Read Northwest Gbaya 1 KALATA NYƐRƐ 27 Bible Online

1 KALATA NYƐRƐ 27 - Northwest Gbaya bible

1 KALATA NYƐRƐ 27

¹O be Israɛl nɛ̀ dee tom ha̧ wannu nɛ́ o gasawi nutua, o wi-duk-zu o wi-biro booro in gɔmŋmaa, ká bá nɛ̀ o gasawi zu o wi-biro; tom kɔ-wa so nɛ́ zɔka dùk o wi-biro nɛ̀ kpai so nɛ́ ŋmaa ɗoŋ fio-zɛ kpɔk kpɔk tɛ pɛ lɛŋ. Dùk wi-biro kpɔk kpɔk a̧a̧ so nɛ̀ o bíí booro-ɓu-yiitoo-zua-naar.

²O dùk wi nɔ‘i dama kànà ɗoŋ fio-zɛ ɓu-zua-yiitoo, ɓɛɛ wa ya ɗɔɔ ŋgai ko o wi nɔ'ɔ: Tɛ kuti fio-zɛ nɛ́ Yasobam, bem ko Zabdiɛl, tɛ nú-gara ko Pɛrɛs; a̧ duka nɛ́ gasawi zu wi-biro lɛŋ zaŋ fio-zɛ‘i. Tɛ yiitoo fio-zɛ nɛ́ Dɔdai be Ahɔ; gasa wi-gbak-a nɛ́ Miklot. Tɛ taar fio-zɛ nɛ́ Bɛnaya bem ko wan-ɗafi-sɔ̧ Yoyada; a̧ duka nɛ́ ŋma ŋgaŋa-wi mgbara o ŋgaŋa-wi Ɓu-taar, ɓɛɛ a̧ kifi duk nɛ́ gasawi kɔ-wa. Bem kɔ̧-a̧ Amizabad duka nɛ́ gasa wi-gbak-a. Tɛ naar fio-zɛ nɛ́ Asahɛl nya Jɔab, sɛka Zɛbadia bem kɔ̧-a̧ nɛ̀ duka oi-aa. Tɛ mɔɔrɔ fio-zɛ nɛ́ Samut be Izra. Tɛ mɔɔrɔ-ɗoŋ-kpɔk fio-zɛ nɛ́ Ira, bem ko Ikɛs be Tɛkɔa. Tɛ mɔɔrɔ-ɗoŋ-yiitoo fio-zɛ nɛ́ Hɛlɛs be Pɛlɔŋ tɛ zuduk ko Efraim. Tɛ mɔɔrɔ-ɗoŋ-taar fio-zɛ nɛ́ Sibɛkai be Husa tɛ nú-gara ko Zera. Tɛ mɔɔrɔ-ɗoŋ-naar fio-zɛ nɛ́ Abiɛzɛr be Anatot tɛ zuduk ko Bɛnjamin. Tɛ ɓu fio-zɛ nɛ́ Marai be Nɛtɔfa tɛ nú-gara ko Zɛra. Tɛ ɓu-zua-kpɔk fio-zɛ nɛ́ Bɛnaya be Pirɛatɔŋ, tɛ zuduk ko Efraim: duka nɛ́ o bíí booro-ɓu-yiitoo-zua-naar.(...)

¹⁶O gasawi nɛ duka zu o dùk be Israɛl nɛ́ mɔɔ nɔ'ɔ: Zu o bezaŋ Rubɛn nɛ́ Eliɛzɛr bem ko Zikri; ko o bezaŋ Simɛɔŋ nɛ́ Sɛfatia bem ko Maka;

¹⁷ko o bezaŋ Levii nɛ́ Hasabia bem ko Kemuɛl; ko o bezaŋ Arɔŋ nɛ́ Sadɔk;

¹⁸ko o bezaŋ Juda nɛ́ Elihu ŋma nya David; ko o bezaŋ Isakar nɛ́ Ɔmri, bem ko Mikaɛl;

¹⁹ko o bezaŋ Zabulɔŋ nɛ́ Yismaya bem ko Obadia; ko o bezaŋ Nɛftalii nɛ́ Yɛrimɔt bem ko Azriɛl;

