Read Northwest Gbaya GIMA 3 Bible Online

GIMA 3 - Northwest Gbaya bible

GIMA 3

¹Gima ko David ŋgimbi n'aa yuu so nɛ mɔ yak ti bem kɔ̧-a̧ Absalɔm.

²GASA WAN, o wi-nas'am dɔka nyɛmna; o wi-kur-zu'm dɔka yak zale;

³o wi nɛ tɔ̧ wen a zu'm dɔka nyɛmna, ɓɛɛ wen nɛ wa tɔ̧ nɛ́ mɔ'ɔ: «Sɔ̧ kɔ̧-a̧ n'aa tɔ̧ nɛnɛ‘i beka kpasi kɔ‘i a̧ ɓɔna!»

⁴Ɓɛɛ GASA WAN, ɛnɛ nɛ́ ŋgee kɔ‘m; nɛ́ ɛnɛ'ɛ dee ha̧ o bíí mɛ zɔn am, ɛnɛ'ɛ dee ha̧‘m mɛ ba zu'm nɛ ŋgɔn.

⁵Kà‘m sá mɔ nɛ̀ hee ger sitɛ GASA WAN, ɓɛɛ a̧ kifa nú nɛ̀ tɛ̀ sa̧a̧ kaya kɔ̧-a̧ mɛ tɛnɛ ha̧‘m.

⁶Kinii mi ɔ nù nɛ fee-see; mi ɔ ya ɓɛɛ mi tuna mɔ kɔ‘m nɛ tɛ‘m wen nɛ́ GASA WAN a̧ pɛm am.

⁷Mi yu kɔ‘m o gba giiwi nɔ‘i nɛ̀ kɛr am mɛ de ɗaŋmɔ in am'i na.

⁸GASA WAN, ɛ̀nɛ̀ kúr! Sɔ̧ kɔ‘m, ɛ̀nɛ̀ kpas'am na nde? Ɛnɛ nɛ́ wan-mbɛr yí o wisɛn kɔ‘m, ɛnɛ nɛ́ wan-gbin gba̧a̧-nin o wi-ɗaŋ!

⁹Yuwar-kpasa-a duk tɛ GASA WAN. Nɛ́ ɛnɛ'ɛ tok de yoŋgo zu dukbíí k’ɛ́nɛ́!