Read Northwest Gbaya GIMA 24 Bible Online

GIMA 24 - Northwest Gbaya bible

GIMA 24

¹Gima ko David. Kiitɛ nù'ɛ in mɔɔ-zaŋ-aa ká bá nɛ̀ o bíí lɛŋ nɛ́ ko GASA WAN.

²A̧ ee nù nɛ war-a; nɛ́ a̧ a̧ dee nù e zu gba-tɔp in zu yì mɛ ɗɔɔ nù.

³Nɛ́ o'o tɛ daŋ kaya ko GASA WAN mɛ yor kɔ̧ sa̧a̧-fara kɔ̧-a̧ o?

⁴Kànà nɛ́ wi nɛ̀ duk zóóŋ in nɛ̀ see-aa ɔ sa̧a̧, nɛ̀ ndak ɗoŋ géé tum-mɔ na, nɛ̀ kan mɔ nɛ̀ ndela na mbɛt.

⁵GASA WAN tɛ tok de yoŋgo ha̧ wi’ɛi; Sɔ̧ wan-kpas'aa tɛ sa a̧ nɛ́ wi-de-mɔ nɛ yuwar-a.

⁶Sɔ̧ ko Jakob, nɛ́ o pɛrti wi nɔ‘i a̧ kii'nɛ́ mɛ duk in'nɛ̀ɛ́.

⁷Nú-garo, ɛ̀nɛ̀ hú̧í̧ nú‘nɛ́ nɛ̀ pɛsa-a! O gba̧‘a̧ nú tua, ɛ̀nɛ̀ hú̧í̧ nú‘nɛ́ e booŋ wen ha̧ Wan ko gasamɔ mɛ ye mɔ!

⁸Wan ko gasamɔ‘i nɛ́ o nde? Nɛ́ GASA WAN ko ŋgayamɔ, ŋgaŋa wi-biro.

⁹Nú-garo, ɛ̀nɛ̀ hú̧í̧ nú‘nɛ́ nɛ̀ pɛsa-a! O gba̧‘a̧ nú tua, ɛ̀nɛ̀ hú̧í̧ nú‘nɛ́ e booŋ wen ha̧ Wan ko gasamɔ mɛ ye mɔ!

¹⁰Wan ko gasamɔ bɔɔ nɛ́ o nde? Kànà nɛ́ GASA WAN nɛ̀ a̧a̧ nɛ ŋgayamɔ lɛŋ; Wan ko gasamɔ nɛ́ a̧.