Read Northwest Gbaya 1 KALATA NYƐRƐ 7 Bible Online

1 KALATA NYƐRƐ 7 - Northwest Gbaya bible

1 KALATA NYƐRƐ 7

¹O bem ko Isakar nɛ́ Tola, Pua, Yasub in Simrɔŋ; wa lɛŋ naar.

²O bem ko Tola nɛ́ Uzi, Rɛfaya, Yɛriɛl, Yamai, Yibsam in Sɛmuɛl nɛ̀ yaa so nɛ́ o gasawi nutua ko Tola; wa so nɛ́ o ŋga-wi, ɓɛɛ dɔka o bezaŋ-wa tɛ ŋgimbi-wan ko David nɛ́ booro-ɓu-yiitoo-zua-yiitoo-nɛ-gɔmŋmaa-mɔɔrɔ-ɗoŋ-kpɔk.

³Bem ko Uzi nɛ́ Yisrahia, ɓɛɛ Yisrahia ko Mikaɛl, Obadia, Jɔɛl in Isia. Wa mɔɔrɔ‘i lɛŋ nɛ́ o gasawi nutua.

⁴Nutua kɔ-wa kpɔk kpɔk nyɛm nɛ̀ ɗoŋ o bezaŋ-wa a̧a̧ so nɛ̀ o gíí wi-biro tɛ booro-ɓu-taar-zua-mɔɔrɔ-ɗoŋ-kpɔk, ɓɛɛ o okoo in o obem a̧a̧ so sɛnɛ nyɛmna mbɛt.

⁵Tɛ nú-gara ko Isakar lɛŋ, dɔka o ŋga-wi nɛ̀ wa tɔra nɛ́ booro-ɓu-mɔɔrɔ-ɗoŋ-taar-zua-mɔɔrɔ-ɗoŋ-yiitoo.

⁶O bem ko Bɛnjamin nɛ́ Bɛla, Bɛkɛr in Yɛdiaɛl; wa taar.

⁷O bem ko Bɛla nɛ́ Ɛsbɔŋ, Uzi, Uziɛl, Yɛrimɔt in Iri; wa mɔɔrɔ‘i nɛ́ o gasawi nutua nɛ̀ duka so nɛ́ o ŋga-wi, ɓɛɛ o bezaŋ-wa nɛ̀ wa tɔra lɛŋ nɛ́ booro-ɓu-yiitoo-zua-yiitoo-nɛ-ɓu-taar-zua-naar.

⁸O bem ko Bɛkɛr nɛ́ Zɛmira, Yoas, Eliɛzɛr, Ɛlyɔnai, Ɔmri, Yɛrɛmɔt, Abia, Anatot ká bá nɛ̀ Alɛmɛt. O bem ko Bɛkɛr lɛŋ nɛ́ mɔ‘i,

⁹ɓɛɛ dɔka o bezaŋ gasawi nutua nɔ‘i nɛ̀ wa tɔra nɛ́ booro-ɓu-yiitoo-nɛ-gɔmŋmaa-yiitoo.

¹⁰Bem ko Yɛdiaɛl nɛ́ Bilaŋ; o bem ko Bilaŋ nɛ́ Yɛus, Bɛnjamin, Ehud, Kɛnana, Zɛtaŋ, Tarsis in Ahisahar.

¹¹O bem ko Yɛdiaɛl nɔ‘i lɛŋ nɛ́ o gasawi nutua; o ŋga-wi kɔ-wa nɛ̀ iŋa biro nɛ́ booro-ɓu-zua-mɔɔrɔ-ɗoŋ-yiitoo.

¹²O bem ko Ir nɛ́ Supim in Hupim; bem ko Ahɛr nɛ́ Husim.

¹³O bem ko Nɛftalii nɛ́ Yasiɛl, Guni, Yɛsɛr in Salum. Wa so nɛ́ be-koo Bilha.

¹⁴O bem ko Manase nɛ̀ zɔŋa-kóò kɔ̧-a̧, boko be Aram, koa nɛ́ Asriɛl in Makir dáà ko Galad.

¹⁵Makir baa kóò ha̧ Hupim in Supim; nin boko-nya-a̧ so nɛ́ Maka. Nin hɔ-ɗoŋ kaya-bem ko Makir nɛ́ Sɛlɔfɛhad; Sɛlɔfɛhad koo so kɔ‘i nɛ́ o be-okoo ɓɛɛ.

¹⁶Maka kóò kó Makir koo o ŋma bem nɛ̀ nin-wa so nɛ́ Pɛrɛs in Sɛrɛs. Sɛrɛs koo Ulam in Rɛkɛm,

¹⁷ɓɛɛ Ulam ko Bedaŋ. O bem ko Galad, bem ko Makir, be-koo Manase nɛ́ mɔɔ nɔ‘i.

¹⁸Mɔlɛkɛt boko-nya Galad koo Isɛhod, Abiɛzɛr in Mala.

