Read Northwest Gbaya GIMA 12 Bible Online

GIMA 12 - Northwest Gbaya bible

GIMA 12

¹Gima ko David ha̧ wan-duk-zu-gima; gima nɛ̀ kunde nɛ̀ nyak-aa mɔɔrɔ-ɗoŋ-taar.

²Ɛ̀nɛ̀ kpásí yɛ, GASA WAN! O wi-mbo-zu h’ɛ́nɛ́ bo ɓɔna; kpasawen bo mgbara bíí ɓɔna.

³Bíí lɛŋ nɛ́ wi-ndela ɗulugbuk a zu ŋmaa; wen kɔ-wa kànà nɛ́ ndàrá-nú géè ɓɛɛ; wa nɛ́ o wi nɛ̀ a̧a̧ nɛ see yiitoo.

⁴GASA WAN a̧ ɓir ndàrá-nú-tɔ̧ ɗaŋ wen nɔ‘i pi̧ nù; a̧ a̧ ŋman leɓe-tɔ̧-wen ŋmaŋ-tɛ nɔ‘i yinɛ mbɛt.

⁵Tɔ̧ɔ̧-wen ko o wi-duk-tɛ nɛ̀ leɓe ndé, ŋgai kɔ‘i nɛ́ leɓe, ndàrá-nú nɛ́ mɔ kɔ‘i, o'o tɛ gan wi o?

⁶Sa GASA WAN tɔ̧ ndé: o wisan nɛ́ mɔ'ɔ nɛ̀ wa kai nɛ́ mɔ er wa’ɛ; o wi-mɔka-see nɛ́ mɔ'ɔ nɛ̀ ai nɛ̀ nú'ɛ; kinii mi tɛ kur mɛ ye ɗoŋ wa. Mi tɛ kpasi o wi nɛ̀ kii mɛ kpasi.

⁷Wen ko GASA WAN nɛ́ wen nɛ̀ ɔ sa̧a̧ nyɛmna; wen kɔ̧-a̧ hɔɔ ŋmaa in bu-mbɔi nɛ‘i nɔi̧a war mɔɔrɔ-ɗoŋ-yiitoo ha̧ ndiŋ mɛ yu sɛnɛ.

⁸GASA WAN, nɛ́ ɛnɛ'ɛ pɛm yɛ nɛnɛ ɓɔnsɛnɛ wen ká deemɔ ko o ɗaŋ tugun bíí nɔ‘i tɛɛ ndaɗi yɛ.

⁹O wi-ɗaŋ yar kpamdal dam fara lɛŋ; ɓɛɛ o bíí zaŋnu ndak nɛ ɗoŋ ɗaŋ taamɔ kɔ-wa'i.