Read Northwest Gbaya GIMA 11 Bible Online

GIMA 11 - Northwest Gbaya bible

GIMA 11

¹Gima ko David ha̧ wan-duk-zu-gima. GASA WAN nɛ́ fara-hu̧si-tɛ‘m. Wen ge s’ɛnɛ tɔ̧‘e, a̧‘m yu mɔ yak hee nɔ̧́i̧ ga si zu kaya mɛ, ge?

²Ɛnɛ‘e à̧‘m zɔ́k o wi-ɗaŋ nɛ́ mɔ'ɔ nɛ̀ ŋgasi ti tum mɛ zɛk-zɛk nɛ̀ góò mɛ pi̧ nɛ̀ o wi-de-mɔ nɛ yuwar-a wó‘i,

³ɓɛɛ ɛnɛ tɛɛ tɔ̧ woyo ndé, kà naŋ tua nɛ́ gbina, ɓɛɛ wi-de-mɔ nɛ yuwar-a tɛ de nɛ̀ tɛ hee ge nde wó‘i, gba̧a̧ wen'i bɔɔ hee ge?

⁴GASA WAN a̧a̧ kɔ̧ sa̧a̧ tua kɔ‘i; damti kɔ̧-a̧ a̧a̧ yiwese mɛ. Yí-a kɛ̧i̧ nɛ mɔ pii mbɔɗɔnu zu o bezaŋ Adam.

⁵Yí GASA WAN a̧a̧ zu wi-de-mɔ nɛ yuwar-a in wi-ɗaŋ mbɛt; a̧ sɛna wi-ɗaŋ pi̧ er tɛ wee.

⁶A̧ tɛ gbai kɛ̧i̧-wee nɛ oi baraadu a zu o wi-ɗaŋ, ɓɛɛ ŋga wee gba-búk tɛ duk nɛ́ mɔɔ-nɔ kɔ-wa.

⁷GASA WAN nɛ́ wi-de-mɔ nɛ yuwar-a; a̧ kɔ̧ɔ̧ nɛ́ deemɔ nɛ̀ yuwar-a, ɓɛɛ wi-de-mɔ nɛ̀ yuwar-a tɛ zɔk sɔnti-a.