Read Northwest Gbaya TOBIT 9 Bible Online

TOBIT 9 - Northwest Gbaya bible

TOBIT 9

¹Tobia saa Rafaɛl, ɓɛɛ tɔ̧ ha̧ a̧:

²«Azaria, de sɛm kɔ‘m, mɛ nɛ in widetom náár, á̧ mɛ ba ŋgeloba yiitoo, mɛ yak sɛn Raguɛs tɛ ko Gabaɛl, mɛ ha̧ mɔɔ-sedaako-mbɔi ha̧ a̧, mɛ bá mbɔi hi̧i̧ er-a, ɓɛɛ mɛ pii ɗoŋ in Gabaɛl wen gbaŋa-baaŋmaa.

³Mɛ iŋa nɛ dea'e dáà kɔ‘m tɔr nɛ zɛ wen piaa kɔ‘m wese lɛŋ. Ka'm ɓɔn zɛ kpɔk, tɛ ha̧ ɗaŋsee ha̧ a̧ nyɛmna. Mɛ iŋa mbɛt Raguɛl kanamɔ‘e wi nyɛm mɛ e'm mɛ yak na: mi nyɛm mɛ yak zu ha̧a̧nú kɔ̧-a̧ na. »

⁵Rafaɛl yaka in o widetom náár in ŋgeloba yiitoo sɛn Raguɛs, nú Mɛdii, wa ɔɔ tɛ ko Gabaɛl. Rafaɛl ha̧mɔɔ-sedaako-mbɔi ha̧ Gabaɛl. A̧ tɔ̧ɔ̧ wen baakóò ko Tobia, bem ko Tobit, ha̧ a̧, ɓɛɛ a̧ tɔ̧ tom sara wen gbaŋa-baakóò ha̧ a̧ mbɛt. Beebee mɔ‘i, Gabaɛl tɔra o ŋgoɓo-sede n'a̧a̧ ee so nɛ hɛraa, nɛ oi tumbal, ɓɛɛ kai wa a sɛn zu o ŋgeloba.

⁶Ɓɛɛ wa kai ŋmaa, mɛ gɔna ndaazan, nɛ si fara gbaŋa-baakóò. Wa yee tɛ kɔ Raguɛl, ɓɛɛ wa kpaa Tobia ka̧ nyɔŋmɔ. Tobia kura nɛ ŋgai mɛ fan Gabaɛl; Gabaɛl ŋmaa nú tɛ kɔ̧ɔ̧, ɓɛɛ tok nɛ de yoŋgo a zu a̧‘e: «Mɛ, de bem ko dewi, widemɔ nɛ yuwar-a in yaa-de-ko. Gasa Wan a̧ tok de yoŋgo nɛ yiwese pii sɛn zu mɛ in kóò ko-mɛ, pii sɛn zu dáà in nàà ko kóò kɔ-mɛ. Osoko ha̧ Sɔ̧ nɛ dee ha̧‘m mɛ zɔk nya'm Tobia, nɛ hɔɔ ŋmaa in dáà kɔ̧-a̧ nyɛmna.»