Read Northwest Gbaya GIMA 29 Bible Online

GIMA 29 - Northwest Gbaya bible

GIMA 29

¹Gima ko David. Ɛ̀nɛ̀ zɔ́n GASA WAN, ɛ́nɛ́ o bem ko Sɔ̧! Ɛ̀nɛ̀ zɔ́n gasamɔ in ŋgai kɔ̧-a̧!

²Ɛ̀nɛ̀ zɔ́n nin GASA WAN nɛ̀ ɔ gasa nyɛmna'i! Ɛ̀nɛ̀ gú nù ti GASA WAN sɛn kɔ sa̧a̧ bee-gara kɔ̧-a̧.

³Tiger GASA WAN dik zu yì nyɛmna, Sɔ̧ nɛ̀ ɔ gasa dee ha̧ kórò mɛ mbaŋ, tiger-a dik dam zu yì lɛŋ.

⁴Tiger GASA WAN ɔ ŋgaya nyɛmna; tiger GASA WAN ɔ dee nyɛmna mbɛt.

⁵Tiger GASA WAN mbaŋ nɛ gbatui,[7] GASA WAN ndur nɛ gbatui zu kaya Libaŋ mɛ;

⁶ɓɛɛ a̧ de ha̧ kaya'i mɛ kpiɗi zaŋgule hee ŋma be-ndai ga, a̧ de ha̧ kaya Siriɔŋ mɛ kpiɗi hee ŋma be-nam ga mbɛt.

⁷Tiger GASA WAN de ha̧ kórò mɛ pi̧ za̧i̧,

⁸tiger GASA WAN de ha̧ ŋga-gbárà mɛ ba wee lɛk-lɛk; GASA WAN de ha̧ ŋga-gbárà Kadɛs mɛ pi̧.

⁹Tiger GASA WAN de ha̧ o nana zambɛrɛ mɛ ko nɛ ŋgai, a̧ de ha̧ da̧a̧ kombo mɛ gɔn hú̧s-hú̧s; Sɔ̧-de-gasamɔ mgbimgbi hee kórò ga, ɓɛɛ mɔ lɛŋ nɛ̀ a̧a̧ kɔ̧ tua kɔ̧-a̧ ŋgan nɛ́ mɔ ti a̧.

¹⁰GASA WAN ɔɔ so wan ŋgimbi ndiɓa-kórò, ɓɛɛ kànà nɛ́ a̧ a̧ ɔ wan ɓɔnsɛnɛ.

¹¹GASA WAN nɛ́ wan-ha̧-ŋgai ha̧ dukbíí kɔ‘i; de toka yoŋgo n'aa tok zu dukbíí kɔ̧-a̧‘i nɛ́ ga̧a̧mɔ nɛ̀ wa ya sɛnɛ‘i.