Read Northwest Gbaya GIMA 36 Bible Online

GIMA 36 - Northwest Gbaya bible

GIMA 36

¹Gima ko David, wi-de-tom ko Sɔ̧, ha̧ wan-duk-zu-gima.

²Nɛ́ ɗaŋ taamɔ nɛ̀ duk kɔ̧ see wi-ɗaŋ a̧ usi ɗaŋ war ha̧ a̧; tɛ zɔkamɔ kɔ̧-a̧ ŋma mɔ mɛ yu kíí Sɔ̧ sɛnɛ, bo na.

³Kɔ̧-a̧ kànà nɛ́ zɔna tɛ-a nɛ̀ tɛ-a; a̧ kɔ̧ mɛ iŋ ɗaŋmɔ n'aa de'i ha̧ a̧ mɛ e duk na.

⁴Wen mɛ kɔ̧ nú-a nɛ́ ɔrmɔ in saka-yí, tɛ-a bìí kɔ‘i ɗoŋ dee demɔ kaɗi;

⁵mɔ n'aa ta ɓɔnsɛnɛ, kóó hɔ fara-ɔ-nù kɔ̧-a̧ mbɛt, kànà nɛ́ dee ɗaŋmɔ kɔ̧-a̧‘i; a̧ kɔ̧ mɛ e ɗaŋmɔ duk na kóó tikiɗi.

⁶GASA WAN, dee demɔ k’ɛ́nɛ́ a̧a̧ fara lɛŋ, hɔ yiwese mɛ mbɛt, yora-ɗoŋ-wen k’ɛ́nɛ́ kànà hegɔ hɔ tɛ tura-zan;

⁷deemɔ nɛ yuwar-a k’ɛ́nɛ́ fo tɛ na hee gasa kaya ga, ɓɛɛ gɔna-kita k’ɛ́nɛ́ ɔ ɗuka nyɛmna. GASA WAN, ɛnɛ nɛ́ wan-dai-bíí in o saɗi lɛŋ.

⁸Sɔ̧, dee demɔ k’ɛ́nɛ́ ɔ dee nyɛmna, ɓɛɛ nɛ́ mɔ‘i a̧ o bezaŋ Adam hu̧si nɛ tɛ ɗɔɔ gi̧ɔ̧-tɛ‘nɛ́.

⁹Zaŋ-wa tɛ sur nɛ̀ demɔ k’ɛ́nɛ́; ɛ́nɛ́ dé ha̧ see-wa mɛ ga̧ tɛ dɔka demɔ k’ɛ́nɛ́ hee mɔ'ɔ nɛ yì ga̧ nɛ see-wi’ɛ ga.

¹⁰Duka-kpasa tɛ nɛ̀ tɛ‘nɛ́; nɛ́ sa̧a̧mɔ k’ɛ́nɛ́ nɛ̀ nyɛk a̧ de h’ɛ́ɛ́ mɛ zɔk sa̧a̧mɔ.

¹¹Ɛ̀nɛ̀ úsí kɔ̧ɔ̧mɔ k’ɛ́nɛ́ nɛnɛ ha̧ o wi nɛ̀ iŋa'nɛ́, ɛ̀nɛ̀ úsí deemɔ nɛ yuwar-a k’ɛ́nɛ́ ha̧ o wi-de-mɔ nɛ yuwar-a;

¹²ká naŋ o wi-ɗaŋ mbɔl'am na, ká o wi-ɗaŋ ndak am pi̧ taŋ na mbɛt.

¹³Ɛ̀nɛ̀ zɔ́k tika-a nɛ̀ o wi-de-mɔ de na tik'i, gba̧a̧ tɛ-wa mɔka lɛŋ, wa kpa ŋgai mɛ kur na.