Read Northwest Gbaya GIMA 148 Bible Online

GIMA 148 - Northwest Gbaya bible

GIMA 148

¹Aleluya! O mɔ mɛ yiwese a̧ zɔ́n GASA WAN, o mɔ nɛ̀ ya si ŋgɔn mɛ a̧ zɔ́n a̧,

²o betom mɛ yiwese lɛŋ a̧ zɔ́ŋ a̧, o wi-biro kɔ̧-a̧ lɛŋ a̧ zɔ́n a̧!

³Wese in nyaŋa-zɛ a̧ zɔ́n a̧, o nyɛka sɔra yiwese lɛŋ a̧ zɔ́n a̧,

⁴gba̧a̧-yí-zan a̧ zɔ́n a̧, yì mɛ ɗoŋ yiwese mɛ a̧ zɔ́n a̧!

⁵O mɔ lɛŋ a̧ zɔ́n GASA WAN, wen nɛ́ à̧ á̧ tɔ̧ɔ̧ wen sɛka mɔɔ nɔ‘i be tɛ̀ɛ́ de;

⁶a̧ ee wa mɛ duk ɓɔnsɛnɛ ɗɔɔ heembea kɔ̧-a̧ nɛ̀ beka kpai na.

⁷Sɛn mbɔɗɔnu ɛ̀nɛ̀ zɔ́n GASA WAN, o ndiɓa in o ɗuka dir,

⁸wee in ɓɔrɔ, kutu in ŋga búk-kórò nɛ̀ duk nɛ́ betom kɔ̧-a̧,

⁹o kaya in zu-tɔ̧́ lɛŋ, o te nɛ‘i nyɔŋ waya-a nyɔŋ in o gbatui lɛŋ,

¹⁰o saɗi-zaŋbɛɛ in o mɔ-dai, o saɗi-gbur-zaŋ nɛ nù in o nɔ̧́í̧,

¹¹o wannu in o dukbíí lɛŋ, o be-wan in o wi-gɔn-kita zu nù'ɛ lɛŋ,

¹²o ŋgaiwi in o be-zɔŋa, o gbɛ́rɛ́ ká bá nɛ̀ o obem a̧ zɔ́n GASA WAN!

¹³Wa a̧ zɔ́n nin GASA WAN wen kànà nɛ́ nin-a kpɔk ɓɛɛ a̧ ɔ gasa. Gasamɔ kɔ̧-a̧ a̧a̧ zu nù in yiwese mbɛt.

¹⁴Nɛ́ a̧ a̧ de ha̧ o wi-mbo-zu ha̧ a̧, in Israɛl dukbíí kɔ̧-a̧ nɛ̀ ndaɗa in a̧ mɛ duk tɛ̀ ɓɛɛ kpaa zɔnamɔ. Aleluya!