Read Northwest Gbaya GIMA 13 Bible Online

GIMA 13 - Northwest Gbaya bible

GIMA 13

¹Gima ko David ha̧ wan-duk-zu-gima.

²GASA WAN, tɛ‘nɛ́ tɛ bi ɗoŋ am hɔ ge ŋgimbi ge, kànà hegɔ yaknɛ sɔ̧ɔ̧i̧ nde? Ɛnɛ tɛ hu̧si sɔnti'nɛ́ nɛ̀‘m hɔ ge ŋgimbi ge?

³Ɗaŋsee kɔ‘m nɛ̀ dɔk dɔk siti’ɛ tɛ kaɗi mɛ gese ge? Mi tɛ duk kànà nɛ́ duka-a nɛ̀ dita-see mɛ tutuyɛ hegɔ zɛ de nɛnɛ ɓɔnsɛnɛ nde? Wisɛn kɔ‘m tɛ gan zu'm hɔ ge ŋgimbi ge?

⁴GASA WAN, Sɔ̧ kɔ‘m, ɛ̀nɛ̀ zɔ́k mgbara mɔ‘i ha̧‘m, ɓɛɛ ɛ̀nɛ̀ kífí nú ha̧‘m na nde? Ɛ̀nɛ̀ hú̧í̧ yí‘m ha̧‘m mɛ zɔk mɔ nɛ sa̧a̧-a̧ ká‘m tɛ́ɛ̀ ɔ ya-fio,

⁵wen ká wisɛn kɔ‘m tɛ́ɛ̀ tɔ̧ kɔ‘i nde, wi gana'm kaɗi, wen ká o wi-kur-zu'm tɛ́ɛ̀ ya nɛ̀ tortɛ wen tika-a kɔ‘m.

⁶Ɓɛɛ kɔ‘m mɛ tɛ‘m'i, mi e ta nɛ̀ dee demɔ k’ɛ́nɛ́, GASA WAN; mi tɛ de nyɛŋɛ wen n’ɛ̀nɛ́ kpasa'm, ɓɛɛ mi tɛ bìì gima ha̧ GASA WAN wen demɔ n'aa dee in am!