Read Northwest Gbaya GIMA 47 Bible Online

GIMA 47 - Northwest Gbaya bible

GIMA 47

¹Gima ko o bem ko Kore ha̧ wan-duk-zu-gima.

²O bíí lɛŋ, ɛ̀nɛ̀ ɓú er'nɛ́, ɛ̀nɛ̀ zɔ́n Sɔ̧ nɛ desee,

³wen GASA WAN, wan nɛ̀ duk ŋgɔn mɛ, bó nɛ́ wi nɛ‘i tɛ de nɛ̀ zɛŋ na! A̧ nɛ GASA WAN zu nù lɛŋ!

⁴A̧ ee yɛ mɛ ɔ wan zu o dukbíí, a̧ dee ha̧ o tugun bíí mɛ ya ɗɔɔ naŋ yɛ;

⁵a̧ hoka nù h’ɛ́ɛ́ mɛ ya sɛnɛ. Nù‘i nɛ gasamɔ ko Jakob, wi n'aa kɔ̧ɔ̧ so nyɛmna.

⁶Sɔ̧ daŋa si zu damti kɔ‘i ŋgimbi sumbura a̧ in dɔma zak ha̧ a̧.

⁷Ɛ̀ɛ̀ ɔ́lí mɔɔ-dɔm ha̧ Sɔ̧ k’ɛɛ, ɛ̀ɛ̀ ɔ́lí nɛ̀ de-a! Ɛ̀ɛ̀ ɔ́lí mɔɔ-dɔm ha̧ wannu k’ɛɛ, ɛ̀ɛ̀ ɔli nɛ̀ de-a!

⁸Sɔ̧ nɛ̀ wannu zu nù lɛŋ; ɛ̀nɛ̀ ndíkírí gima zɔn nɛ̀ a̧!

⁹A̧ duk zu sa̧a̧ damti kɔ̧-a̧ ɔ nɛ̀ wan zu o tugun bíí nɛ̀ iŋ a̧ na mbɛt.

¹⁰O be-wan ko o dukbíí mɔi̧a ŋmaa in o bíí ko Sɔ̧ ko Abraham, wen o ŋgee-biro zaŋnu lɛŋ nɛ́ ko Sɔ̧; nɛ́ a̧ a̧ ɔ wan zu mɔ lɛŋ.