Read Northwest Gbaya GIMA 120 Bible Online

GIMA 120 - Northwest Gbaya bible

GIMA 120

¹Gima daŋa-a si kɔ̧ tua ko Sɔ̧. Ŋgimbi dita-see kɔ‘m mi saa mɔ sitɛ GASA WAN, ɓɛɛ a̧ kifi nú ha̧‘m.

²GASA WAN, ɛ̀nɛ̀ kpás'am tɛ ndiŋ wen nɛ̀ o bíí tɔ̧ zu'm, ɛ̀nɛ̀ kpás'am tɛ ndela nɛ̀ wa tɔ̧ zik nɛ‘m’ɛ.

³Nɛ́ ge a̧ Sɔ̧ tɛ ha̧ mɛ oi tɔ̧ɔ̧ ndiŋ wen ndela kɔ-mɛ'ɛ ge?

⁴A̧ tɛ kifi er ha̧ mɛ nɛ̀ tɔ̧́ɔ̧́-nú-góò-biro in yoŋgoŋgo wee.

⁵Duka-a mgbara o wi-ndela nɔ'ɔ ɗaŋa gan ɔɔ ye in o be Mɛsɛk,[29] kóó ɔa-a mgbara o be Kedar.

⁶Mi duka mgbara o wi-sɛn-ga̧a̧mɔ ɗoŋ-aa nyɛi̧.

⁷Kɔ‘m nɛ́ ga̧a̧mɔ a̧‘m kɔ̧a̧; kà‘m tɔ̧́ wen ga̧a̧mɔ ha̧ wa, ɓɛɛ kɔ-wa nɛ́ biro in am.