Read Northwest Gbaya GIMA 64 Bible Online

GIMA 64 - Northwest Gbaya bible

GIMA 64

¹Gima ko David ha̧ wan-duk-zu-gima.

²GASA WAN, ɛ̀nɛ̀ zíí aia-nú kɔ‘m na nde? Ɛ̀nɛ̀ pɛ́m am wen mɔɔ-kíì nɛ̀ o wisɛn kɔ‘m de in am'i;

³ɛ̀nɛ̀ hú̧s'am nɛ̀ o wi-ɗaŋ nɔ'ɔ nɛ̀ kɛr am’ɛ, ɛ̀nɛ̀ hú̧s'am nɛ̀ gba o wi-de-ɗaŋmɔ nɔ‘i.

⁴Ndara nú-wa dir wi de na, nú-wa nɛ́ pa̧i-toro;

⁵o wi nɔ‘i hu̧si ɓútútú a nɛ̀ wen zu wi nɛ̀ wen bo zu-a na hee ŋma wi-pi̧-ɗaŋ-góò ga; kɔ-wa nɛ̀ wa ya nɛnɛ‘i, tɛ-wa de nyir na, ɓan na wa pi̧i̧ góò kaɗi.

⁶Wa som nɛ́ o ŋmaa tɛ ɗaŋ baa keta kɔ-wa, wa kii nɛ́ fara-tui-pɛr ha̧‘m; wa tɔ̧ kɔ-wa'e ndé, ŋma wi-kpa-ndaa-wa bo na,

⁷ŋma bíí nɛ̀ tɛ zɔk oi naŋ-wa bo kɔ‘i na wó, ɓɛɛ Sɔ̧, wi-iŋ-ndaa-mɔ lɛŋ nɛ̀ zɔk kɔ‘i nɛ́ see wi’ɛ, kpaa ndaa mɔ kɔ-wa kaɗi.

⁸Sɔ̧ pi̧i̧ góò ha̧ wa, soɓee góò‘i baa wa kaɗi;

⁹a̧ kuma wa lɛŋ wen tɔ̧ɔ̧ ndiŋ wen kɔ-wa, ɓɛɛ o wi nɛ̀ zɔka wɔr mi̧a zu.

¹⁰Kíì tɛ de o bíí lɛŋ; wa tɛ pɛsi nyɛrɛ tom nɛ̀ Sɔ̧ dea, ɓɛɛ o bíí lɛŋ tɛ zii mgbara mɔ nɛ̀ Sɔ̧ dea'i.

¹¹O wi-de-mɔ nɛ yuwar-a tɛ kpa desee tɛ GASA WAN, wa tɛ hu̧si tɛ sɛn tɛ-a, ɓɛɛ o de-wi tɛ zɔn tɛ̀ tɛ-a.