Read Northwest Gbaya GIMA 75 Bible Online

GIMA 75 - Northwest Gbaya bible

GIMA 75

¹Gima ko Asaf ha̧ wan-duk-zu-gima. Ger gima’ɛ nɛɛ nɛ́ ɗoŋ gima: K’ɛ́nɛ́ ɗaŋ mɔ na.

²Ɛ́ɛ́ de osoko h’ɛ́nɛ́, Sɔ̧; ɛ́ɛ́ de osoko h’ɛ́nɛ́ tɛ saa nin'nɛ́ n’ɛɛ sa we nɛ̀ ɗoŋ gasamɔ k’ɛ́nɛ́.

³Sɔ̧ tɔ̧a̧: «Ŋgimbi nɛ̀ mɔ be tɛ̀ɛ́ nyɛm sɛnɛ, mi nɛ̀ tɛ‘m tɛ gɔn kita nɛ yuwar-a.

⁴Kóó nù'ɛ tɛ̀ɛ́ bin so nɛ̀ oi o bíí nɛ̀ ya zu-a lɛŋ, mɔ beka de hegɔ na wen nɛ́ mi'i ee o mbiŋ-a.»

⁵Mi tɔ̧ɔ̧ so ha̧ o wi-ŋmaŋ-tɛ: «K’ɛ́nɛ́ ŋmaŋ tɛ na,» ɓɛɛ mi tɔ̧ ha̧ o wi-ɗaŋ:

⁶«K’ɛ́nɛ́ ba zu'nɛ́ nɛ̀ ŋgɔn tɛ geemɔ na, k’ɛ́nɛ́ su̧ tɛ‘nɛ́ da̧ nɛ̀ dara na.»

⁷Bó nɛ́ gɔna-kita tɛ tɛ nɛ̀ ti daŋa-wese kà bó nɛ̀ yee-wese na, bó nɛ́ nɛ̀ ŋga-gbárà, kóó nɛ̀ ká̧ naŋ kaya na mbɛt,

⁸ɓɛɛ gɔna-kita tɛ tɛ nɛ̀ tɛ Sɔ̧. A̧ tɛ de ha̧ ŋma bíí mɛ gasi, ɓɛɛ a̧ tɛ de ha̧ ŋma mɛ sir.

⁹Ɗele ŋga kpɔra dɔ̧ɔ̧ a̧a̧ er GASA WAN; nɛ́ mɔ‘i a̧ a̧ tɛn ha̧ o wi-ɗaŋ, nɛ́ mɔ'ɔ nɛ̀ wa nɔ́ nɛ̀ kɔ-wa nɛ̀ oi mbiɗi ndaa-a lɛŋ.

¹⁰Ɓɛɛ kɔ‘m, mi tɛ we ɗoŋ tom ko Sɔ̧ nɛnɛ, mi tɛ bìì gima zɔn nɛ̀ Sɔ̧ ko Jakob;

¹¹mi tɛ de ha̧ gba̧a̧-tɛ o wi-ɗaŋ nɔ‘i mɛ gbin, ɓɛɛ o wi-de-mɔ nɛ yuwar-a tɛ kpa ŋgai siti.