Read Northwest Gbaya GIMA 52 Bible Online

GIMA 52 - Northwest Gbaya bible

GIMA 52

¹Gima ko David ha̧ wan-duk-zu-gima;

²ŋgimbi nɛ Dowɛg, be Edɔm, nɛɛ tɔ̧ ha̧ Saul ndé, David a̧a̧ tɛ ko Ahimɛlɛk.

³Wi-ŋgai’ɛ, mɛ́ zɔn tɛ-mɛ zu ɗaŋmɔ wen ge?

⁴Taamɔ kɔ-mɛ duk kànà nɛ́ zu ɗaŋa mɔ ɓɛɛ gɔ? Mɛ wi-ruŋgu’ɛ, leɓe-mɛ duk hee tɔ̧́ɔ̧́-nú-pai ga!

⁵Mɛ kɔ̧ɔ̧ ɗaŋmɔ gan demɔ, mɛ kɔ̧ɔ̧ ndela gan kpasawen;

⁶mɛ wi-ruŋgu’ɛ, wen kɔ-mɛ lɛŋ nɛ́ wen-yɔ-bíí!

⁷Sɔ̧ tɛ mbɔli mɛ wen mɔ‘i; a̧ tɛ ɗaŋ mɛ mbulɛɛ yinɛ war kpɔk, a̧ tɛ zuɗi mɛ gbonɛ kɔ̧ tua kɔ-mɛ, a̧ tɛ zuɗi mɛ yinɛ zu nù ko o wi nɛ̀ ya kpasa.

⁸O wi-de-mɔ nɛ̀ yuwar-a tɛ zɔk mɔ‘i; kíì tɛ de wa, ɓɛɛ wa tɛ mam wi’ɛi, wa tɛ tɔ̧:

⁹«Ɛ̀nɛ̀ zɔ́k wi nɛ e so kɔ‘i GASA WAN nɛ̀ fara-hu̧si-tɛ kɔ‘i na'i! A̧ ee so ta nɛ̀ dɔka mbɔi kɔ̧-a̧, a̧ ee so see-aa tɛ dee ŋgazu mbɛt.»

¹⁰Ɓɛɛ kɔ‘m, mi duk hee te-nɔ̧́[11] nɛ̀ ɓɔ sɛn kɔ̧ tua ko Sɔ̧ ga, ɓɛɛ mi tɛ e ta'm nɛ̀ yora-ɗoŋ-wen ko Sɔ̧, hegɔ ɓɔnsɛnɛ nɛ̀ nduti-a beka bo na.

¹¹Mi tɛ zɔn'nɛ́ ɓɔnsɛnɛ wen mɔ‘i n’ɛnɛ dee ha̧‘m'i, ɓɛɛ ŋgimbi nɛ̀ mi a̧a̧ mgbara o bíí nɛ̀ mbo zu h’ɛ́nɛ́, mi tɛ e ta'm nɛ̀ nin'nɛ́ wen nin'nɛ́ ɔ dee.