Read Northwest Gbaya GIMA 60 Bible Online

GIMA 60 - Northwest Gbaya bible

GIMA 60

¹Gima nɛ David yɔra ha̧ wan-duk-zu-gima Miktam mɛ usi ha̧ o bíí. Ger gima’ɛ nɛɛ nɛ́ ɗoŋ gima: Geŋa[12] nɛ́ mɔɔ-nyɛŋɛ.

²Ŋgimbi'i ká David bi nɛ biro in Aram Naharayim ká bá nɛ̀ Aram be Soba; kale ŋgimbi'i Jɔab pia so kɔ‘i ɗoŋ mɛ pati nú o bíí Edɔm booro-ɓu-zua-yiitoo nɛ̀ mɔi̧a so kpa ŋmaa kɔ̧ ɗɔŋgɔ Tɔŋ.

³GASA WAN, see'nɛ́ nyima so zu yɛ, ɓɛɛ ɛ́nɛ́ kai yɛ a taŋ, nɛ́ mɔ'ɔ nɛ̀ ŋgai k’ɛɛ kaɗa; ɛ̀nɛ̀ píí ɗoŋ tɛ yɛ kinii.

⁴Ɛ̀nɛ̀ dee ha̧ nù mɛ nak, ɛ̀nɛ̀ dee ha̧ nù mɛ bin mbɛt; nù a̧ tɛ ɗaŋ‘i! Ɛ̀nɛ̀ kpé o bina-nù nɔ‘i bee!

⁵Ɛ́nɛ́ ee ha̧ wa mɛ usi bɔnɛ ha̧ dukbíí k’ɛ́nɛ́; ɛ́nɛ́ dee h’ɛ́ɛ́ mɛ́ nɔ ŋma ŋga dɔ̧ɔ̧-zik-zu-wi.

⁶Ɛ̀nɛ̀ bá tutuwal nɛ̀ ŋgɔn ha̧ o bíí nɛ̀ yu'nɛ́ mɛ zɔk, ha̧ wa mɛ yu mɔ yak nú-góò.

⁷Ɛ̀nɛ̀ kífí nú h’ɛ́ɛ́! Wii-er'nɛ́ a̧ kpasi yɛ! Ɛ̀nɛ̀ gbó o bíí k’ɛ́nɛ́ yinɛ tɛ bɔnɛ.

⁸Sɔ̧ baa ha̧ so nú nɛ̀ sa̧a̧ fara-duk kɔ‘i mɛ ndé: «Mi Gbin-biro, nɛ́ mi'i tɛ kɛ̧ nú Sikɛm ha̧ o bíí, kànà nɛ́ mi'i tɛ kɛ̧ ɗɔŋgɔ Sukot ha̧ o bíí mbɛt.

⁹Galad in Manase tɛ duk nɛ́ kɔ‘m, Efraim tɛ duk nɛ́ mɔɔ-gu-zu'm, Juda tɛ duk nɛ́ dɔ́rá-wan kɔ‘m;

¹⁰Mɔab tɛ duk nɛ́ gba kpáná-zui-yì kɔ‘m, mi tɛ siŋ ndárà kɔ‘m pi̧ zu Edɔm. O be Filistii a̧ yambali sót-sót hiɗi nɛ mɔ!»[13]

¹¹Nɛ́ o'o tɛ mgbɔ‘m ye nɛ̀ ŋga ye'i o? Nɛ́ o'o tɛ mgbɔ‘m hegɔɔ ye nɛ̀ nú Edɔm o?

¹²Sɔ̧, bɔɔ nɛ́ ge s’ɛnɛ nɛ́ bɔɔ biro in o wi-biro k’ɛ́nɛ́ ɓɔna’ɛ ge? O'o mɔ‘i, ɛ́nɛ́ kaia nɛ́ ɛɛ a taŋ kaɗi ɛ̧ gɔ!

¹³Ɛ̀nɛ̀ gbák yɛ tɛ bɔnɛ k’ɛɛ wen gbakamɔ ko bíí nɛ́ geemɔ!

¹⁴Kà Sɔ̧ nɛ́ yee ɗoŋ yɛ, ɛɛ tɛ de gasamɔ, ɓɛɛ a̧ tɛ mbɔli o wi-kur-zu-ɛɛ nɔ‘i yinɛ.