Read Northwest Gbaya GIMA 125 Bible Online

GIMA 125 - Northwest Gbaya bible

GIMA 125

¹Gima daŋa-a si kɔ̧ tua ko Sɔ̧. Wi nɛ̀ e ta nɛ̀ GASA WAN hɔɔ ŋmaa in Kaya Siɔŋ nɛ̀ fo mɔ na duk nɛ̀ kɔ‘i kpoo nɛ kpoo.

²O kaya zika Jerusalɛm e see-a; nɛ́ hegɔ a̧ GASA WAN zik nɛ̀ dukbíí kɔ‘i duk nɛnɛ ɓɔnsɛnɛ.

³Ɗaŋ wannu beka ɔ wan zu o wi-de-mɔ nɛ yuwar-a na, wen ká wa tɛɛ yuɓuri tɛ-wa nɛ̀ ɗaŋmɔ ɗak-ɗuk.

⁴GASA WAN, ɛ̀nɛ̀ dé demɔ ha̧ o wi nɛ̀ de demɔ in o wi nɛ̀ ndak pata deemɔ nɛ̀ tana-a ɓɔnsɛnɛ.

⁵GASA WAN a̧ ír o wi-de-gɔɔmɔ in o wi-mbo-zu-na á zan lɛŋ in o wi-de-mɔ de na. Ga̧a̧mɔ a̧ dúk zu Israɛl!