Read Northwest Gbaya GIMA 21 Bible Online

GIMA 21 - Northwest Gbaya bible

GIMA 21

¹Gima ko David ha̧ wan-duk-zu-gima.

²GASA WAN, ŋgai k’ɛ́nɛ́ nɛ́ desee ko wannu. Ɛ́nɛ́ kpasa a̧! Oee nyɛŋɛ n'aa de wa!

³Mɔ n'aa kɔ̧a̧‘i, ɛ́nɛ́ ha̧a̧ ha̧ a̧; mɔ n'aa kɔfa er'nɛ́ lɛŋ, ɛ́nɛ́ dɔ nɛ̀ a̧ na.

⁴Ɛnɛ toka de yoŋgo zu a̧, ɛnɛ guu laasɔ̧i̧-wan nɛ‘i dee nɛ̀ lɔr zu-a;

⁵a̧ kɔfa duka-kpasa er'nɛ́, ɓɛɛ ɛnɛ ha̧ duka-a ɗoŋ-aa nyɛi̧ zu nù'ɛ ha̧ a̧.

⁶Gasamɔ n'aa kpaa tɛ‘nɛ́ nɛ́ gana zu mɔ n’ɛnɛ gana'i; ɛnɛ ha̧a̧ gasamɔ in zɔnamɔ ha̧ a̧,

⁷ɛnɛ toka de yoŋgo nɛ̀ nduti-a bo na zu a̧, ɛnɛ dee ha̧ a̧ mɛ kpa desee tɛ duka-a kɔ̧-a̧ ti'nɛ́.

⁸Wannu e ta nɛ̀ GASA WAN; dee demɔ ko GASA WAN nɛ̀ duk ŋgɔn mɛ dee ha̧ a̧ mɛ yor keŋ.

⁹GASA WAN, ɛnɛ tɛ kpa ndaa o wisɛn k’ɛ́nɛ́ lɛŋ; wii-er'nɛ́ tɛ gbɔsi o wi-kur-zu'nɛ́.

¹⁰Ŋgimbi n’ɛnɛ tɛ usi tɛ‘nɛ́, ɛnɛ tɛ ir wa a kɔ̧ wee kɔ̧ lɔk. GASA WAN tɛ gur wa tɛ nyimsea kɔ‘i, ɓɛɛ wee tɛ dɔ wa kór-kór yinɛ!

¹¹Ɛnɛ tɛ kum o bezaŋ-wa zu nù'ɛ lɛŋ yinɛ; kpar-wa beka duk mgbara o tugun bíí ɓɔna.

¹²Wa ee nú mɛ de ɗaŋmɔ in'nɛ̀ɛ́, wa ɗafa yuwar-a lɛŋ, ɓɛɛ ee-nú kɔ-wa'i tɛ de geemɔ mbulɛɛ.

¹³Ɛnɛ tɛ kom wa nɛ góò mɛ pi̧ wa gbɛ, ɓɛɛ wa tɛ kifi tɛ, yu mɔ yak.

¹⁴GASA WAN, ɛ̀nɛ̀ kúr nɛ̀ ŋgai k’ɛ́nɛ́! Ɓɛɛ ɛɛ tɛ bìì gima-ŋgan-mɔ zɔn nɛ̀ ŋgai k’ɛ́nɛ́.