Read Northwest Gbaya GIMA 54 Bible Online

GIMA 54 - Northwest Gbaya bible

GIMA 54

¹Gima ko David ha̧ wan-duk-zu-gima nɛ̀ o kunde pɛ́r-a nɛtɛ nɛtɛ,

²ŋgimbi nɛ̀ o be Zif tɛɛ ak Saul ndé: «Bo nɛ David hu̧sa̧ bɔɔ mgbara yɛ na nde?»

³Sɔ̧ kɔ‘m, ɛ̀nɛ̀ kpás'am nɛ̀ nin'nɛ́. Tɛ ŋgai k’ɛ́nɛ́, ɛ̀nɛ̀ yé ɗoŋ am.

⁴Sɔ̧, ɛ̀nɛ̀ zíí kɔfa-sɔ̧ kɔ‘m, ɛ̀nɛ̀ zíí aia-nú kɔ‘m wa!

⁵O wi-ŋmaŋ-tɛ kura zu'm; o wi-kii-wen nɔ‘i nɛ̀ kɔ̧ɔ̧ mɛ gbɛ‘m yinɛ‘i e Sɔ̧ hee geemɔ ga.

⁶Zɔk Sɔ̧ nɛ̀ tɛ mɛ gbak am'i! A̧ nɛ́ wi-ha̧-nɔɔ-ŋgiɗi ha̧‘m kpɔk ɓɛɛ.

⁷Ɗaŋmɔ ko o wi-nas'am nɔ‘i a̧ tík zu wa woyo! GASA WAN, ɛ̀nɛ̀ ɗáŋ wa lɛŋ yinɛ nɛ̀ kpasawen k’ɛ́nɛ́!

⁸Ɓɛɛ mi tɛ ɗafi sɔ̧ h’ɛ́nɛ́ nɛ̀ tortɛ; mi tɛ de osoko h’ɛ́nɛ́ wen nin'nɛ́ ɔ dee nyɛmna,

⁹wen ɛ́nɛ́ kpasa'm tɛ bɔnɛ kɔ‘m lɛŋ, ɓɛɛ mi zɛkɛɗa o wisɛn kɔ‘m mbɛt.