

¹²Gbìsì duka Sarid zik nɛnɛ si war daŋa-wese hɔ nɛnɛ gbìsì ko Kislɔt-Tabɔr, yak si Dabɛrat, ɓɛɛ daŋ hɔ Yafia.

¹³Nɛ mɔ'ɔ nɛ gbìsì duka hi̧i̧ yak nɛnɛ siti si war daŋa-wese, si Gat-Hefɛr in si Ita-Kasin gbo si war Rimɔŋ, ɓɛɛ zir si war Nɛa.

¹⁴Ɓɛɛ gbisi zik woyo nɛ war ká̧-zan-mɛ́-ŋgɔn si war Hanalɔŋ tik nɛnɛ kɔ̧ gboŋgo Yifta-Ɛl.

¹⁵O ye nɛ duka tɛ nu kɔ-wa nɛ́ Katat, Nahatal, Simrɔŋ, Yideala in Bɛtlɛhɛm: nɛ́ gasa ye ɓu-zua-yiitoo in o geɗek-a.

¹⁶Mɔɔ-oi ko o bezaŋ Zabulɔŋ nyɛm nɛ ɗoŋ nú-gara kɔ-wa nɛ́ o ye nɔ‘i in o geɗek-a.

¹⁷War naar-a, tani baa nù ko Isakar ha̧ o bezaŋ Isakar nyɛm nɛ ɗoŋ o nú-gara kɔ-wa.

¹⁸Pɛsa nù kɔ-wa hɔɔ Yizreɛl, Kezulot, Sunɛm,

¹⁹Hafarayim, Siɔŋ, Anahara,

²⁰Rabit, Kisiɔŋ, Ebɛs,

²¹Remɛt, Ɛn-Ganim, Ɛn-Hada in Bɛt-Pasɛs.

²²Gbìsì kɔ-wa hɔɔ Tabɔr, Sahasima in Bɛt-Sɛmɛs, tik nɛnɛ Jurdɛn: nɛ́ o gasa ye ɓu-zua-mɔɔrɔ-ɗoŋ-kpɔk in o geɗek-a.

²³Mɔɔ-oi ko o bezaŋ Isakar nyɛm nɛ ɗoŋ o nú-gara kɔ-wa nɛ́ o ye nɔ‘i in o geɗek-a.

²⁴War mɔɔrɔ-a, tani baa nù ha̧ zuduk ko o bezaŋ Asɛr nyɛm nɛ ɗoŋ o nú-gara kɔ-wa.

²⁵O ye nɔ'ɔ duka tɛ nù kɔ-wa: Hɛlkat, Hali, Betɛn, Aksaf,

²⁶Alamɛk, Amead in Miseal. Gbìsì nɛɛ fo kaya Karmɛl nɛ war yee-wese in Sihɔr-Libnat.

²⁷Gbìsì zika si daŋa-wese si Bɛt-Dagɔŋ tan nɛ Zabulɔŋ in ɗɔŋgɔ Yifta-Ɛl nɛ ká̧-zan-mɛ́-ŋgɔn ha̧ Bɛt-Emɛk in Nɛiɛl, nɛ́ɛ̀ haɗi sɛn Kabul nɛ war gale.

²⁸Gbìsì yaka woyo si Hebrɔŋ, Rehob, Hamɔŋ in Kana hɔ nɛnɛ Gasa-Sidɔŋ.

²⁹Gbìsì zika woyo si war Rama hɔ tɛ ŋgárá Tir, ɓɛɛ zik si Hosa, haɗi nɛnɛ nú gba Tɔp, tɛ nù ko Akzib.

³⁰O ye Uma, Afɛk in Rehob a̧a̧ tɛ nù‘i mbɛt. O gasa ye lɛŋ dee ɓu-yiitoo-zua-yiitoo in o geɗek-a.

³¹Mɔɔ-oi ko zuduk ko o bezaŋ Asɛr nyɛm nɛ ɗoŋ o nú-gara kɔ-wa nɛ́ o ye nɔ‘i in o geɗek-a.

³²War mɔɔrɔ-ɗoŋ-kpɔk-a, tani baa nù ha̧ o bezaŋ Nɛftalii nyɛm nɛ ɗoŋ o nú-gara kɔ-wa.