²⁰ko o bezaŋ Efraim nɛ́ Osee bem ko Azazia; koo reeta zuduk ko o bezaŋ Manase nɛ́ Jɔɛl bem ko Pɛdaya;

²¹ko ɓii reeta zuduk o bezaŋ Manase nɛ̀ ya Galad nɛ́ Ido bem ko Zakarii; ko o bezaŋ Bɛnjamin nɛ́ Yasiɛl bem ko Abnɛr;

²²ɓɛɛ ko o bezaŋ Dan nɛ́ Azarɛl bem ko Yeroam. O gasawi nɛ̀ yaa so zu o dùk be Israɛl nɛ́ mɔɔ nɔ‘i.

²³David tɔr so o wi nɛ̀ a̧a̧ nɛ̀ pɛ ɓu-yiitoo, in o wan nɛ̀ tɛ kpa pɛ hegɔ na, na, wen GASA WAN tɔ̧ɔ̧ so'e, wi tɛ de ha̧ o be Israɛl mɛ dɔk hee o sɔra yiwese ga.

²⁴Jɔab bem ko Sɛruya ku̧u̧ so naŋ tɔra wa, ɓɛɛ a̧ tɔr kaɗi na, wen gasa nyimsea ko Sɔ̧ tika zu Israɛl tɛ mɔ‘i n'aa dea'i. Hegɔ nin-wa bo zaŋ Kalata Nyɛrɛ ko wannu David na.

²⁵Wi nɛ̀ duka so zu mbɔi ko wannu nɛ́ Azmavɛt, bem ko Adiɛl; ɓɛɛ ko Yɔnataŋ bem ko Uzia, a̧ duka so kɔ̧-a̧ zu o nyɔnɔ nɛ̀ wa ndɛma e ŋgɔn kɔ̧ o dam sɛn nú fɔ, sɛn tɛ o gasa ye in geɗek ye, in tɛ o fara-pɛm-mɔ mbɛt.

²⁶Ezri bem ko Kɛlub duka zu o wi-wa-fɔ.

²⁷Simɛi be Rama duka zu o wi-gun-nyak-dɔ̧ɔ̧, ɓɛɛ Zabdi be Sifmi duk kɔ‘i zu o wi-vati-dɔ̧ɔ̧.

²⁸War ko o te-nɔ̧́ in o te-mbɔra,[17] nɛ̀ war Hira-Nù, nɛ́ Bal-Hanaŋ be Gedɛr a̧ duk zu-a, ɓɛɛ wi-pɛm-nɔ̧́ nɛ̀ wa baa e nɛ́ Yoas.

²⁹Sitrai be Sarɔŋ duka zu o ndai nɛ̀ wa dai hi̧i̧, ɓɛɛ Safat bem ko Adlai duk kɔ‘i zu o ndai mɛ kɔ̧ ɗoŋgɔ.

³⁰War ko o ŋgeloba, nɛ Obil bezaŋ Ismaɛl a̧ duk zu wa, ko o nana-tuifuu nɛ́ Yɛdaya be Mɛrɔŋ,

³¹ɓɛɛ ko o sami in o gbadua nɛ́ Yaziz be Hagri. O wi nɔ‘i lɛŋ yaa so nɛ́ gasa wi-duk-zu mɔ ko wannu David.

³²Yɔnataŋ nɔkɔ ko David duka so nɛ́ gasa wi-tɔ̧-mbɔrɔ kɔ̧-a̧; a̧ duka so nɛ́ gasa wi-iŋ-mɔ in wi-yɔr-mɔ mbɛt. Yehiɛl bem ko Hakmɔni duka so nɛ́ wi-usi-mɔ ha̧ o bem ko wannu.

³³Ahitɔfɛl duka so nɛ́ wi-tɔ̧-mbɔrɔ ko wannu mbɛt, ɓɛɛ Husa be Ark duk nɛ́ sɛm ko wannu.

³⁴Ŋgimbi nɛ̀ Ahitɔfɛl fea, nɛ́ Yehoyada bem ko Bɛnaya in Abiatar a̧ baa fara oi-aa. Gasa wi-duk-zu o wi-biro ko wannu duka nɛ́ Jɔab.