Read Northwest Gbaya GIMA 127 Bible Online

GIMA 127 - Northwest Gbaya bible

GIMA 127

¹Gima ko Salomɔŋ; gima daŋa-a si kɔ̧ tua kɔ Sɔ̧. GASA WAN nɛ́ mboo tua na, o wi-de-tom-tua de nɛ tom ba nɛ̀ tɛ-wa géè; GASA WAN nɛ́ pɛma ye na, o wi-pɛm-mɔ pɔkɔsi nɛ tɛ pɛm nɛ̀ mɔ géè.

²Ŋma gba̧a̧ mɔ bo tɛ gboo tom-tuyɛ k’ɛ́nɛ́ de nɛ̀ tom hegɔɔ hɔ nɛnɛ ɗuka zɛ, nyɔŋ nɛ̀ mɔ tɛ sɔbɛɛ k’ɛ́nɛ́ na, wen war ko o bíí nɛ̀ GASA WAN kɔ̧a̧, kóó ŋgimbi nɛ̀ wa a̧a̧ tɛ ɔɔ ya nɛ̀ desee mbɛt, a̧ a̧ ha̧ kànà demɔ ha̧ wa'i.

³Bem nɛ̀‘i ko nɛ́ ha̧a̧mɔ ko GASA WAN; bezaŋ-wi nɛ̀ mɔɔ-oi nɛ̀ Sɔ̧ ha̧a̧.

⁴Kóó bem nɛ̀ gbɛ̧-naŋ hɔɔ ŋmaa in góò ko wi-biro.

⁵Wi nɛ ɓaro-góò kɔ̧-a̧ duna hee mɔ‘i ga duk nɛ̀ desee; kà bíí kíí wen in a̧ ti o wi-ɓa-wen, a̧ beka zik ɗoŋ-aa e ha̧ wa na.