Read Northwest Gbaya GIMA 110 Bible Online

GIMA 110 - Northwest Gbaya bible

GIMA 110

¹Gima ko David. GASA WAN tɔ̧ɔ̧ ha̧ wan kɔ‘m; «Mɛ̀ dúk nɛ̀ war wii-er-am, ɓɛɛ mi tɛ de ha̧ mɛ mɛ kpa ŋgai zu o wisɛn kɔ-mɛ.»

²GASA WAN tɛ de ha̧ mɛ mɛ kpa ŋgai tɛ dɔ́rá-wan n'aa ha̧a̧ mɛ sɛn Siɔŋ wen ha̧ mɛ mɛ ɔ wan zu o wisɛn kɔ-mɛ lɛŋ.

³Wese nɛ̀ mɛ mɔi̧ o wi-biro kɔ-mɛ wen biro ɓɛɛ dukbíí kɔ-mɛ nɛɛ ɗoŋ mɛ; o be-ŋgaiwi mbɛt tɛ̀ɛ̀ píí tɛ-mɛ nɛ̀ gasa sa̧a̧mɔ hee dɔmbɔrɔ mɛ́ gɔna-ndaa-zan ga.[28]

⁴GASA WAN kana mɔ; a̧ beka kpai nú sɛnɛ na tɔ̧ nɛnɛ‘e: «Mɛ tɛ duk nɛ́ wi-ɗafi-sɔ̧ ɓɔnsɛnɛ hee Mɛlkisedɛk ga.»

⁵GASA WAN a̧a̧ nɛ̀ war wii-er-mɛ; wese nyimsea kɔ̧-a̧, a̧ tɛ mbɔli o wannu;

⁶wese n'aa tɛ gɔn kita zu o tugun bíí, o wɔr tɛ ya ŋgoɗoso; a̧ tɛ mbaŋ gɔɔ-zu bíí zaŋnu.

⁷A̧ gai yì a kɔ̧ nú-a nɛ̀ ŋgɔn nɛ̀ ŋgɔn yak nɛnɛ; nɛ́ mɔ‘i sa a̧ kpa ŋgai mɛ gbin biro.