Read Northwest Gbaya 1 KALATA NYƐRƐ 5 Bible Online

1 KALATA NYƐRƐ 5 - Northwest Gbaya bible

1 KALATA NYƐRƐ 5

¹Rubɛn duka nɛ́ kaya-bem ko Israɛl. Ɓɛɛ hee mɔ'ɔ n'aa duka in ŋma zɔŋa-kóò ko dáà kɔ̧-a̧ nɛ̀ dàlà ga, wa baa ŋgai ko kaya-bem er-a yinɛ ha̧ ha̧ o bem ko Jozɛf, bem ko Israɛl, ɓɛɛ e a̧ hee wi nɛ̀ bó nɛ̀ ŋgai mɛ duk kaya-bem na ga.

²Juda duka nɛ́ gasawi mgbara o nya-a̧, ɓɛɛ nɛ́ ŋma bezaŋ-aa a̧ ɔɔ wan Israɛl; mɔ kpɔk, ŋgai ko kaya-bem ɓɔna so kànà nɛ́ er Jozɛf.

³O bem ko Rubɛn kaya-bem ko Israɛl nɛ́ Hanɔk, Palu, Hɛsrɔŋ in Karmi.

⁴O bezaŋ Jɔɛl nɛ́ mɔɔ nɔ'ɔ: Jɔɛl koo Sɛmaya, Sɛmaya koo Gɔg, Gɔg koo Simri,

⁵Simri koo Mika, Mika koo Rɛaya, Rɛaya koo Bal.

⁶Ɓɛɛ Bal ko Beɛra nɛ̀ Tilgat-Pilnɛzɛr, wannu Asirii baa so yaknɛ nɛ̀ bara; a̧ duka nɛ́ be-wan ko o bezaŋ Rubɛn.

⁷O nya Beɛra nɛ̀ yaa nɛ́ gasawi nú-gara kɔ-wa nɛ̀ nin-wa yɔra zaŋ kalata nɛ́ mɔɔ nɔ'ɔ: kuti bíí nɛ́ Yɛyɛl, hɔ-ɗoŋ-aa nɛ́ Zakarii,

⁸ɓɛɛ sɔŋkur-aa nɛ́ Bɛla, bem ko Azaz. Bɛla nɛ́ be-koo Sɛma bem ko Jɔɛl. O bezaŋ Rubɛn duka ɔ, e Arɔɛr nɛ̀ war ɗɔɔ, ɓɛɛ e kaya Nɛbo in ye Bal-Mɛɔŋ nɛ̀ war ŋgɔn.

⁹Wa ɔɔ ye hɔ nú ŋga-gbárà nɛ̀ a̧a̧ mgbara wa in nana-yí Efrat si daŋa-wese wen nɛ̀ o mɔ-dai kɔ-wa ɔ dɔka sɛn tɛ nú Galad'i.

¹⁰Ŋgimbi wan ko Saul, wa bìí biro in o be Hagri, ɓɛɛ wa gbɛ wa, ba nù nɛ̀ a̧a̧ ká̧ Galad nɛ̀ war daŋa-wese lɛŋ.

¹¹O bezaŋ Gad ɔɔ tan ŋmaa in o bezaŋ Rubɛn sɛn nú Basaŋ hɔ Salka.

¹²Kuti nú-gara nɛ́ ko Jɔɛl, yiitoo-aa nɛ́ ko Safam, sɛka ko Yaɛnai in ko Safa.

¹³O ŋma nú-gara nɛ̀ ɗoŋ nya-wa nɛ́ ko Mikaɛl, Mɛsulam, Seba, Yɔrai, Yakaŋ, Zia in Ebɛr; wa lɛŋ mɔɔrɔ-ɗoŋ-yiitoo.

¹⁴Kuti zɔmdáa nɛ̀ koo o bem nɛ̀ o nú-gara nɔ‘i gboo sɛnɛ nɛ́ Bihail; a̧ nɛ́ sɔŋkur bezaŋ Buz nɛ̀ koo Yaro; Yaro koo Yesisai, Yesisai koo Mikaɛl, Mikaɛl koo Galad, Galad koo Yatɔa, Yatɔa koo Huri, ɓɛɛ Huri ko Abihaɛl.

¹⁵Ahi bem ko Abdiɛl, be-koo Guni nɛ́ gasawi nutua kɔ-wa.

¹⁶Wa duka ɔ nú Galad in sɛn nú Basaŋ in tɛ o be ye nɛ̀ a̧a̧ ká̧ fara'i, hɔ nɛnɛ Sarɔŋ fara-nyɔŋ-mɔ ko o mɔ-dai nɛ̀ oi-aa lɛŋ.

¹⁷Wa yɔra nin-wa lɛŋ tɛ ŋgimbi wan ko Yɔtam wannu Juda in ko Jeroboam wannu Israɛl.