¹⁹O bem ko Sɛmida so nɛ́ Ahiaŋ, Sɛkɛm, Liki in Aniam.

²⁰O bezaŋ Efraim nɛ́ mɔɔ nɔ'ɔ: Sutɛla koo Bɛrɛd, Bɛrɛd koo Tahat, Tahat koo Eleada, Eleada koo Tahat,

²¹Tahat koo Zabad, ɓɛɛ Zabad ko Sutɛla. O ŋma bem ko Efraim, Ɛzɛr in Elɛad zira so wen ɓara o mɔ-dai tɛ nù ko o bíí Gat, ɓɛɛ o wi nɔ‘i gbɛ wa.

²²Dáà kɔ-wa Efraim zima fio ɗoŋ-aa nyɛi̧, ɓɛɛ o bíí kɔ̧-a̧ tɛ́ɛ̀ ha̧ ga̧a̧-see ha̧ a̧.

²³Nɛ̀ ɗoŋ, Efraim duka in kóò kɔ‘i, ɓɛɛ kóò‘i ba zaŋ, kó nɛ̀ ŋma bem n'aa saa nin-a nɛ́ Bɛria,[5] wen kóò‘i duka so katɛ a̧ ŋgimbi bɔnɛ kɔ̧-a̧.

²⁴Efraim koo so ŋma boko-bem nɛ̀ nin-a so'e Sɛra; nɛ́ boko-bem’ɛi a̧ dee ye Bɛt-Hɔrɔŋ mɛ ŋgɔn in Bɛt-Hɔrɔŋ mɛ ɗɔɔ bá nɛ̀ Uzɛn-Sɛra.

²⁵O bezaŋ Bɛria nɛ́ mɔɔ nɔ'ɔ: Rɛfa koo Rɛsɛf, Rɛsɛf koo Tɛla, Tɛla koo Tahaŋ,

²⁶Tahaŋ koo Ladaŋ, Ladaŋ koo Amihud, Amihud koo Elisama,

²⁷Elisama koo Nun, Nun koo Josue.

²⁸O nù kɔ-wa in o fara-duk kɔ-wa so nɛ́ Bɛtɛl in o be ye nɛ̀ zíí nɛ̀ a̧. Ye Naraŋ nɛ̀ war daŋa-wese, in Gezɛr nɛ̀ war yee-wese gú nɛ̀ o be ye nɛ̀ zíí nɛ̀ a̧, bá nɛ̀ Sikɛm in o be ye nɛ̀ zíí nɛ̀ a̧ hɔ Aia gú nɛ̀ o be ye nɛ̀ zíí nɛ̀ a̧ mbɛt so nɛ́ kɔ-wa.

²⁹War ko o bezaŋ Manase nɛ́ Bɛt-Seaŋ, Tanak, Mɛgido, in Dɔr gú nɛ̀ o be ye nɛ̀ zíí nɛ̀ wa. Mɛ̀ nɛ́ sɛn tɛ o ye nɔ‘i a̧ o bezaŋ Jozɛf, bem ko Israɛl ɔɔ so sɛnɛ.

³⁰O bem ko Asɛr nɛ́ Yimna, Yiswa, Yiswi, Bɛria, in boko-nya-wa Sɛra.

³¹O bem ko Bɛria nɛ́ Hɛbɛr in Malkiɛl nɛ̀ duka nɛ́ dáà ko Birzait.

³²Hɛbɛr koo Yaflɛt, Sɔmɛr, Hɔtam in boko-nya-wa Sua.

³³O bem ko Yɛflɛt nɛ́ Pasak, Bimal in Aswat. O bem ko Yaflɛt nɛ́ mɔɔ nɔ‘i.

³⁴O bem ko Sɛmɛr nɛ́ Ahi,[6] Rɔga, Yɛhuba in Aram.

³⁵O bem ko Hɛlɛm[7] nya Sɔmɛr nɛ́ Sɔfa, Yimna, Sɛlɛs in Amal.

³⁶O bem ko Sɔfa nɛ́ Sua, Harnɛfɛr, Sual, Bɛri, Yimra,

³⁷Bɛsɛr, Hɔd, Sama, Silsa, Yitraŋ in Bɛra.

³⁸O bem ko Yɛtɛr nɛ́ Yefunɛ, Pispa in Ara.

³⁹O bem ko Ula nɛ́ Ara, Haniɛl in Risia.

⁴⁰O wi nɔ‘i lɛŋ yaa so nɛ́ o bezaŋ Asɛr, o gasawi nutua, o ŋgaŋa wi-biro, o gasawi ko o be-wan, ɓɛɛ o bezaŋ-wa nɛ̀ wa tɔra lɛŋ mgbara o gii wi-biro nɛ́ booro-ɓu-yiitoo-zua-mɔɔrɔ-ɗoŋ-kpɔk.