Read Northwest Gbaya GIMA 122 Bible Online

GIMA 122 - Northwest Gbaya bible

GIMA 122

¹Gima ko David, gima daŋa-a si kɔ̧ tua ko Sɔ̧. Mi kpaa desee nyɛmna ŋgimbi nɛ wa tɔ̧ɔ̧ so ndé: «Ɛ̀ɛ̀ nɛ́ kɔ̧ tua ko Sɔ̧.»

²Ɛ́ɛ́ hɔɔ kaɗi, Jerusalɛm, ɛ́ɛ́ nɛ́ mɔ'ɔ n’ɛɛ yor nú garo kɔ-mɛ'ɛ.

³Wa mboo Jerusalɛm nɛ̀ de-a ɓɛɛ garo zik ye kpa nú ŋmaa nɛ̀ de-a mbɛt.

⁴O zuduk bíí lɛŋ gar si hi̧i̧; o zuduk bíí nɔ‘i nɛ́ zuduk bíí ko GASA WAN. Wa gar nɛnɛ mɛ bìì gima nɛ̀ nin GASA WAN nyɛm nɛ̀ ɗoŋ heembea sɛn Israɛl,

⁵wen damti-gɔn-kita a̧a̧ hi̧i̧ in damti ko David mbɛt.

⁶Ɛ̀nɛ̀ kɔ́fí ga̧a̧mɔ wen Jerusalɛm ha̧ o bíí ye'i mɛ ya tɛ ga̧a̧mɔ,

⁷ha̧ ga̧a̧mɔ mɛ duk zu garo in zu o ŋga tua ye'i mbɛt.

⁸O nya'm in o sɛm kɔ‘m dee ye hi̧i̧; nɛ́ mɔ‘i sa'm tɔ̧ ndé, Jerusalɛm a̧ dúk tɛ ga̧a̧mɔ.

⁹Tua ko GASA WAN, Sɔ̧ k’ɛɛ, a̧a̧ hi̧i̧ mbɛt; nɛ́ mɔ‘i sa'm ak mɔ ha̧ ye'i mɛ duk tɛ bɔtɛ.