Read Northwest Gbaya GIMA 20 Bible Online

GIMA 20 - Northwest Gbaya bible

GIMA 20

¹Gima ko David ha̧ wan-duk-zu-gima.

²GASA WAN a̧ zii saa-sara k’ɛ́nɛ́ wese dita-see; nin Sɔ̧ ko Jakob a̧ ha̧ ŋgai h’ɛ́nɛ́!

³A̧ a̧ tom gbakamɔ nɛ̀ sa̧a̧-fara kɔ̧-a̧ mɛ tɛnɛ h’ɛ́nɛ́; a̧ a̧ yor ɗoŋ‘nɛ́ nɛ̀ Siɔŋ mɛ tɛnɛ.

⁴Tɛ-a a̧ mbaŋ ɗoŋ ha̧a̧mɔ n’ɛnɛ ha̧a̧ so ha̧ a̧ lɛŋ; a̧ a̧ kpɛk dɔɔ-kpoo-sɔ̧ k’ɛ́nɛ́.

⁵A̧ a̧ ha̧ mɔ nɛ̀ see'nɛ́ kɔ̧a̧ h’ɛ́nɛ́; a̧ a̧ yor ɗoŋ‘nɛ́ tɛ mɔ lɛŋ n’ɛnɛ kɔ̧ɔ̧ mɛ de,

⁶ɓɛɛ ɛɛ tɛ sumburi a̧ nɛ̀ desee ŋgimbi n'aa tɛ kpasi nɛ̀ mɛ; ɛɛ tɛ ba tutuwal nɛ ŋgɔn nɛ̀ nin Sɔ̧ k’ɛɛ. GASA WAN a̧ ha̧ mɔ lɛŋ n’ɛnɛ tɛ ak er-a h’ɛ́nɛ́!

⁷Kinii mi iŋa GASA WAN tɛ kpasi wi n'aa tɛna nɔ̧́ a zu-a; a̧ kifi nɛ nú ha̧ a̧ nɛ̀ sa̧a̧-fara kɔ̧-a̧ yiwese mɛ, mɛ kpas'a nɛ̀ ŋgai te-er-a mɛ wiiko.

⁸O ŋma bíí e kɔ‘i ta nɛ̀ o keekee kɔ‘i, o ŋma e kɔ‘i ta nɛ̀ o nyaŋa kɔ‘i, ɓɛɛ war k’ɛɛ, mɔɔ-e-nɛ-ta k’ɛɛ nɛ́ nin GASA WAN, Sɔ̧ k’ɛɛ.

⁹Kɔ-wa nɛ́ hɔ̧fa̧-a̧ tik nù samgbaŋ, ɓɛɛ k’ɛɛ nɛ́ yora-a keŋ.

¹⁰GASA WAN, ɛ̀nɛ̀ kpásí wannu! Ŋgimbi n’ɛɛ sa'nɛ́, ɛ̀nɛ̀ kɔ̧́ sara nú yɛ.