Read Northwest Gbaya GIMA 146 Bible Online

GIMA 146 - Northwest Gbaya bible

GIMA 146

¹Aleluya! Sɔ̧-tɛ‘m a̧ zɔ́n GASA WAN!

²Mi kɔ̧ɔ̧ mɛ zɔn GASA WAN ŋgimbi n'am biti duk kpasa; mi tɛ bìì gima ha̧ Sɔ̧ kɔ‘m ŋgimbi n'am biti nɛ yi.

³K’ɛ́nɛ́ e ta nɛ̀ o be-wan kà bó nɛ̀ o bíí zaŋnu na wen wa bo nɛ̀ ŋgai mɛ kpasi bíí na.

⁴Kà ɔmi yak tɛ-wa kaɗi, ɓɛɛ wa sii ɗoŋ tɛ fuunu; nɛ́ kpɔk ŋgimbi'i a̧ taamɔ kɔ-wa fe nɛnɛ mbɛt.

⁵Wi nɛ̀ Sɔ̧ ko Jakob gbak duk kɔ‘i nɛ desee; wi’ɛi e ta nɛ̀ GASA WAN, Sɔ̧ kɔ̧-a̧.

⁶Nɛ́ GASA WAN a̧ dee yiwese in nù gu nɛ̀ o gba-tɔp in o mɔ nɛ̀ ya ɗɔɔ-aa lɛŋ. A̧ tɔ̧ nɛ kpasawen ɓɔnsɛnɛ;

⁷a̧ gɔn kita zu o wi-bɔnɛ nɛ yuwar-a, nɛ́ a̧ a̧ ha̧ nyɔŋmɔ ha̧ o wi-wɔ; kànà nɛ́ a̧ a̧ bur o wi nɛ̀ ya tɛ nyak-zɔɓɔ yinɛ.

⁸GASA WAN nɛ́ wi-hu̧i̧-yí o wan-boma-yí; a̧ nɛ́ wi-nyafi-ɗoŋ o wi nɛ̀ ɗoŋ bira. A̧ nɛ́ wi-pɛm o gɛnɛ; nɛ́ a̧ a̧ gbak o be-oi in o ko-gera mbɛt. GASA WAN kɔ̧ɔ̧ kɔ‘i nɛ́ o wi-de-mɔ nɛ yuwar-a, a̧ nɛ́ wi-yai o ee-zu-mɔ ko o wi-ɗaŋ yinɛ.

¹⁰Siɔŋ, nduti wan ko GASA WAN, Sɔ̧ kɔ-mɛ, beka bo na ɓɔnsɛnɛ kpoo nɛ kpoo. Aleluya!