Read Northwest Gbaya 1 KALATA NYƐRƐ 18 Bible Online

1 KALATA NYƐRƐ 18 - Northwest Gbaya bible

1 KALATA NYƐRƐ 18

¹Ɗoŋ mɔ‘i, David bíí o be Filistii, ɓɛɛ ɔ wan zu wa. A̧ baa ye Gat in o be ye nɛ̀ zíí nɛ̀ a̧ er o be Filistii.

²A̧ bìì o be Mɔab, ɓɛɛ wa duk o wi-de-tom kɔ̧-a̧, gbo nɛ̀ garama ha̧ a̧.

³David bìí Hadadɛzɛr, wannu Sɔba nɛ̀ duk si war Hamat ŋgimbi n'aa nɛɛ so mɛ ba nɛ́ nana-yí Efrat e tɛ nù kɔ̧-a̧.

⁴David kaia keekee-biro ko Hadadɛzɛr booro in o wi-biro nɛ̀ nyaŋa booro-mɔɔrɔ-ɗoŋ-yiitoo ká bá nɛ̀ o wi-nɛ-biro nɛ̀ naŋ booro-ɓu-yiitoo. A̧ ɓira ɗaɗi naŋ o nyaŋa-keekee-biro lɛŋ, ɓɛɛ a̧ e oi-aa gɔmŋmaa ɓɛɛ.

⁵O be Aram nɛ̀ ya Damas tɛɛ mɛ gbak Hadadɛzɛr wannu Sɔba, ɓɛɛ David gbɛ o bíí booro-ɓu-yiitoo-zua-yiitoo mgbara wa.

⁶David aa o gasawi kɔ‘i dam Aram nú Damas. O be Aram kifa wi-de-tom ko David, gbo nɛ̀ garama ha̧ a̧. Fara nɛ̀ David nɛ́ lɛŋ, GASA WAN dee ha̧ a̧ mɛ gbin biro sɛnɛ.

⁷David kaia o ŋgee ko o wi-de-tom ko Hadadɛzɛr nɛ̀ wa dee nɛ̀ lɔr piinɛ Jerusalɛm.

⁸A̧ kaia ndɛrɛ nɛ̀ dɔka-a sɛn Tibat in sɛn Kun, tɛ ye ko Hadadɛzɛr. Nɛ̀ ɗoŋ, Salomɔŋ nɔi̧a ndɛrɛ‘i de nɛ̀ gba-kpánà, o mbiŋ in o nyɛk.

⁹Tou, wannu Hamat zia'e David bìì o wi-biro ko Hadadɛzɛr wannu Sɔba.

¹⁰A̧ toma bem kɔ̧-a̧ Hadɔram nɛ̀ haya-a sitɛ wannu David mɛ fan a̧ zɔn nɛ̀ a̧, tɛ bíí Hadadɛzɛr n'aa bia, ɓɛɛ a̧ gan a̧‘i, wen Hadadɛzɛr duka so nɛ́ wisɛn ko Tou. Hadɔram kaia o mɔ nɛ̀‘i dee nɛ̀ lɔr, bu-mbɔi in nɛ̀ ndɛrɛ nɛnɛ ha̧ wannu David,

¹¹ɓɛɛ David e mɔɔ nɔ‘i lɛŋ ha̧ GASA WAN e zu bu-mbɔi in lɔr n'aa kaia nɛti er o zuduk bíí n'aa bìì so. A̧ kaia so o mɔɔ nɔ‘i er o be Edɔm, o be Mɔab, o be Amɔŋ, o be Filistii in o be Amalɛk.

¹²Absai bem ko Sɛruya gbɛɛ o be Edɔm tɛ booro-ɓu-zua-mɔɔrɔ-ɗoŋ-taar sɛn kɔ̧ ɗɔŋgɔ Tɔŋ.

¹³A̧ aa o gasawi kɔ̧-a̧ dam nú Edɔm, ɓɛɛ o be Edɔm lɛŋ ya wi-de-tom ko David. Fara nɛ̀ David nɛ́ lɛŋ, GASA WAN dee ha̧ a̧ mɛ gbin biro sɛnɛ.

¹⁴David ɔɔ wan zu Israɛl lɛŋ, de nɛ̀ mɔ nɛ̀ yuwar-a in nɛ̀ de-a ha̧ dukbíí kɔ̧-a̧.

¹⁵Jɔab bem ko Sɛruya duk kɔ‘i zu o wi-biro; Yɛhɔsafat bem ko Ahilud duk so kɔ‘i nɛ́ wan-kalata.

¹⁶Sadɔk bem ko Ahitub in Abimɛlɛk bem ko Abiatar yaa kɔ-wa nɛ́ wi-ɗafi-sɔ̧; Sausa duka kɔ‘i nɛ́ wi-yɔr-mɔ;

¹⁷Bɛnaya bem ko Yehoda duka zu o be Kɛrɛt in o be Pɛlɛt; ɓɛɛ o bem ko David ya kɔ-wa nɛ́ o gasawi katɛ wannu.