³³Gbìsì kɔ-wa ku̧u̧naŋ sɛn Helɛf, hɔ tɛ gasa te[5] sɛn Sananim, tik Adamin-Nekɛb, Yabnɛl hɔ Lakum haɗi sɛn nú Jurdɛn.

³⁴Gbìsì ɓira si war yee-wese si Azanot-Tabɔr ɓɛɛ nɛ́ si Ukɔt hɔ nɛnɛ nú Zabulɔŋ nɛ war ká̧-zan-mɛ́-ɗɔɔ, e nú Asɛr nɛ war yee-wese ká bá nɛ̀ Juda,[6] e Jurdɛn nɛ war daŋa-wese.

³⁵O ŋga ye duka nɛ́ Sidim, Ser, Hamat, Rakat, Kinɛrɛt,

³⁶Adama, Rama, Hasɔr,

³⁷Kɛdɛs, Edrɛi, Ɛn-Hasɔr,

³⁸Yirɛɔŋ, Migadal-Ɛl, Horɛm, Bɛt-Anat in Bɛt-Sɛmɛs: nɛ́ o gasa ye ɓu-zua-mɔɔrɔ-ɗoŋ-naar in o geɗek-a.

³⁹Mɔɔ-oi ko o bezaŋ Nɛftalii nyɛm nɛ ɗoŋ o nú-gara kɔ-wa nɛ́ gasa ye nɔ‘i in o geɗek-a.

⁴⁰War mɔɔrɔ-ɗoŋ-yiitoo-aa, tani baa nù ha̧ zuduk ko o bezaŋ Dan nyɛm nɛ ɗoŋ o nú-gara kɔ-wa.

⁴¹Gbìsí-nu kɔ-wa duka nɛ́ Sorea, Ɛstaɔl, Ir-Sɛmɛs,

⁴²Salabin, Ayalɔŋ, Yitla,

⁴³Elɔŋ, Timnata, Ekrɔŋ,

⁴⁴Ɛlteke, Gibetɔŋ, Balat,

⁴⁵Yehud, Bene-Berak, Gat-Rimɔŋ,

⁴⁶o foka-yì Yarkɔŋ, Rakɔŋ ká bá nɛ̀ nù nɛ duk mgbák ti Jope.

⁴⁷Ɓɛɛ nù ko o bezaŋ Dan nyaŋ wa. Hegɔ wa daŋa ba zu duk nɛ̀ Lesɛm; wa baa ye'i, ɓɛɛ wa gbɛ o mɔɔ saaye lɛŋ nɛ̀ gba-paa. Wa yaa hi̧i̧, ɓɛɛ wa a nin zɔmdáa kɔ-wa Dan ha̧ ye'i.

⁴⁸Mɔɔ-oi ko zuduk ko o bezaŋ Dan nyɛm nɛ ɗoŋ o nú-gara kɔ-wa nɛ́ o gasa ye nɔ‘i in o geɗek-a.

⁴⁹Ŋgimbi nɛ o be Israɛl kaɗa nɛ̀ kɛ̧́ɛ̧́ nù nɛ̀ mɔɔ-oi nyɛm nɛ ɗoŋ o gbìsì kaɗi, wa ha̧a̧ mɔɔ-oi ha̧ Josue bem ko Nun mgbara wa.

⁵⁰Wa ha̧a̧ ye n'aa aka nyɛm nɛ ɗoŋ wen ko Sɔ̧ ha̧ a̧: nɛ́ Timnat-Sɛra, mgbara kaya Efraim. A̧ ɗafa ye'i woyo, ɓɛɛ a̧ duk sɛn hi̧i̧.

⁵¹Kɛ̧ɛ̧ mɔɔ-oi nɛ wi-ɗafi-sɔ̧ Eleazar in Josue bem ko Nun in o gasawi nutua ko o be Israɛl kɛ̧ɛ̧ nɛnɛ nɛ tani ti GASA WAN sɛn nú Tua-kpa-ŋmaa sɛn Silo nɛ́ mɔ‘i; kɛ̧́ɛ̧́ nù kaɗa hee mɔ‘i ga.