Read Northwest Gbaya GIMA 112 Bible Online

GIMA 112 - Northwest Gbaya bible

GIMA 112

¹Aleluya! Wi-yu-kíí GASA WAN dúk kɔ‘i nɛ̀ desee! Nɛ́ wi’ɛi a̧ kpa desee tɛ kasa geŋa ko Sɔ̧.

²Pɛ́r-nam kɔ̧-a̧ tɛ kpa ŋgai zu nù nɛ̀ wa duk sɛnɛ, ɓɛɛ o bezaŋ wi-de-mɔ nɛ yuwar-a tɛ kpa toka-de-yoŋgo.

³A̧ tɛ kpa demɔ, ɓɛɛ mbɔi tɛ dun tua kɔ̧-a̧; deemɔ kɔ̧-a̧ nɛ yuwar-a tɛ duk kpoo nɛ kpoo.

⁴A̧ nyɛk nɛ̀ ti tum si zu o wi nɛ̀ see ɔ tana; a̧ nɛ́ wi-iŋ-mgbara-mɔ, a̧ de ko nyɛmna, a̧ ɔ tana mbɛt.

⁵Ɓan na de-wi dee ko, gbak nɛ̀ bíí kaɗi; a̧ de mɔ kɔ̧-a̧ sɛn tɛ tanamɔ.

⁶Wi-de-mɔ nɛ yuwar-a tɛ yor mitak, tɛ bíí bí ɗoŋ-aa na kpoo nɛ kpoo.

⁷Tɛ-a nak tɛ zia ɗaŋ nyɛrɛ bɔnɛ nɛ̀ tɛ hɔ na, wen a̧ nɛ́ wi-kpee-see, a̧ e ta nɛ̀ GASA WAN.

⁸A̧ nɛ́ wi-nɔɔ-see, a̧ de kíì na, a̧ tɛ mam o wisɛn kɔ̧-a̧ nɛ̀ sɔŋkur-aa.

⁹A̧ nɛ́ wi-ha̧-mɔ ha̧ o wisan ɓɔnsɛnɛ; deemɔ nɛ yuwar-a kɔ̧-a̧ tɛ duk kpoo nɛ kpoo; a̧ tɛ duk tɛ-a bá nɛ̀ sɔnti-a nɛ̀ ŋgɔn.

¹⁰O wi-ɗaŋ zɔk kɔ‘i a̧ suɓi nɛ̀ nú, see nyim nɛnɛ ba nɛ̀ tɛ sɔɔ géè; wa tɛ ɔ̧k kɔ́ŋgɔ́ɗi fe nɛ̀ oi aa-see-mɔ kɔ-wa.