Read Northwest Gbaya GIMA 129 Bible Online

GIMA 129 - Northwest Gbaya bible

GIMA 129

¹Gima daŋa-a si kɔ̧ tua ko Sɔ̧. Israɛl, mɛ̀ tɔ̧́ ndaa nukura mɛ nɛ̀ wa nukuri’ɛ, ɛ̀ɛ̀ zii! Wa nukura'm nɛ̀ tɛ daŋa-ŋgaiwi kɔ‘m mɛ tɛnɛ,

²wa nukura'm batɛ, ɓɛɛ wa gan am na.

³Wa wɔŋga'm, ɓɛɛ tɛ‘m wai wɔsɔkɔɗɔ hee ŋma mbùkù-nyɔnɔ a̧ ŋma bíí gbɛra rɔtɛ-rɔtɛ ga.

⁴GASA WAN, yaa-de-mɔ nɛ̀ yuwar-a gbina kpáŋá ko o wi-ɗaŋ ger-am yinɛ.

⁵O wi-sɛn Siɔŋ a̧ yúkútí ŋmaa, wa a̧ pɛ́sí yak sót-sót!

⁶Wa a̧ dúk hee o be zɔ̧ nɛ̀ hɔ zu tua ɓɛɛ ká búk-bɛɛ gbɛ̧ɛ̧ mgbaoo’ɛ ga!

⁷O wi-pɔi-zɔ̧ nyɛm mɛ ɓur wa dun er kà sik nɛ̀ wa na.

⁸O wi nɛ̀ ɓir yak beka tɔ̧‘e, Sɔ̧ a̧ tók de yoŋgo zu wa, na. Israɛl, ɛɛ tɛ tok de yoŋgo ha̧ mɛ nɛ̀ nin GASA WAN.