Read Northwest Gbaya GIMA 97 Bible Online

GIMA 97 - Northwest Gbaya bible

GIMA 97

¹Nɛ́ GASA WAN a̧ ɔ wan, bíí lɛŋ zu nù a̧ yá nɛ̀ tortɛ! O see-kisi lɛŋ a̧ dé nɛ́ nyɛŋɛ!

²Tum in bu-zan zika a̧ e see-a, deemɔ nɛ yuwar-a in nɛ̀ tana-a nɛ́ naŋ damti kɔ̧-a̧.

³Ŋma wee yaka ti ha̧ a̧ dɔ nɛ̀ o wi-sɛn-a yinɛ katɛ a̧;

⁴kórò pi̧a nyɛk dam zu nù lɛŋ; nù zɔka mɔ‘i nɛ̀ naka-tɛ.

⁵O kaya yela hee ndíá ga ti Wan nɛ ɔ wan zu nú lɛŋ;

⁶yiwese we nɛ́ ɗoŋ deemɔ nɛ yuwar-a kɔ̧-a̧, o dukbíí lɛŋ zɔka gasamɔ kɔ̧-a̧.

⁷Foe a̧ bá o wi-gasi-gee-sɔ̧, o wi-ŋmaŋ-tɛ tɛ geemɔ nɔ‘i! Ɛ̀nɛ̀ gbɛ́ zugur'nɛ́ ti a̧, ɛ̀nɛ̀ o géé-sɔ̧ nɔ'ɔ lɛŋ!

⁸Siɔŋ zia mɔ‘i ɓɛɛ de nyɛŋɛ; o be-zɔŋa Juda ya nɛ̀ tortɛ zu gɔna-kita k’ɛ́nɛ́, GASA WAN,

⁹wen ɛ́nɛ́ nɛ́ GASA WAN, Wan nɛ̀ ɔ wan zu nù'ɛ, nɛ̀ gana o sɔ̧ lɛŋ!

¹⁰GASA WAN kɔ̧ɔ̧ o wi-sɛn-ɗaŋmɔ, ɓɛɛ a̧ pɛm nɛ o wi-mbo-zu ha̧ a̧, ha̧ a̧ mɛ gbo wa er o wi-ɗaŋ yinɛ.

¹¹Sa̧a̧mɔ tok zu wi-de-mɔ nɛ yuwar-a; wi nɛ̀ see ɔ tana duk kɔ‘i nɛ̀ desee.

¹²O wi-de-mɔ nɛ yuwar-a, ɛ̀nɛ̀ dé nyɛŋɛ wen zu nin GASA WAN! Tɛ‘nɛ́'ɛ mbaŋ ɗoŋ mɔ nɛ̀ Sa̧a̧ Wi'i dee h’ɛ́nɛ́, ɓɛɛ ɛ̀nɛ̀ gásí a̧ wen a̧ ɔ sa̧a̧.