¹⁸O bezaŋ Rubɛn, o bezaŋ Gad in reeta zuduk ko Manase yaa so nɛ́ o ŋga wi-ba-ŋgee, o wi-hɛr-gba-paa in o wi-pi̧-góò nɛ̀ yamba bíí biro. O bíí kɔ-wa nɛ̀ nyɛma mɛ nɛ̀ biro nɛ́ booro-ɓu-naar-zua-naar-nɛ-gɔmŋmaa-mɔɔrɔ-ɗoŋ-yiitoo-zua-ɓu-mɔɔrɔ-ɗoŋ-kpɔk.

¹⁹Wa bìì o be Hagri in bezaŋ Yatur, Nafis in Nɔdab.

²⁰Sɔ̧ gbaka wa, ɓɛɛ wa bi o be Hagri. A̧ aa o be Hagri er wa in o wi nɛ̀ yee so ɗoŋ wa. A̧ zia aia-nú kɔ-wa tɛ ŋgimbi biro'i wen wa e so ta nɛ̀ a̧.

²¹Wa kaia o mɔ-dai ko o wi nɔ‘i: duka nɛ́ ŋgeloba booro-ɓu-mɔɔrɔ, o geɗek mɔ-dai booro-gɔmŋmaa-yiitoo-nɛ-booro-ɓu-mɔɔrɔ, o tuifuu booro-yiitoo, in o bíí booro-gɔmŋmaa mbɛt.

²²O bíí kuma nɛ̀ dɔka-a wen duka so nɛ̀ biro ko Sɔ̧. O bezaŋ Rubɛn in Gad bá nɛ̀ reeta zuduk ko Manase baa fara oi o wi nɔ‘i hɔ ŋgimbi nɛ̀ wa kaia wa nɛ̀ bara yaknɛ.

²³O reeta bezaŋ zuduk ko Manase ɔɔ kɔ‘i ku̧u̧naŋ-a nɛ̀ Basaŋ nɛ̀ ɗɔɔ hɔ nɛnɛ Bal-Hɛrmɔŋ, Sɛnir in kaya Hɛrmɔŋ nɛ̀ ŋgɔn. Wa dɔka so nyɛmna.

²⁴O gasawi nutua kɔ-wa nɛ́ mɔɔ nɔ'ɔ: Efɛr, Yisɛi, Eliɛl, Azriɛl, Yirmɛya, Hɔdavia in Yadiɛl. Wa duka so nɛ́ o ŋgaŋa-wi nɛ̀ nin-wa ɔ hura nyɛmna.

²⁵O bezaŋ Rubɛn, Gad, in reeta zuduk ko Manase dee so ŋgazu in Sɔ̧ ko o dáà kɔ-wa, ɓɛɛ wa gasi o sɔ̧ ko o bíí tɛ nù nɛ̀ Sɔ̧ ɗaŋa so nɛ̀ yí-wa.

²⁶Hegɔ, Sɔ̧ dee ha̧ o wannu Asirii, Pul in Tilgat-Pilnɛzɛr mɛ kur zu wa, ɓɛɛ kai wa nɛ̀ bara yaknɛ si Hala, Habɔr, in Hara in si ká̧ nana-yí Gozaŋ hɔ sɔsɔɔ.

²⁷O bem ko Levii nɛ́ Gɛrsɔŋ, Kehat in Mɛrari.

²⁸O bem ko Kehat nɛ́ Amram, Yisɛhar, Hebrɔŋ in Uziɛl.

²⁹O bem ko Amram nɛ́ Arɔŋ, Moisɛ in Miriam. O bem ko Arɔŋ nɛ́ Nadab, Abihu, Eleazar in Itamar.

³⁰Eleazar koo Pinas, Pinas koo Abisua,

³¹Abisua koo Buki, Buki koo Uzi,

³²Uzi koo Zɛraya, Zɛraya koo Mɛrayot;

³³Mɛrayot koo Amaria, Amaria koo Ahitub;

³⁴Ahitub koo Sadɔk, Sadɔk koo Ahimas,

³⁵Ahimas koo Azaria, Azaria koo Yohanaŋ;

³⁶ɓɛɛ Yohanaŋ ko Azaria. Nɛ́ Azaria’ɛ a̧ duka wi-ɗafi-sɔ̧ sɛn kɔ̧ Tua ko Sɔ̧ nɛ̀ Salomɔŋ dee so sɛn Jerusalɛm.

³⁷Azaria koo Amaria, Amaria koo Ahitub;

³⁸Ahitub koo Sadɔk, Sadɔk koo Salum;

³⁹Salum koo Hilkia, Hilkia koo Azaria;

⁴⁰Azaria koo Sɛraya, ɓɛɛ Sɛraya ko Yɛhɔsadak.

⁴¹Ŋgimbi nɛ̀ GASA WAN dee nɛnɛ ha̧ Nabukɔdɔnɔsɔr mɛ kai o bíí Jerusalɛm in o be Juda nɛ̀ bara-biro yaknɛ, Yɛhɔsadak duka so mgbara wa mbɛt.